Juan 6:35 - Emberá Chamí

³⁵ Jesusba jarasii: —Mau Mʉʉbʉ. Mʉ chi chokae b̶uabibarii panbʉ. Maud̶eeba chi mʉʉmaa neeruu waa jarrbisia b̶uabai maud̶e chi mʉʉd̶e ijãa b̶uu waa obisia b̶uabai.

Juan 6:35 Referans Kwoze

Apocalipsis 22:17

Dachi Akõre Jauriba maud̶e chi Oeja Kaebe Nii kima abadauba naka jara b̶uu: «¡Uche!» Chi mau kartad̶e b̶ʉ kub̶uu ũriiruu bid̶a jarai b̶uu «¡Uche!» Chi obisia b̶uuba bania chi ewaricha chokae b̶uai deabarii dod̶e neei b̶uu. Mau bania kʉ̃ria b̶uuba bari dod̶e neei b̶uu.

Juan 6:41

Jesusba «mʉ chi pan bajãad̶ebena need̶a» asiid̶eeba, chi judiorã aria duanuurãba ichi ʉ̃rʉbena kachirua berreasid̶au.

Apocalipsis 7:16

Maarã makaa jarbisiad̶aabai maud̶e waya obisia sid̶a uru panad̶aabai. Ʉmadaba makaa baakuabai maud̶e pisia bid̶a makaa joebai.

Juan 6:37

Chi mʉ Chachaba mʉʉmaa dea b̶uu ẽbẽrarã mʉʉmaa need̶ai; maarã duabʉikaabai.

Mateo 11:28

»Nejomad̶eeba kakua ãkaa panuubʉrã, mʉʉmaa nésturu. Mʉʉba machi kʉrrjĩrubiai.

Lucas 6:25

Machi miichuburi panad̶ai chi ãrea jãwaa duanuurã, maad̶aare jarrbisia panad̶aid̶eeba. Machi miichuburi panad̶ai chi ʉ̃raud̶e ʉi duanuurã maad̶aare kĩra nomaaba jẽa panad̶aid̶eeba.

Juan 6:65

Maud̶e Jesusba jarasii: —Maud̶eeba mʉʉba jarasii: mʉ Chachaba ẽbẽra mʉʉmaa eneewẽebʉrã, mau ẽbẽraba poyaa mʉʉd̶e ijãabai.

Juan 5:40

Maamina machi mʉʉmaa need̶ai, kʉ̃riad̶akau, mʉʉba chokae panabiamera.

Juan 4:15

Maud̶e wẽraba jarasii: —Maka b̶uubʉrã mau bania mʉʉmaa dease waa obisiabai baita, maud̶e waa nama bania juid̶e neebayua.