Lucas 12:50 - Emberá Chamí

⁵⁰ Maamina mau naed̶e mʉ ãrea biꞌiwãe b̶uu. Maud̶eeba ãrea kĩra nomaa b̶uabarii ab̶a mau ewari neeruud̶aa.

Lucas 12:50 Referans Kwoze

Juan 19:30

Jesusba mau uva b̶aa orekea do chaaped̶a jarasii: —Mʉʉba waui b̶uad̶a joma wausii. Maabae ichi boro ed̶aa jaab̶arisiid̶e biusii.

Juan 4:34

Maud̶eeba Jesusba jarakuasii: —Mʉ bʉid̶aba waubi b̶uu joma wau b̶uu, mau mʉ chiko kĩra b̶uu.

Juan 7:10

Jesús ãbarã mau de pãeb̶aribadau ewari waumaa panuumaa wãsid̶au. Mau maad̶akare Jesús wãsii. Maamina chũpea wãsii ẽbẽrarãba kuitaarãad̶amera.

Hechos 20:22

»Jãabae Dachi Akõre Jauriba mʉ Jerusalend̶aa wãbi b̶uud̶eeba araa wãi. Maamina mʉʉba adua b̶uu aria mʉ kãare sãai.

Juan 18:11

Maud̶eeba Jesusba Pedromaa jarasii: —Bichi espada ed̶a joa adause. Makarã, ¿mʉ biꞌiwãe b̶uabai b̶uka mʉ Chachaba mʉ biꞌiwãe b̶uabii b̶uu kĩra?

Mateo 3:6

Ãchiba kachirua wauped̶aad̶a ichi daad̶e jarabachid̶au. Maabae Juanba ãchi Jordán dod̶e boro eakuabachii.

Lucas 12:49

»Mʉ neesii nau drua kastikai baita. Ara ʉ̃raud̶aa maka wauruubarã ãrea b̶uai basii.