Lucas 10:9 - Emberá Chamí

⁹ Mau awara chi ẽpermo nuree aribiabiásturu. Maarãmaa naka jarásturu: “Dachi Akõreba machi ichi juad̶e ua b̶eei, ichid̶irã baara”.

Lucas 10:9 Referans Kwoze

Mateo 3:2

Juanba naka jarabachii: «Bajãad̶e B̶uu neeruu ichid̶irã ichi juad̶e ua b̶uai baita. Maud̶eeba machiba kachirua waubadau ida b̶ud̶aped̶a ichimaa wã́sturu».

Juan 3:5

Jesusba panausii: —Mʉʉba bichimaa biawãra jaraaruu: baniad̶eeba maud̶e Dachi Akõre Jaurid̶eeba b̶ited̶ebena neewẽebʉrã, Dachi Akõre juad̶e poyaa b̶uabai ichid̶irã baara.

Lucas 10:11

“Nau puurud̶ebena ioro jora dai jʉ̃rʉd̶ebena machi daad̶e neapeeduu unubiad̶ai baita Dachi Akõreba ẽbẽrarã kastikai. Biꞌia kuitásturu Dachi Akõreba ichid̶irã ichi juad̶e ua b̶eei”.

Hechos 28:31

Ichiba wapeawẽa berreabachii Dachi Mechiu Jesucristod̶eeba, Dachi Akõreba ichid̶irã ichi juad̶e ua b̶uu ʉ̃rʉbena. Maud̶e ab̶au bid̶a ichimaa makarã́bad̶e ad̶aka basii.

Lucas 9:2

Maud̶e ãchi bʉikasii Dachi Akõreba ichid̶irã ichi juad̶e ua b̶uai ʉ̃rʉbena jarad̶e wãd̶amera maud̶e ẽpermo nuree aribiabiad̶amera.

Hechos 28:28

»Jãu kuitásturu: Dachi Akõreba dachi karibai ʉ̃rʉbena jara nuree judiowãerãmaa bʉisii. Ãchiba mau biꞌia ũrid̶ai.

Juan 3:3

Jesusba ichimaa jarasii: —Mʉʉba bichimaa biawãra jaraaruu: wãwa adaubarii kĩra, waya chiwid̶i b̶eewẽebʉrã, Dachi Akõre juad̶e poyaa b̶uabai ichid̶irã baara.

Marcos 6:13

Mau awara jai kachirua ãrea ẽbẽrarã kakuad̶ebena duabʉikuasid̶au maud̶e ãrea ẽpermo nuree olivo draaba puruuduud̶e aribiabiabachid̶au.

Marcos 4:30

Maud̶e Jesusba jarasii: «Dachi Akõreba ichid̶irã ichi juad̶e ua b̶uu ¿kãare kĩra b̶uma? ¿Kãare nebʉrʉʉruuba mʉʉba kuitaa jaraima?

Mateo 4:17

Mau ewari tõpe Jesusba naka jara nibasii: «Bajãad̶e B̶uu neeruu ichid̶irã ichi juad̶e ua b̶uai baita. Maud̶eeba machiba kachirua waubadau ida b̶ud̶aped̶a ichimaa nésturu».

Lucas 10:10

»Maamina puurud̶e needuud̶e ẽbẽrarãba machi biꞌia irsibid̶awẽebʉrã, arabena wãd̶aped̶a maarãmaa naka jarásturu: