Juan 8:37 - Emberá Chamí

³⁷ Mʉʉba kuitaa b̶uu machi Abrahamd̶ebena imiped̶aad̶a, maamina mʉ bea kʉ̃ria panuu mʉ bed̶ea ijãad̶awẽa panuud̶eeba.

Juan 8:37 Referans Kwoze

1 Corintios 2:14

Maamina Dachi Akõre Jauriba kuitaabi b̶uu chi Dachi Akõre Jauriwãe niiba kuitaai kʉ̃riakau, ichimaarã biꞌiwãe b̶uud̶eeba. Maud̶e poyaa kuitaakau, ab̶a Dachi Akõre Jaurid̶éburu kuitaai b̶uud̶eeba.

Romanos 9:7

Maud̶e joma Abrahamd̶ebena imiped̶aad̶a Dachi Akõre daad̶e Abraham warrarãwãe. Dachi Akõreba Abrahammaa naka jarasii: «Bichi warr Isaacd̶eeba bichi ãichekerã ãrea imid̶ai».

Juan 7:1

Mau maad̶akare Jesús Galilea druad̶e nibasii. Judea druad̶aa makaa wã kʉ̃riabasii judiorã mechiurãba ichi bead̶ai kʉ̃ria panasiid̶eeba.

Juan 8:59

Jesusba maka jarad̶a kakua judiorãba mo adausid̶au ichi b̶ata bead̶ai baita. Maamina Jesús miruped̶a Dachi Akõre de mechiud̶ebena awara ãyaa wãsii.

Hechos 13:26

»Machi ãbarã Abrahamd̶ebena neeped̶aad̶arã maud̶e machi judiowãerã Dachi Akõre wapea nuree, Dachi Akõreba dachimaa mau bed̶ea dachi karibai ʉ̃rʉbena bʉisii.

Juan 8:43

Mʉʉba jara b̶uu ¿sakãe machiba kauwa ʉ̃rid̶awẽa panuma? Machiba kauwa ʉ̃rid̶awẽa panuu, mʉ bed̶ea ũrid̶ai kʉ̃riad̶akaud̶eeba.

Juan 11:53

Paare mechiurãba bed̶ea deasid̶au mau ewarid̶eeba Jesús saka bead̶ai jʉrʉd̶ai.

Juan 7:19

Dachi Akõreba Moisesmaa b̶ʉbid̶a chi Moisesba machimaa deasii. Maamina machiba mau ichiba b̶ʉd̶a ijãad̶akau. ¿Sakãe machiba mʉ bea kʉ̃ria panuma?

Juan 10:31

Maud̶eeba judiorãba waya mo adoesid̶au ichi b̶ata bead̶ai baita.

Juan 8:6

Ãchiba maka id̶isid̶au Jesusmaa kachirua berreabid̶ai baita, mauba ichi jidead̶ayua. Maud̶e Jesús ed̶aa sinib̶arikau kob̶eeped̶a ichi jua jimid̶iba iorod̶e b̶ʉ kob̶eesii.

Juan 7:25

Maud̶e chi nuree Jerusalend̶ebenarãba ara ãstu chiya id̶i bara b̶eebachii: «¿Nauwãeka chi bead̶ai baita jʉrʉ panuu?

Juan 5:44

¿Saka mʉʉd̶e ijãad̶aima? Ab̶aburu kʉ̃ria panuu waabenarãba machi biꞌia unud̶ai. Maamina machiba jʉrʉd̶awẽe Dachi Akõre ab̶a niiba machi biꞌia unui.

Mateo 13:15

Ãchi sõ chaarea nureed̶eeba ũrid̶ai kʉ̃riad̶akau maud̶e unud̶ai kʉ̃riad̶akau. Maka panad̶awãe basirã, unud̶ai basii, ũrid̶ai basii maud̶e sõd̶eeba ijãad̶ai basii. Maabae mʉʉmaa neeped̶aad̶a basirã mʉʉba ãchi aribiabiai basii.

Juan 8:33

Maamina ãchiba jarasid̶au: —Dai Abrahamd̶ebena imisid̶aud̶eeba chi chibari baita bari trajabadaurãwãe. ¿Saka bichiba dai karibai a b̶uma?

Mateo 3:9

Kʉ̃risiarã́sturu Abrahamd̶ebena imiped̶aad̶ad̶eeba Dachi Akõreba kastikaabai. Mʉʉba machimaa jaraaruu: “Dachi Akõreba kʉ̃riaibʉrã, cha b̶ee mo Abrahamd̶ebena imiped̶aad̶arã babiakuai”.

Juan 8:56

Machi nabẽra Abraham kĩrajʉʉsii mʉ nau iujãad̶aa neeruu ewari unui kuitaa b̶uasiid̶eeba. Biawãra unuped̶a ãrea kĩrajʉʉ b̶eesii.

1 Juan 2:14

Akõrerã, mʉʉba nau karta machi baita b̶ʉ b̶uu chi arab̶aed̶eed̶e nibad̶a wabid̶a nii, mau unubadaud̶eeba. Kũudrãarã, mʉʉba nau karta machi baita b̶ʉ b̶uu ãrea ijãa panuud̶eeba, Dachi Akõre bed̶ea machi sõd̶e b̶uud̶eeba, maud̶e jʉbawãe nii poyaasid̶aud̶eeba.