Juan 8:56 - Emberá Chamí

⁵⁶ Machi nabẽra Abraham kĩrajʉʉsii mʉ nau iujãad̶aa neeruu ewari unui kuitaa b̶uasiid̶eeba. Biawãra unuped̶a ãrea kĩrajʉʉ b̶eesii.

Juan 8:56 Referans Kwoze

Hebreos 11:13

Joma maarã ẽbẽrarã Dachi Akõred̶e ijãa badaped̶aad̶a biusid̶au. Maamina Dachi Akõreba deai jarad̶a ãchiba nau iujãad̶e adaud̶aabasii. Maamina kuitaasid̶au kaad̶ebena ewarid̶e ichiba joma deai. Maud̶eeba kĩrajʉʉsid̶au maud̶e arakʉd̶e jarasid̶au nau iujãad̶e ãchi ãyarebena druad̶ebena kĩra duanuu maud̶e ãibena druacha duanuu.

Juan 8:39

Ãchiba panausid̶au: —Dai chacha Abrahambʉ. Maamina Jesusba jarasii: —Machi Abraham warrarã basirã ichiba waud̶a kĩra waud̶ai basii.

Mateo 13:17

Mʉʉba biawãra jaraaruu: Dachi Akõre baita berreabadaurãba maud̶e ẽbẽrarã jipa nureerãba chi machiba unu panuu unu kʉ̃ria panasid̶au, maamina unud̶aabasii. Maud̶e machiba ũri panuu ãchiba ũri kʉ̃ria panasmina, ãchiba ũrid̶aabasii.

Lucas 10:24

Biawãra ãrea Dachi Akõre baita berreabadaurãba maud̶e reyrãba chi machiba unu panuu unu kʉ̃ria panasid̶au, maamina unud̶aabasii. Maud̶e machiba ũri panuu ãchiba ũri kʉ̃ria panasmina, ãchiba ũrid̶aabasii».

Hebreos 11:39

Joma mau ẽbẽrarãba Dachi Akõred̶e ijãa panasiid̶eeba Dachi Akõreba ãchi biꞌia unusii. Maamina chokae panuud̶e ichiba deai jarad̶a irsibid̶aabasii.

Juan 8:37

Mʉʉba kuitaa b̶uu machi Abrahamd̶ebena imiped̶aad̶a, maamina mʉ bea kʉ̃ria panuu mʉ bed̶ea ijãad̶awẽa panuud̶eeba.

Juan 10:25

Jesusba panausii: —Mʉʉba machimaa jarasii maamina ijãad̶awẽa panuu. Joma mʉ Chacha trʉ̃d̶eeba waubarii mauba arakʉd̶e unubi b̶uu mʉ kai b̶uu.