Juan 6:47 - Emberá Chamí

⁴⁷ »Mʉʉba biawãra jaraaruu: ẽbẽraba mʉʉd̶e ijãaruubʉrã Dachi Akõre ome ewaricha chokae b̶uai uru b̶uai.

Juan 6:47 Referans Kwoze

Juan 3:36

Chi ichi Warrd̶e ijãa b̶uu Dachi Akõre ome ewaricha chokae b̶uai, maamina chi ichi Warr ida b̶u b̶uu Dachi Akõre ome ewaricha chokae b̶uabai. Mau Dachi Akõreba kastikai.

Juan 5:24

»Mʉʉba biawãra jaraaruu: barikiuba mʉ bed̶ea ũriped̶a mʉ bʉid̶a ijãaruubʉrã, mau ẽbẽra mau ome ewaricha chokae b̶uai. Dachi Akõreba mau ichiabai. Biawãra mau ẽbẽra biu b̶uad̶a chokae b̶uu.

Juan 3:18

Dachi Akõreba ichi Warrd̶e ijãa b̶uu kastikaabai. Maamina chi ichi Warrd̶e ijãawẽa b̶uu Dachi Akõreba kastikabarii, ichi Warr ab̶a nii ida b̶u b̶uud̶eeba.

Juan 3:16

»Dachi Akõreba ẽbẽrarã ãrea kʉ̃riakua b̶uud̶eeba ichi Warr ab̶a nii nau iujãad̶aa bʉisii joma ichid̶e ijãaduu ichid̶ebena awara nurearãad̶amera, maumaarã ichi ome ewaricha chokae nuread̶amera.

Juan 6:54

Mʉ kakua chi biawãra chikobʉ. Mʉ oa chi biawãra dobadaubʉ. Maud̶eeba chi mʉ kooruu maud̶e chi mʉ oa dooruu Dachi Akõre ome ewaricha chokae b̶uai. Nau iujãa baribai ewarid̶e mʉʉba mau ẽbẽra chokae jiradubii.

Juan 6:40

Mʉ Chachaba biawãra kʉ̃ria b̶uu ẽbẽrarãba mʉ ichi Warr kuitaad̶aped̶a ijãad̶ai ichi ome ewaricha chokae nuread̶amera. Makaburu mʉʉba ãchi nau baribai ewarid̶e chokae jiradubiai.

Juan 14:19

Kãꞌãabariwãed̶e ẽbẽrarã nau iujãad̶ebenarãba mʉ waa unud̶aabai maamina machiba mʉ unud̶ai. Mʉʉba chokae b̶uai uru b̶uud̶eeba, machia bid̶a chokae b̶uai uru nuread̶ai.

Juan 6:27

Trajarã́sturu chiko b̶eraabarii nedod̶ai baita. Maumaarã trajásturu chi Dachi Akõre ome ewaricha chokae b̶uabibarii chiko nedod̶ai baita. Mau mʉ, chi Ẽbẽra Ba B̶uad̶aba deai. Dachi Akõreba mʉ mau baita b̶usii.

Juan 6:50

Maamina barikiuba nau pan bajãad̶ebena need̶a kooruubʉrã biubai.

Juan 6:51

Mʉ chi panbʉ, chi chokae b̶uabibarii, chi bajãad̶ebena need̶a. Barikiuba mau pan kooruubʉrã ewaricha chokae b̶uai. Chi mʉʉba dea b̶uu pan mʉ kakuabʉ. Mʉʉba mʉ kakua deai, mauba ẽbẽrarã chokae nuread̶amera.

Juan 6:58

Mʉ bajãad̶ebena need̶a panbʉ. Machi nabẽraed̶ebenarãba maná kobachid̶amina joma biusid̶au. Maamina mʉ maná kĩra niiwãe. Chi nau pan ko b̶uu ewaricha chokae b̶uai.

Juan 11:26

Chi mʉʉd̶e ijãa nii, mʉ kakua chokae b̶uud̶eeba biukaraa nibai. ¿Bichiba mau ijãa b̶uka?