Lucas 11:19 - Emberá Chamí

¹⁹ »Machimaarã mʉʉba Beelzebú poyaad̶eeba jai kachiruarã duabʉi b̶uubʉrã, makarã machi baara nibabadaurãba ¿kai poyaad̶eeba jai duabʉibadama? Ara ãchiba unubibadau machi biꞌia kʉ̃risiad̶awẽa panuu.

Lucas 11:19 Referans Kwoze

Lucas 9:49

Maabae Juanba naka jarasii: —Jaradeabarii, daiba ẽbẽra unusid̶au bichi trʉ̃d̶eeba jai kachirua duabʉikua b̶uu. Maamina dachi baara nibakaud̶eeba daiba ichimaa jarasid̶au waa maka waurãamera.

Romanos 3:19

Mau bed̶ea Dachi Akõre bed̶ead̶e b̶uu chi mau b̶ʉd̶a ũri nureerãmaa jara b̶uu. Maka ab̶au bid̶a poyaa kachiruaswãe b̶uu a jarad̶aabai. Mau Moisesba b̶ʉsiid̶eeba kuitaa panuu joma nau iujãad̶ebenarã Dachi Akõre daad̶e nebʉra bara panuu.

Lucas 19:22

»Maud̶eeba chi jaradea ua b̶uabariiba jarasii: “Mʉ baita bari trajabarii kachirua, biawãra bichiba jara b̶uud̶eeba kuitaa b̶uu mʉʉba jarad̶a waubasii. Bichiba mʉ maka nii ãrea kuitaa b̶uasiibʉrã ¿sakãe mʉ nejarra, chi nejarra nubadau ded̶e b̶uud̶e wãabasma? Makad̶a basirã mʉ chi nejarra aude maucha adaui basii”.

Mateo 4:24

Maud̶eeba ichi joma Siria druad̶ebenarãba trʉ̃ poasid̶au. Maud̶eeba ẽbẽrarãba joma barikiu ẽpermo nureerã eneebachid̶au, kakua puꞌua nuree, jai kachirua bara nuree, kakua wawaaduuba biꞌiwãe nuree maud̶e b̶akara suriidu nuree ichimaa eneebachid̶au. Jesusba ãchi joma aribiabibachii.

Hechos 19:13

Mau ewarid̶e chi nuree judiorãba jai kachirua duabʉikua nibabachid̶au. Maarãba Dachi Mechiu Jesús trʉ̃d̶eeba jai kachirua ẽbẽrarã kakuad̶ebena duabʉikad̶ai chaa panasid̶au. Naka jarabachid̶au: «Pabloba jaradea b̶uu Jesús trʉ̃d̶eeba mʉʉba jaraaruu: ãyaa wãse».