Juan 6:53 - Emberá Chamí

⁵³ Maud̶e Jesusba jarasii: —Mʉʉba biawãra jaraaruu: machiba mʉ, chi Ẽbẽra Ba B̶uad̶a kod̶awẽebʉrã maud̶e mʉ oa dod̶awẽebʉrã, chokae panad̶aabai.

Juan 6:53 Referans Kwoze

1 Juan 5:12

Biawãra chi Dachi Akõre Warrd̶e ijãa b̶uu mau ome ewaricha chokae b̶uai. Maamina chi Dachi Akõre Warrd̶e ijãawẽa b̶uu mau ome ewaricha chokae b̶uabai.

Juan 15:4

Mʉ baara nureásturu mʉ machi baara nii kĩra. Bakuru jua chi karr jidauwẽa b̶uubʉrã ara istu poyaa chaukau. Ara mau kĩra machi mʉ baara nureewãebʉrã Dachi Akõreba kʉ̃ria b̶uu poyaa waud̶aabai.

Juan 6:47

»Mʉʉba biawãra jaraaruu: ẽbẽraba mʉʉd̶e ijãaruubʉrã Dachi Akõre ome ewaricha chokae b̶uai uru b̶uai.

Juan 3:3

Jesusba ichimaa jarasii: —Mʉʉba bichimaa biawãra jaraaruu: wãwa adaubarii kĩra, waya chiwid̶i b̶eewẽebʉrã, Dachi Akõre juad̶e poyaa b̶uabai ichid̶irã baara.

Apocalipsis 2:17

Chi kʉʉrʉ bara niiba ũrise chi Dachi Akõre Jauriba ãbarãmaa jara b̶uu. Chi kachirua waui poyaad̶amaa mʉʉba chi maná mera b̶uad̶a deai komera maud̶e mokara torroa b̶uu sid̶a ab̶a deai. Mau mokara kaebe b̶uumaa trʉ̃ wid̶i b̶ʉ kub̶uu. Ab̶au bid̶a mau trʉ̃ adua b̶uu. Chi adaurúburu mau trʉ̃ kuitaai.

Juan 3:36

Chi ichi Warrd̶e ijãa b̶uu Dachi Akõre ome ewaricha chokae b̶uai, maamina chi ichi Warr ida b̶u b̶uu Dachi Akõre ome ewaricha chokae b̶uabai. Mau Dachi Akõreba kastikai.

Mateo 18:3

Naka jarasii: —Mʉʉba biawãra jaraaruu: machiba ãyaa kʉ̃risiaduubʉrã maud̶e nau warr kĩra paneeduubʉrã, Bajãad̶e B̶uuba ichid̶irã ichi juad̶e ua b̶uumare panad̶aabai.

Juan 3:5

Jesusba panausii: —Mʉʉba bichimaa biawãra jaraaruu: baniad̶eeba maud̶e Dachi Akõre Jaurid̶eeba b̶ited̶ebena neewẽebʉrã, Dachi Akõre juad̶e poyaa b̶uabai ichid̶irã baara.

Lucas 13:5

Mʉʉba jaraaruu: makawãema. Maamina machiba kachirua waubadau ida b̶ud̶aped̶a Dachi Akõremaa need̶awẽebʉrã machi sid̶a biud̶ai».

Lucas 13:3

Mʉʉba jaraaruu: Makawãema. Maamina machiba kachirua waubadau ida b̶ud̶aped̶a Dachi Akõremaa need̶awẽebʉrã machi sid̶a biud̶ai.

Juan 13:8

Maamina Pedroba jarasii: —Mʉ jʉ̃rʉ bichiba ewari ab̶a bid̶a jeraabai. Jesusba jarasii: —Mʉʉba bichi jʉ̃rʉ jeraawẽebʉrã, bichi mʉʉd̶ewãe.

Mateo 5:18

Mʉʉba biawãra jaraaruu: Bajãa maud̶e nau iujãa b̶uud̶eed̶e, ab̶au bid̶a letra ab̶a bid̶a ãyaa adaud̶aabai chi b̶ʉ kub̶uud̶ebena, ab̶a Moisesba b̶ʉd̶ad̶e jara b̶uu joma makaaruud̶aa.

Apocalipsis 2:7

Chi kʉʉrʉ bara niiba ũrise chi Jauriba ãbarãmaa jara b̶uu. Chi kachirua waud̶ai poyaa ida b̶uped̶aad̶amaa chi nejõo bakuru chokae nibabiabariid̶ebena koi ida kabii. Mau bakuru Dachi Akõre drua biad̶e nub̶uu.

Mateo 8:20

Jesusba ichimaa jarasii: —Usa moded̶ebena de bara nii maud̶e ibana de bara nii, maamina mʉ, chi Ẽbẽra Ba B̶uad̶a sama kãi nub̶uai wãꞌãe b̶uu.

Juan 6:51

Mʉ chi panbʉ, chi chokae b̶uabibarii, chi bajãad̶ebena need̶a. Barikiuba mau pan kooruubʉrã ewaricha chokae b̶uai. Chi mʉʉba dea b̶uu pan mʉ kakuabʉ. Mʉʉba mʉ kakua deai, mauba ẽbẽrarã chokae nuread̶amera.

Juan 6:62

Maka b̶uubʉrã machiba mʉ, chi Ẽbẽra Ba B̶uad̶a chi naa b̶uad̶amaa ʉtaa wãaruu unuuduubʉrã ¿saka kʉ̃risiad̶aima?