Lucas 11:47 - Emberá Chamí

^47-48 »¡Machi miichuburi nuree Dachi Akõreba kastikaid̶eeba! Machi nabẽraed̶ebenarãba Dachi Akõre baita berreabadaurã beasid̶au. Maabae ãchi jau b̶ubadaumarebena mo ʉ̃rʉbena machiba biꞌia waubadau. Maka wau panuud̶eeba unubibadau machi nabẽraed̶ebenarãba wauped̶aad̶a biꞌia unubadau.

Lucas 11:47 Referans Kwoze

1 Tesalonicenses 2:15

Ara maarãba Dachi Mechiu Jesús maud̶e Dachi Akõre baita berreabadaurã sid̶a beasid̶au. Mau awara dai ãyaa bʉisid̶au. Maarã Dachi Akõreba biꞌia unukau. Maarãba jomaurã kĩramaabadau.

Hechos 7:51

»¡Machi sõ chaarea nuree! ¡Sõd̶eeba ijãad̶akau! Dachi Akõre bed̶ea ũri kʉ̃riad̶akau. Dachi Akõre Jauriba jara b̶uu machiba ewaricha ida b̶ubadau. Ara machi nabẽraed̶ebenarã kĩra nuree.

Mateo 23:27

»¡Machi fariseorã, Moisesba b̶ʉd̶a jaradeabadaurã, setaa ẽbẽra bia nuree abadau, miichuburi nuree Dachi Akõreba kastikaid̶eeba! Chi jau b̶ubadau torroa purubadau, ʉ̃rʉ mipitaa unud̶amera. Maamina ed̶are biuped̶aad̶arã ãrea chi b̶ʉʉrʉrã baara b̶eraa mikia poe.