Lucas 12:20 - Emberá Chamí

²⁰ Maamina Dachi Akõreba ichimaa jarasii: “¡Bichi kʉ̃risia adua nii! Biawãra nau ẽsabud̶e bichi biui. Maabae bichiba pe nub̶ud̶a uru b̶uu ¿kai baita b̶eeima?”

Lucas 12:20 Referans Kwoze

1 Timoteo 6:7

Dachi danaba dachi adausid̶aud̶e nau iujãad̶e ne kaebea ab̶au bid̶a eneed̶aabasii. Biuduud̶e ne kaebea ab̶au bid̶a adoed̶aabai.

Santiago 4:14

Maamina machiba adua panuu nubena ewarid̶e kãare sãai. ¿Machiba kuitaa panuka nubena ewarid̶e chokae nuread̶ai? Adua panuu. Machi jʉ̃rʉara kĩra nuree. Jʉ̃rʉara neeped̶a isa wãꞌãebarii kĩra, machi sid̶a kãꞌãabariwãe nuread̶ai.

1 Tesalonicenses 5:3

Ẽbẽrarãba naka jara panad̶ai: «Joma jirukaraayuwãe panuu, perad̶awẽa panuu». Maka panuud̶e maarã joma baribai ewari neei wẽra warr bara nii barikiu ewarid̶e pirabari kĩra. Maud̶e maarã mirud̶aabai.

Lucas 11:40

¡Machi kʉ̃risiad̶ai adua nuree! ¿Chi ʉ̃rʉbena wausid̶au kĩra ed̶abena sid̶a maka waud̶ai panuka?

1 Timoteo 6:17

Nau druad̶e barau nureerãmaa jarase waabenarã audeara mechiu nuree kʉ̃risiarãad̶amera. Ãchiba ne uru panuu ãrea b̶uakaud̶eeba jarase mau baita biꞌia panad̶ai kʉ̃risiarãad̶amera. Dachi Akõréturu kʉ̃risiad̶ai panuu. Ichiaburu dachimaa ne joma wãꞌãekaraa deabarii jirukaraayuwãe nuread̶amera.