Lucas 11:13 - Emberá Chamí

¹³ Machi chi kachirua nureeba machi warrarãmaa ne kaebea dead̶ai kuitaa panuubʉrã, ¿machi Akõre bajãad̶e b̶uuba chi ʉtaa id̶i panuumaa ichi Jauri deabai b̶uka?

Lucas 11:13 Referans Kwoze

Mateo 7:11

Machi chi kachirua nureeba machi warrarãmaa ne kaebea dead̶ai kuitaa panuubʉrã, ¿machi Akõre bajãad̶e b̶uuba chi ʉtaa id̶i panuumaa ne kaebea bia deabai b̶uka?

Juan 4:10

Jesusba panausii: —Dachi Akõreba dea b̶uu bichiba kuitaaibʉrã maud̶e cha bania id̶i b̶uu kai kuitaaibʉrã, bichiba mʉʉmaa bania id̶ii basii. Maabae mʉʉba bania chokae b̶uabibarii deai basii.

Romanos 8:32

Biawãra Dachi Akõreba ichi Warr wãakaabasii maumaarã joma dachi kakua ida beabisii. Maud̶eeba ¿ichiba dachimaa joma biꞌia Cristo ome ãbua deabaika?

Hechos 2:38

Maud̶e Pedroba panausii: —Kachirua ida b̶ud̶aped̶a Dachi Akõremaa nésturu. Jesucristo trʉ̃d̶eeba boro eásturu. Maud̶e machiba kachirua wauped̶aad̶a Dachi Akõreba perdonaped̶a ichi Jauri machimaa deai.

Mateo 6:14

»Waabenarãba machi kachirua wauped̶aad̶a perdonaaduubʉrã, machiba kachirua wauped̶aad̶a machi Akõre bajãad̶e b̶uuba perdonai.

Mateo 6:32

Dachi Akõred̶e ijãad̶akau nuree bid̶a kʉ̃risiabadau, maamina machi Akõre bajãad̶e b̶uuba kuitaa b̶uu machiba kãare nista panuu.

Lucas 11:2

Jesusba jarasii: —Machiba Dachi Akõremaa ʉtaa id̶iiduud̶e naka berreásturu: “Dai Akõre bajãad̶e b̶uu, bichi trʉ̃ aude bibuara nii waabenarã trʉ̃ audeara. Daiba kʉ̃ria panuu kãꞌãabariwãed̶e bichiba bichid̶irã bichi juad̶e ua b̶uai. [Kʉ̃ria panuu bichiba kʉ̃ria b̶uu nau iujãad̶ebenarãba waud̶ai, bajãad̶ebenarãba waubadau kĩra.]

Mateo 6:30

Id̶ibae sirua moded̶e unubadau. Norema baabadamina Dachi Akõreba biꞌia ponobibarii. Maud̶eeba ¿ichiba machimaa paru bibuara b̶uu deawẽka machiba mau jʉ̃d̶amera? ¿Sakãe machiba ijãad̶awẽma ichiba karibai b̶uu?

Mateo 5:45

Maka wauduubʉrã, machi bajãad̶ebena Akõre Mechiu warrarã panad̶ai. Mauba ʉmada koabibarii jomaurã ʉ̃rʉ; biꞌia nureerã ʉ̃rʉ maud̶e kachirua nureerã ʉ̃rʉ. Maud̶e ichiba kui chebibarii ichi bed̶ead̶e jara b̶uu kĩra waubadaurã ʉ̃rʉ, maud̶e ichi bed̶ead̶e jara b̶uu kĩra waud̶ai kʉ̃riad̶akau ʉ̃rʉ bid̶a.

Mateo 5:16

Ara mau kĩra ẽbẽrarã daad̶e biꞌia wáusturu ãchiba Dachi Akõre bajãad̶e b̶uumaa biꞌia berread̶amera.

Romanos 7:18

Mʉʉba kuitaa b̶uu mʉ sõd̶e ne bia wãꞌãema. Biꞌia jaraaruubʉrã, mʉ nau kakuad̶e b̶uud̶eeba ara mʉʉba kʉ̃ria b̶uud̶eeba biꞌia poyaa waukau. Mʉʉba biꞌia wau kʉ̃ria b̶umina poyaa waukau.

Romanos 5:17

Biawãra ẽbẽra ab̶aba kachirua waud̶a kakua joma biubadau. Maamina june ẽbẽrad̶eeba, mau kãyabãra ewaricha ichi ome chi reyrã kĩra panad̶ai. Mau Jesucristod̶eeba Dachi Akõreba ne ab̶a bid̶a deábad̶e awẽa, ichi sõbiad̶eeba ãrea karibaped̶a, ẽbẽrarã nebʉraswãe nuree a jarabarii.

Tito 3:3

Biawãra naed̶e dachia bid̶a kʉ̃risia biꞌiwãe panasid̶au, Dachi Akõred̶e ijãad̶aabai panasid̶au, biꞌiwãe kʉ̃risia panasid̶au. Dachiba kachirua wau kʉ̃ria nuree maud̶e kĩrajʉʉ wau kʉ̃ria nuree, chibari baita bari trajabarii kĩra joma waubachid̶au. Barikia kachiruad̶e nibabachid̶au, waabenarãba uru panuu kakua sõd̶e kachirua panabachid̶au, waabenarãba dachi kĩramaabachid̶au, maud̶e dachiba waabenarã kĩramaabachid̶au.

Lucas 11:12

Warrba eterr ʉmʉ id̶iiruud̶e ¿chi akõreba dusũri deaika?

Lucas 18:7

Dachi Akõreba jʉrʉ adaud̶arãba ãyadaa maud̶e ẽsabud̶e ichimaa chi chuburia id̶i panuud̶e ¿ichiba jipa wau b̶uud̶eeba aid̶aabaika? ¿Panaui baita kãꞌãaika?