Juan 9:17 - Emberá Chamí

¹⁷ Maka panuud̶e waya chi dau pãriu b̶uad̶amaa id̶isid̶au: —Mau mukĩra, chi bichi dau aribiabid̶a ¿kãare kʉ̃risia b̶uma mau ʉ̃rʉbena? Chi dau pãriu b̶uad̶aba panausii: —Mʉʉmaarã, mau Dachi Akõre baita berreabariibʉ.

Juan 9:17 Referans Kwoze

Juan 6:14

Chi Jesusba ẽbẽrarãba ne poyaa waud̶akau waud̶a unusid̶aud̶e, ẽbẽrarãba naka jarasid̶au: —Biawãra nau Dachi Akõre baita berreabarii mechiu nii, chi nau iujãad̶aa neei b̶uad̶a.

Juan 4:19

Maud̶eeba chi wẽraba jarasii: —Mʉʉmaarã bichi Dachi Akõre baita berreabariibʉ.

Hechos 10:38

Mau ewarid̶e Dachi Akõreba ichi Jauri maud̶e ichi poyaabarii Jesús Nazaretd̶ebenamaa deasii. Dachi Akõre ichi ome b̶uasiid̶eeba Jesusba ne bia wau nibasii maud̶e ẽbẽrarã jʉbawãe niiba kachirua uru panuu joma aribiabiabachii.

Hechos 2:22

»Machi Israeld̶ebenarã, nau bed̶ea ũrísturu: Dachi Akõreba Jesús Nazaretd̶ebenamaa ẽbẽrarãba ne poyaa waud̶akau mechiu machi tãed̶e waubisii. Maka wau b̶uud̶eeba Jesusba kuitaabiasii Dachi Akõre ichi ome b̶uu. Mau machiba biꞌia kuitaa panuu.

Lucas 24:19

Jesusba ãchimaa id̶isii: —¿Kãare ʉ̃rʉbena jara panuma? Ãchiba panausid̶au: —Jesús Nazaret ʉ̃rʉbena jara panuu. Ichiba wausiid̶eeba maud̶e jarasiid̶eeba kuitaabisii ichi Dachi Akõre baita berreabarii. Dachi Akõreba maud̶e puurud̶ebenarãba ichi biꞌia unusid̶au.

Mateo 21:11

Id̶iiduucha Jesús ome neeped̶aad̶arãba panausid̶au: —Jãu Jesusbʉ, Dachi Akõre baita berreabarii. Ichi Nazaret puurud̶ebena, Galilea druad̶ebenabʉ.

Juan 9:15

Maabae chi fariseorã bid̶a mau mukĩramaa id̶isid̶au saka unu b̶eesii. Maud̶e ichiba jarasii: —Jesusba ioro susua wauped̶a mʉ daucha purusii. Maabae mʉʉba baniaba jeraaruud̶e unu kob̶eesii.