41 Elisabetba María bed̶ea ũriiruud̶e ichi warr b̶ited̶e b̶uu miipasii. Ara makʉd̶e Elisabet Dachi Akõre Jaurid̶e b̶eesii.
Maabae chi Juan akõre Zacariasba Dachi Akõre Jaurid̶eeba naka berreasii:
Biawãra bichi bed̶ea ũriiruud̶e warr mʉ b̶id̶e b̶uu kĩrajʉʉba miipasii.
Maud̶e Pedroba Dachi Akõre Jaurid̶eeba naka panausii: —Dachi puurud̶ebena karrarã maud̶e Israeld̶ebena chõrarã:
Maud̶e Dachi Akõre Jaurid̶eeba paneed̶aped̶a bed̶ea didiwaraa berrea bara b̶eesid̶au, Dachi Akõre Jauriba berreabiad̶a kĩra.
Maka panuud̶e Esteban Dachi Akõre Jaurid̶eeba b̶uasii. Bajãad̶aa ichiaruud̶e Dachi Akõre kĩrawãrea ted̶echoa maud̶e Jesús Dachi Akõre jua biare akʉ nub̶uu unusii.
Dachi Mechiu ewarid̶e mʉ Dachi Akõre Jaurid̶eeba b̶uasii. Maud̶e mʉ kaad̶eeba ab̶a mimi jĩwa berrea b̶uu ũrisii. Ichi bed̶ea kachu jĩwabarii kĩra ũrisii.
Ituaba biu nibarã́sturu. Mauba kachirua aude waubibarii. Biu nibad̶ai audeara Dachi Akõre Jaurid̶eeba nureásturu.
Maud̶eeba ãbarã, machid̶ebena 7 ẽbẽrarã jipa nuree jʉrʉ́sturu. Ãchi Dachi Akõre Jaurid̶eeba nuread̶ai panuu maud̶e kʉ̃risia kuitaa nuread̶ai panuu. Maarã daiba b̶ud̶ai pẽdrãarã maud̶e waabenarã aid̶ad̶amera.
Jesús Dachi Akõre Jauri baara b̶uad̶a, Jordán dod̶ebena waya wãsii. Maud̶e Dachi Akõre Jauriba mau drua sirua wãꞌãe b̶uud̶aa adoesii.
Aria Zacarías ded̶e ed̶a wãped̶a Elizabetmaa jarasii: —¡Ãjãa!
Maud̶e Mariamaa naka jĩwa jarasii: —Bichi biawãra waabena wẽrarã audeara Dachi Akõreba biꞌia aid̶a b̶uu, maud̶e bichi warr Dachi Akõreba biꞌia aid̶a b̶uai.
Ara makʉd̶e Ananias Saulo b̶uumaa wãsii. Chi ded̶e ed̶a wãped̶a ichi jua Saulo ʉ̃rʉ kub̶uped̶a jarasii: «Ãba Saulo, Dachi Mechiu Jesús, chi bichiba od̶e unubid̶aba, mʉ neebisii waya bichi dauba unumera maud̶e Dachi Akõre Jaurid̶eeba b̶eemera».