Lucas 12:57 - Emberá Chamí

⁵⁷ »Machiba ¿sakãe poyaa kuitaad̶akau kãare jipa b̶uma?

Lucas 12:57 Referans Kwoze

Juan 7:24

Machiba unu panuu kakua kachirua berrearã́sturu, maumaarã arakʉd̶e berreásturu chi biawãra kuitaad̶aped̶a.

1 Corintios 11:14

Ara dachi saka nureed̶eeba kuitaa panuu mukĩraba bud̶a deseroa awa niibʉrã nejasiai b̶uu.

Lucas 21:30

Bakuru kiruu iku nub̶eeruud̶e machiba kuitaabadau kãꞌãabariwãed̶e iu bia neei.

Mateo 21:32

Juanba jaradead̶akad̶e nee b̶uasii, ãchi jipa nuread̶amera, maamina ijãad̶aabasii. Maamina Romad̶ebena baita chi nejarra pebadaurãba maud̶e wẽrarã aud̶uabadaurãba ijãasid̶au. Maud̶e machiba mau unusid̶amina machi kachirua waud̶ai ida b̶ud̶aabasii, ichi bed̶ea ijãad̶ai baita.

Hechos 2:40

Pedro ãrea berreasii ãchiba ijãad̶amera. Naka jara b̶uasii: —¡Dachi Mechiuba chi id̶ibaebena ẽbẽrarã kachirua waubadaud̶ebena ãyaa wã́sturu!

Mateo 21:21

Jesusba panausii: —Biawãra mʉʉba jarakuaruu: machiba id̶i panuu Dachi Akõreba biawãra waui ijãaduubʉrã, maud̶e ichiba poyaa waubai b̶uu kʉ̃risiad̶awẽebʉrã, mʉʉba jãu higo bakurumaa wausii kĩra audeara waud̶ai. Machiba nau eamaa jãmabena mard̶e b̶aed̶e wã́bad̶e aaduubʉrã, machiba jaraaduu kĩra makai.

1 Corintios 11:13

Machimaarã, ¿biꞌia b̶uka wẽraba borod̶e ne jʉ̃barii jʉ̃wẽed̶e Dachi Akõremaa ʉtaa id̶ii? Ãrea kʉ̃risiásturu biꞌia b̶uu kuitaad̶ai baita.