Lucas 12:40 - Emberá Chamí

⁴⁰ Ara mau kĩra machi sid̶a dau kuitaa panásturu machiba mʉ, chi Ẽbẽra Ba B̶uad̶a sakaed̶e neei adua panuud̶eeba».

Lucas 12:40 Referans Kwoze

1 Tesalonicenses 5:6

Maud̶eeba dachi kãi duanuuwãema waabenarã kãi duanuu kĩra, maumaarã dau ʉb̶ʉa panad̶ai panuu maud̶e kĩrabia panad̶ai panuu.

Apocalipsis 19:7

¡Kĩrajʉ́duru! ¡Kĩrajʉ́duru! Ichi chi Mechiu nii ad̶ai, Oeja Kaebe Nii miakãai ewari basiid̶eeba. Ichi wẽra ba b̶eeruu paru jʉ̃sii.

Romanos 13:11

Joma mau wau panásturu kuitaa panuud̶eeba nau ewari saka b̶uu. Ʉ̃rʉmásturu. Waa kãi duanarã́sturu. Dachi nau iujãa kachiruad̶ebena karibai aude ara kaita b̶uu dachiba naed̶e ijãaped̶aad̶a audeara.

Mateo 25:13

»Mau kakua machi dau kuitaa duanásturu. Mʉ, chi Ẽbẽra Ba B̶uad̶a neei ewari maud̶e chi hora adua panuu.

Romanos 13:14

Maumaarã Dachi Mechiu Jesucristo nibad̶a kĩra nibásturu. Nau kakuaba kachirua wau kʉ̃ria b̶uu waud̶ai kʉ̃risiarã́sturu.

Mateo 24:44

Ara mau kĩra machi sid̶a dau kuitaa panásturu. Machiba mʉ, chi Ẽbẽra Ba B̶uad̶a neei, kʉ̃risiad̶awẽa panuud̶e neei.

Mateo 24:42

»Maud̶eeba dau kuitaa nureásturu. Machi Mechiu sakaed̶e neei adua panuu.