Juan 6:2 - Emberá Chamí

² Jesusba ẽbẽrarãba ne poyaa waud̶akau wau b̶uud̶eeba ẽpermo nuree aribiabiabachii. Ẽbẽrarã ãreaba mau unu panasiid̶eeba ichi baara ãrea wãsid̶au.

Juan 6:2 Referans Kwoze

Mateo 12:15

Jesusba mau kuitaasiid̶e ãyaa wãsii. Ãrea ẽbẽrarã ichi baara wãsid̶au. Maud̶e Jesusba chi ẽpermo nuree joma aribiabiasii.

Juan 2:11

Mau ẽbẽrarãba ne poyaa waud̶akau naed̶e waud̶a Jesusba Caná puurud̶e Galilea druad̶e wausii. Maud̶ebena ichi chi Mechiu unubisii. Maka ichi baara nibabadaurãba ichi biawãra ijãasid̶au.

Marcos 6:33

Maamina ãreaba ãchi wãaduu unusid̶au. Maud̶e kuitaasid̶au kairã wãped̶aad̶a. Maud̶eeba puuruchad̶ebenarã ãchi naa pirad̶aped̶a ãchi naa neesid̶au.

Mateo 14:14

Jesús jãbad̶ebena ed̶aa wãsiid̶e ẽbẽrarã ãrea unusii. Maarã kĩra chuburiasiid̶eeba chi ẽpermo nuree aribiabiasii.

Mateo 8:1

Jesús ead̶ebena ed̶aa neesiid̶e ẽbẽrarã ãrea ichi kaad̶e neesid̶au.

Mateo 13:2

Maud̶e ẽbẽrarã ãrea araa imi nub̶uasii ichimaa ara kaita. Maud̶eeba Jesús jãba ab̶ad̶e ʉtʉ wãsii maabae akʉ b̶eesii. Ẽbẽrarã ibud̶e mar iikaa duaneesid̶au.

Marcos 1:45

Maamina chi ẽbẽraba Jesusba ichi aribiabid̶a ʉ̃rʉbena jomaurãmaa nebʉrʉd̶e wãsii. Maud̶eeba Jesús ab̶a puurud̶e bid̶a wãabai b̶uasii. Maumaarã awara nibabachii ẽbẽrarã wãꞌãemare. Maamina ẽbẽrarã puuruchad̶ebena ichimaa wãbachid̶au.

Juan 2:23

Judiorã Pascua ewarid̶e Jesús Jerusalend̶e b̶uasii. Maud̶e ãrea ẽbẽrarãba ne poyaa waud̶akau wausiid̶e, ãreaba ichid̶e ijãasid̶au.

Juan 3:2

Mau Nicodemo ẽsabud̶aa Jesusmaa wãsii. Maabae Jesusmaa jarasii: —Jaradeabarii, daiba kuitaa panuu bichi Dachi Akõreba bʉid̶a. Dachi Akõre bichi baara b̶uad̶awãe basirã chi ẽbẽrarãba ne poyaa waud̶akau poyaa waubai basii.

Juan 6:14

Chi Jesusba ẽbẽrarãba ne poyaa waud̶akau waud̶a unusid̶aud̶e, ẽbẽrarãba naka jarasid̶au: —Biawãra nau Dachi Akõre baita berreabarii mechiu nii, chi nau iujãad̶aa neei b̶uad̶a.

Juan 6:22

Chi nuree wa kĩare paneesid̶au. Mau norema maarãba kuitaasid̶au chi Jesús baara nibabadaurã ãchi du ab̶a jãbad̶e wãsid̶au. Unusid̶au jãba ab̶a aria nub̶uasii maud̶e Jesús ãchi baara wãabasii.

Juan 6:26

Jesusba panausii: —Mʉʉba biawãra jaraaruu: machiba kauwa ũrid̶awẽa panuu mʉʉba ẽbẽrarãba ne poyaa waud̶akau waud̶aba kuitaabi b̶uu. Bari Mʉ jʉrʉ panuu pan b̶i jãwaaduud̶aa kosid̶aud̶eeba.

Juan 6:30

Maud̶eeba ãchiba Jesusmaa id̶isid̶au: —¿Bichiba daimaa kãare unubiaima bichi bed̶ea ijãad̶amera? Dachi nabẽrarãba drua sirua wãꞌãe b̶uud̶e maná kosid̶au. Dachi Akõre bed̶ead̶e jara b̶uu: “Ichiba bajãad̶ebena pan deasii ãchiba kod̶amera”. ¿Bichiba kãare sãaima?

Juan 11:47

Maud̶eeba fariseorã maud̶e paare mechiurã ome araa ãbua imid̶ai jarasid̶au. Naka jarasid̶au: —Dachiba ¿saka waud̶aima? Mauba ẽbẽrarãba ne poyaa waud̶akau ãrea wau b̶uu.

Juan 12:18

Jesusba mau ẽbẽrarãba ne poyaa waud̶akau waud̶a ãreaba ũrisid̶au. Maud̶eeba ichi irsibid̶e wãsid̶au.

Juan 12:37

Jesusba ẽbẽrarãba ne poyaa waud̶akau ẽbẽrarã ãrea daad̶e wausmina ãchiba wabid̶a ijãad̶aabasii.

Juan 20:30

Jesusba june maucha ẽbẽrarãba ne poyaa waud̶akau ichi baara nibabadaurã daad̶e ãrea wausii, maamina joma mau nau kartad̶e b̶ʉwẽa b̶uu.