Lucas 10:37 - Emberá Chamí

³⁷ Maud̶e chi Moisesba b̶ʉd̶a jaradeabariiba panausii: —Chi kĩra chuburiad̶aba. Jesusba maumaa jarasii: —Ara mau kĩra waabenarã kʉ̃riáse.

Lucas 10:37 Referans Kwoze

1 Pedro 2:21

Cristo machi kakua ãrea biꞌiwãe b̶uasiid̶eeba Dachi Akõreba machi iusii ãrea biꞌiwãe panad̶amera. Cristo ãrea biꞌiwãe b̶uasiid̶e unubiasii machi nebʉrad̶e panuud̶e saka nibad̶ai panuu.

2 Corintios 8:9

Machiba ãrea kuitaa panuu Dachi Mechiu Jesucristoba ichi sõbiad̶eeba waud̶a. Ichi bajãad̶e ne joma uru b̶umina, machi baita chi nejarr barauwãe b̶uu kĩra b̶uasii machiba ne joma Dachi Akõreba dea b̶uud̶ebena uru nuread̶amera.

Mateo 23:23

»¡Machi fariseorã, Moisesba b̶ʉd̶a jaradeabadaurã, setaa ẽbẽra bia nuree abadau, miichuburi nuree Dachi Akõreba kastikaid̶eeba! Menta kiruu, anís, comino Dachi Akõre baita awara b̶ubadau; mau 10d̶ebenacha, ab̶a. Maamina Moisesba b̶ʉd̶ad̶e chi aude b̶uu waud̶akau; waabenarã ome jipa waud̶akau, kĩra chuburiad̶akau maud̶e Dachi Akõred̶e ijãad̶akau. Maka waud̶ai panuu, machiba kiruu deabadau kĩra Dachi Akõremaa.

Efesios 5:2

Jomaurã kʉ̃riásturu Cristoba dachi kʉ̃ria b̶uu unubid̶a kĩra. Kʉ̃riad̶eeba dachi kakua ara ichi beabisii Dachi Akõremaa ãnimara baa dearuu kĩra. Dachi Akõreba mau biꞌia unusii.

Apocalipsis 1:5

Maud̶e kʉ̃ria b̶uu Jesucristo bid̶a maka wau b̶uai. Ichiba Dachi Akõre ʉ̃rʉbena biawãra jarabarii. Biu b̶uad̶a naa chokae jiradusii, joma nau iujãad̶ebena chi reyrã audeara chi mechiu nii b̶uai baita. Mauba dachi kʉ̃ria b̶uu maud̶e ichi oad̶eeba kachiruad̶ebena karibasii.

Mateo 20:28

Ara mau kĩra mʉ, chi Ẽbẽra Ba B̶uad̶a neewẽa b̶uu ẽbẽrarã mʉ baita bari trajabadaurã nuread̶amera. Maumaarã nee b̶uu ẽbẽrarã baita bari trajabarii b̶uai baita. Maka mʉ biui ãrea ẽbẽrarã karibai baita.

Lucas 10:36

Maka nebʉrʉped̶a Jesusba id̶isii: —Ẽbẽra õbearãba unusid̶au chi nechirurãba sĩped̶aad̶a. Bichimaarã, ¿sãu chi kõpaero kĩra nii unubisma?

Lucas 10:38

Od̶e wãaduud̶e Jesús maud̶e chi ichi baara nibabadaurã puuru kaebeud̶e neesid̶au. Aria wẽra Marta abadau b̶uabachii. Mau Martaba Jesús ichi ded̶e biꞌia irsibisii.