Lucas 11:4 - Emberá Chamí

⁴ Daiba kachirua wauped̶aad̶a perdonakuase, daimaa kachirua wauduu daiba perdonabadau kĩra. Dai kachiruad̶e b̶aebiarã́se, maumaarã kachiruad̶ebena aid̶ase”.

Lucas 11:4 Referans Kwoze

Mateo 26:41

Machi ʉ̃rʉma panásturu. Dachi Akõremaa ʉtaa id̶ísturu kachiruad̶e b̶aed̶aamaaba. Mʉʉba kuitaa b̶uu machiba bia wau kʉ̃ria panuu. Maamina machi kakuaba poyaad̶aabai panuu.

Colosenses 3:13

Jomaurã ome jãaduai kuitaa panásturu. Ab̶auba kachirua wauruubʉrã mau kachirua waud̶a perdonásturu. Machiba kachirua wauped̶aad̶a Dachi Mechiuba kʉde b̶eei ida b̶ud̶a kĩra machia bid̶a kʉde b̶eei ida b̶ústuru.

Mateo 18:35

»Ara mau kĩra waui mʉ Chacha bajãad̶e b̶uuba machi ome, machiba machi ãbarã kĩra chuburiad̶awẽebʉrã maud̶e sõd̶eeba perdonad̶awẽebʉrã maarãba machimaa ne kachirua wauped̶aad̶a.

Santiago 2:13

Chi waabenarã kĩra chuburiakau Dachi Akõreba ichiaruud̶e kĩra chuburiabai. Maud̶e chi waabenarã kĩra chuburiabadau biꞌia nuread̶ai.

2 Timoteo 4:18

Ichiba joma mʉ kachirua wauruud̶ebena karibai. Mʉ biꞌia nuped̶a bajãad̶aa adooi, ichid̶irã ichi juad̶e ua b̶uud̶aa. Ewaricha ichimaa ãrea biꞌia berread̶ai panuu. Biꞌia b̶uu maka b̶uai.

2 Tesalonicenses 3:3

Maamina Dachi Mechiuba waui ichiba jara b̶uu kĩra. Ichiba machi aid̶a b̶uai dauchia jãadua panad̶amera maud̶e kachiruad̶ebena kariba b̶uai.

1 Corintios 10:13

B̶esed̶e dachi sõd̶e kʉ̃risiabadau kachirua waud̶ai baita, jomaurãba maka kʉ̃risiabadau kĩra. Mau poyaa dauchia jãadua panad̶awẽebʉrã, Dachi Akõreba dachimaa maka kʉ̃risiabiabai. Maud̶e dachiba maka kʉ̃risia paneeduud̶e ichiba aid̶ai dauchia jãadua panad̶amera, ichiba jara b̶uu kĩra ewaricha waubariid̶eeba.

Juan 17:15

Mʉʉba bichimaa id̶iwẽa b̶uu maarã nau iujãad̶ebena ãyaa adoemera, maumaarã id̶i b̶uu kachiruad̶ebena nu b̶uamera.

Lucas 22:46

Maud̶eeba ãchimaa jarasii: —¿Sakãe machi kãi duanuma? Jiradud̶aped̶a Dachi Akõremaa ʉtaa id̶ísturu machiba kachirua waud̶ai kʉ̃risiaduubʉrã, ichiba machi aid̶amera.

Lucas 8:13

Netaa mo ʉ̃rʉ ioro bia wãꞌãed̶e b̶aed̶a nau jara b̶uu: waabenarã ẽbẽrarãba Dachi Akõre bed̶ea ãrea kĩrajʉʉ ũribadau, maamina ãrea karr jidaud̶akaud̶eeba sõd̶eeba ijãad̶akau. Maud̶eeba kãꞌãabariwãed̶e ãrea kachirua wauduud̶e ida b̶ubadau.

Apocalipsis 3:10

Machiba joma chi mʉ kakua biꞌiwãe duanuu dauchia jãadua panuu mʉʉba jarad̶a kĩra. Maud̶eeba chi joma nau iujãad̶ebena biꞌiwãe panad̶ai ewari neeruud̶e, mʉʉba machi nu ua b̶uai. Mau ewarid̶e joma chi nau iujãad̶e duanuu biꞌiwãe panabiai sakad̶ai kuitaayua.

Apocalipsis 2:10

Chi machi kãꞌãabariwãed̶e biꞌiwãe panad̶ai ewari wapearã́sturu. ¡Ũrísturu! Chi jʉbawãe niiba machid̶ebena chi nuree jʉ̃a bʉikai ijãa panuu kuitaayua. Ewari 10 ãrea biꞌiwãe panad̶ai. Maamina biuduud̶aa ijãa panásturu. Maud̶e mʉʉba machimaa boro jũra dearuud̶e ewaricha chokae nibabiai.

Lucas 11:5

Maud̶e Jesusba naka jarasii: —Nau kʉ̃risiásturu: Machid̶ebenaba ẽsab̶aare baaruud̶e chi kõpaeromaa wãaruud̶e naka jaraaruu: “Kõpaero, mʉʉmaa pan õbea dead̶ause.

Lucas 13:4

Siloed̶e de ʉtʉ deseroa b̶uad̶a ẽbẽrarã ʉ̃rʉ teawãsiid̶e 18 biusid̶au. Maka biuped̶aad̶ad̶eeba ¿machiba kʉ̃risia panuka ãchiba aude kachirua waubachid̶au waabena Jerusalend̶e duanuurãba waubadau audeara?