Lucas 10:29 - Emberá Chamí

²⁹ Maamina Moisesba b̶ʉd̶a jaradeabariiba ichi jipa b̶uu unubii kʉ̃riasii. Maud̶eeba Jesusmaa id̶isii: —Maamina “waabena” jaraaruud̶e ¿mau kai jara b̶uma?

Lucas 10:29 Referans Kwoze

Lucas 16:15

Maud̶e Jesusba ãchimaa jarasii: «Machi waabenarã daad̶e ẽbẽra bia kĩra nuree. Maamina Dachi Akõreba kuitaa b̶uu machi biawãra saka nuree. Ẽbẽrarãmaarã bibuara b̶uu, mau Dachi Akõremaarã biꞌiwãe b̶uu.

Gálatas 3:11

Biawãra dachiba biꞌia kuitaa panuu Moisesba b̶ʉd̶a wau b̶uud̶eeba Dachi Akõreba ab̶a bid̶a chi ichid̶irã jipa nuree baara b̶ui. Dachi Akõre bed̶ead̶e naka b̶ʉ kub̶uu: «Chi jipa nii, Dachi Akõred̶e ijãa niid̶eeba chokae nibai».

Romanos 4:2

Abrahamba ne wau b̶uud̶eeba Dachi Akõreba chi ichid̶irã jipa nuree baara b̶ud̶a basirã, ara ichi ʉ̃rʉbena poyaa biꞌia berreai basii. Maamina Dachi Akõre daad̶e poyaa biꞌia berreabai basii.

Romanos 10:3

Ãchiba unud̶akau saka Dachi Akõreba ẽbẽrarã ichi jipa nuree baara duanui, ichiba bed̶ea dead̶a kĩra. Maumaarã mau ida b̶ud̶aped̶a ara ãchiba wau panuuba jʉrʉ panuu Dachi Akõre puuru jipa b̶uu bad̶ai baita.

Lucas 10:36

Maka nebʉrʉped̶a Jesusba id̶isii: —Ẽbẽra õbearãba unusid̶au chi nechirurãba sĩped̶aad̶a. Bichimaarã, ¿sãu chi kõpaero kĩra nii unubisma?

Santiago 2:24

Maud̶eeba machiba kuitaa panuu Dachi Akõreba dachi jipa unukau, bari dachiba ichid̶e ijãa panuu a panuud̶eeba, maumaarã jipa unu b̶uu ichid̶e ijãaped̶aad̶a biꞌia wau panuud̶eeba.

Marcos 8:34

Jesusba ichi baara nibabadaurã maud̶e waabenarã iukuaped̶a jarasii: «Ab̶a mʉ baara nibai kʉ̃ria b̶uubʉrã, mauba wau kʉ̃ria b̶uu ida b̶uped̶a ãrea biꞌiwãe b̶uai baita b̶uai b̶uu. Maabae mʉ baara wãi b̶uu.