Lucas 11:42 - Emberá Chamí

⁴² »¡Machi fariseorã miichuburi nuree Dachi Akõreba kastikaid̶eeba! Machiba menta kiruu, ruda kiruu maud̶e uu nub̶uud̶ebena 10 chauduucha, ab̶a Dachi Akõremaa deabadau. Maamina waabenarã ome jipa waud̶akau maud̶e Dachi Akõre kʉ̃riad̶akau. Maka waud̶ai panuu, machiba kiruu deabadau kĩra Dachi Akõremaa.

Lucas 11:42 Referans Kwoze

Mateo 23:23

»¡Machi fariseorã, Moisesba b̶ʉd̶a jaradeabadaurã, setaa ẽbẽra bia nuree abadau, miichuburi nuree Dachi Akõreba kastikaid̶eeba! Menta kiruu, anís, comino Dachi Akõre baita awara b̶ubadau; mau 10d̶ebenacha, ab̶a. Maamina Moisesba b̶ʉd̶ad̶e chi aude b̶uu waud̶akau; waabenarã ome jipa waud̶akau, kĩra chuburiad̶akau maud̶e Dachi Akõred̶e ijãad̶akau. Maka waud̶ai panuu, machiba kiruu deabadau kĩra Dachi Akõremaa.

Lucas 18:12

Misacha b̶es ome Dachi Akõre baara b̶uayua kokau ewari waubarii, maud̶e ne kaebea 10 irsibibariid̶ebena mʉʉba bichimaa ab̶a deabarii”.

1 Juan 4:20

Ab̶auba Dachi Akõre kʉ̃ria b̶uu aaruubʉrã, maud̶e ichi ãba kĩramaa b̶uaruubʉrã, setaa jara b̶uu. Chi ãba unu b̶uu kʉ̃riawẽa b̶uubʉrã, ¿saka Dachi Akõre unuwẽa nii kʉ̃ria b̶uaima?

Mateo 23:27

»¡Machi fariseorã, Moisesba b̶ʉd̶a jaradeabadaurã, setaa ẽbẽra bia nuree abadau, miichuburi nuree Dachi Akõreba kastikaid̶eeba! Chi jau b̶ubadau torroa purubadau, ʉ̃rʉ mipitaa unud̶amera. Maamina ed̶are biuped̶aad̶arã ãrea chi b̶ʉʉrʉrã baara b̶eraa mikia poe.

Juan 5:42

Mau awara mʉʉba machi unubarii. Kuitaa b̶uu machiba Dachi Akõre kʉ̃riad̶akau.

Mateo 23:13

»¡Machi fariseorã, Moisesba b̶ʉd̶a jaradeabadaurã, setaa ẽbẽra bia nuree abadau, miichuburi nuree Dachi Akõreba kastikaid̶eeba! Machiba ẽbẽrarãmaa ida kuitaabiad̶akau Bajãad̶e B̶uuba ichid̶irã ichi juad̶e ua b̶uu ʉ̃rʉbena. Ichi juad̶e panad̶ai kʉ̃riad̶awẽa panuu maud̶e chi aria duanad̶ai kʉ̃ria panuurã ida b̶ud̶akau.