Lucas 12:59 - Emberá Chamí

⁵⁹ Mʉʉba jaraaruu: bichi jãmabena wãabai ab̶a bichiba deai b̶uu chi nejarra joma dearuud̶aa.

Lucas 12:59 Referans Kwoze

Marcos 12:42

Maud̶e pẽdrãa chi nejarr barauwãe nii neeped̶a sẽetao ome kaebeu kub̶usii.

Mateo 18:34

Chi rey ãrea kĩru b̶uasiid̶eeba, chi ichi baita trajabarii jʉ̃abadau ded̶e ẽbẽrarã kachirua waubadaurã juad̶e b̶usii chi deai b̶uad̶a joma paaruud̶aa.

2 Tesalonicenses 1:3

Ãbarã, daiba ewaricha machi baita Dachi Akõréturu kid̶ibai abadau. Daiba maka waubadau biꞌia b̶uu. Machiba ewaricha Cristo biꞌia ijãa panuu maud̶e biꞌia chiya kʉ̃ria panuu.

Lucas 16:26

Mau awara dachi kẽsa ea ed̶aa jira nu. Maud̶eeba machimaa wãd̶ai kʉ̃ria panuu sid̶a poyaa wãd̶aabai. Maud̶e jãmauba ab̶a bid̶a poyaa daimaa need̶aabai”.

Mateo 25:46

Maabae Dachi Akõreba maarã tʉbʉchia kiikaud̶aa bʉi, maamina chi jipa nuree eneei ichi baara ewaricha chokae panad̶amera.

Mateo 25:41

»Maabae mʉ jua sordoare panuurãmaa jarai: “Machi, chi Dachi Akõreba nebʉra barau abadaurã, mʉ jãkaabena ãyaa wã́sturu tʉbʉchia kiikaud̶aa. Mau Dachi Akõreba b̶usii jʉbawãe nii, ichid̶irã baara kastikai baita.

Mateo 5:26

Mʉʉba biawãra jaraaruu: bichi jãmabena wãabai ab̶a bichiba deai b̶uu chi nejarra joma dearuud̶aa.