Lucas 11:36 - Emberá Chamí

³⁶ Maamina bichi biawãra ʉ̃d̶aad̶e b̶uubʉrã, pãriud̶e b̶aꞌãra bid̶a b̶uuwãebʉrã, chi bed̶ea biawãra kuitaai ʉ̃d̶aa koabariiba ãrea ʉ̃d̶aa b̶uu kĩra».

Lucas 11:36 Referans Kwoze

2 Corintios 4:6

Nau iujãa joma pãriu b̶uad̶a Dachi Akõreba ʉ̃d̶aabisii. Ara mau kĩra ichi ʉ̃d̶aa dachi sõd̶e ʉ̃d̶aabisii. Mauba jara b̶uu ichi kĩrawãrea Cristod̶eeba dachimaa kuitaabisii.

2 Pedro 3:18

Jesucristo Dachi Mechiu maud̶e Dachi Karibabarii ʉ̃rʉbena biꞌia kuitaa kãribásturu. Ichi sõbiad̶eeba warísturu. Id̶i maud̶e ewaricha ichimaa biꞌia berread̶ai panuu. Biꞌia b̶uu maka b̶uai.

Colosenses 3:16

Bed̶ea Cristo ʉ̃rʉbena machi sõd̶e uru panásturu. Joma Dachi Akõre kuitaad̶eeba chiya jaradeásturu maud̶e chiya aid̶ásturu biꞌia ijãad̶ai baita. Dachi Akõre bed̶ead̶e b̶ʉ kub̶uu karísturu, ãbarãba karibadau maud̶e Dachi Akõre Jauriba karibi b̶uu sid̶a Dachi Akõremaa karísturu. Sõd̶eeba ichíturu kid̶ibai jara panuud̶eeba karísturu.

Santiago 1:25

Maamina barikiuba Dachi Akõre bed̶ea ũrid̶a kĩraba b̶uai ida b̶uwẽebʉrã, ãrea biꞌia b̶uai. Ẽbẽraba mau bed̶ea jipa b̶uu dachi kariba b̶uu ewaricha biꞌia kʉ̃risiaped̶a wau b̶uubʉrã, ichiba maka wau b̶uud̶eeba ãrea biꞌia b̶uai.

Hebreos 5:14

Maamina chiko chaarea b̶uu chõrarã baita b̶uu. Ãchiba Dachi Akõre bed̶ea kauwa kʉ̃risia panuud̶eeba kuitaa panuu kãare chi bia maud̶e kãare kachirua b̶uu.

Efesios 4:14

Makarã waa wãwa kĩra nuread̶aabai. Wãwaba barikia bed̶ea ijãabarii. Mau awara ẽbẽrarã setaa kũruad̶ai kuitaa nureeba jaradea panuud̶eeba, setaa ijãabiabadau pũatuba jãba ãyaa adoeruu kĩra. Maamina dachi mau jãba kĩra nuread̶aabai.

Mateo 13:52

Maud̶e Jesusba jarasii: —Bajãad̶e B̶uuba ichid̶irã ichi juad̶e ua b̶uu ʉ̃rʉbena Moisesba b̶ʉd̶a jaradeabariiba kuitaaruubʉrã, de chibari kĩra b̶uu. Ichiba chi ne kaebea bia wid̶i pe nub̶uumarebena maud̶e chi ne kaebea bia nabẽraed̶ebena sid̶a unubibarii.

Mateo 5:15

Maud̶e ʉ̃d̶aa koabarii koad̶akau cajón ekare mera nub̶ud̶ai baita. Mau kãyabãra koaduud̶e, ne kaebea ʉ̃rʉ ʉtʉ nub̶ud̶ai joma deed̶a panuurãba chi ʉ̃d̶aa unud̶amera.

Lucas 11:35

Maud̶eeba ãrea kauwa b̶uase. Bichiba ʉ̃d̶aa kĩra kʉ̃risia b̶uu mau pãriud̶e kĩra b̶uarãamera.

Lucas 11:37

Jesusba maka jarasiid̶e fariseo ab̶aba ichi iusii ichi ome kod̶e wãmera. Ara makʉd̶e Jesús mau ẽbẽra ded̶e wãped̶a koi baita akʉ b̶eesii.