Juan 7:30 - Emberá Chamí

³⁰ Maud̶eeba ãchiba Jesús jidaud̶ai kʉ̃ria panasid̶au, maamina ab̶au bid̶a jidaud̶aabasii ichi ewari neewẽa b̶uasiid̶eeba.

Juan 7:30 Referans Kwoze

Juan 10:39

Maud̶e ãchiba waya Jesús jidau adoed̶ai kʉ̃ria panasid̶au, maamina ãchi juakaa wãsii.

Juan 8:20

Jesusba Dachi Akõre de mechiu dud̶a, chi Dachi Akõre baita chi nejarr pebadaumare, jaradea b̶uasiid̶e joma mau jarasii. Maamina ab̶au bid̶a ichi jidaud̶aabasii ichi ewari wabid̶a bawẽa b̶uasiid̶eeba.

Juan 7:6

Maud̶e Jesusba ãchimaa jarasii: —Mʉ wãi ewari wabid̶a neewẽa b̶uu maamina machi baita barikiu ewari wãd̶ai baita bibuara b̶uu.

Juan 7:32

Fariseorãba kuitaasid̶au ẽbẽrarãba Jesús ʉ̃rʉbena didiwaraa berrea panuu. Maud̶eeba ãchiba maud̶e chi paare mechiurãba chi Dachi Akõre de nubadaurã bʉisid̶au Jesús jidaud̶e wãd̶amera.

Juan 11:57

Maamina paare mechiurãba maud̶e fariseorãba jarasid̶au barikiuba Jesús neesii kuitaaduubʉrã jarad̶ai b̶uu ichi jidaud̶amera.

Juan 9:4

Maud̶eeba wabid̶a ãsaed̶e b̶uud̶e chi mʉ Bʉid̶aba waubi b̶uu mʉʉba waui b̶uu. Kiuruud̶e ab̶a bid̶a poyaa trajakau.

Juan 8:59

Jesusba maka jarad̶a kakua judiorãba mo adausid̶au ichi b̶ata bead̶ai baita. Maamina Jesús miruped̶a Dachi Akõre de mechiud̶ebena awara ãyaa wãsii.

Juan 8:37

Mʉʉba kuitaa b̶uu machi Abrahamd̶ebena imiped̶aad̶a, maamina mʉ bea kʉ̃ria panuu mʉ bed̶ea ijãad̶awẽa panuud̶eeba.

Juan 7:19

Dachi Akõreba Moisesmaa b̶ʉbid̶a chi Moisesba machimaa deasii. Maamina machiba mau ichiba b̶ʉd̶a ijãad̶akau. ¿Sakãe machiba mʉ bea kʉ̃ria panuma?

Juan 7:8

Wã́sturu mau bari panabadau ewari wau panuumaa. Mʉ wabid̶a wãwẽe, wabid̶a mʉ wãi ewari bawẽa b̶uud̶eeba.

Lucas 22:53

Ewaricha mʉ Dachi Akõre de mechiu dud̶a machi tãed̶e b̶uad̶akaud̶e jidaud̶aka basii. Maamina biawãra ʉ̃raud̶aa Dachi Akõreba jʉbawãe niimaa ida kabi b̶uu. Maka machiba wau kʉ̃ria panuu wau panuu.

Lucas 20:19

Paare mechiurãba maud̶e Moisesba b̶ʉd̶a jaradeabadaurãba kuitaasid̶au Jesusba mau nebʉrʉ b̶uud̶eeba ãchi ʉ̃rʉbena berreasii. Maud̶eeba Jesús jidau kʉ̃ria panasid̶au. Maamina puurud̶ebenarã wapea panasid̶au.

Marcos 11:18

Mau bed̶ea ũrisid̶aud̶e paare mechiurã maud̶e Moisesba b̶ʉd̶a jaradeabadaurãba Jesús wapeasid̶au ichiba jaradea b̶uu jomaurãba biꞌia ũrisid̶aud̶eeba. Maad̶akare saka bead̶ai jʉrʉ kopaneesid̶au.

Mateo 21:46

Maud̶eeba ãchiba Jesús jidau kʉ̃ria panasid̶au. Maamina puurud̶ebenarã wapea panuud̶eeba ida b̶usid̶au. Puurud̶ebenarãba kʉ̃risia panasid̶au Jesús Dachi Akõre baita berreabarii.

Juan 10:31

Maud̶eeba judiorãba waya mo adoesid̶au ichi b̶ata bead̶ai baita.

Mateo 12:14

Maabae chi fariseorã awara wãsid̶aud̶e, berreasid̶au saka Jesús bead̶ai baita.