Juan 6:15 - Emberá Chamí

¹⁵ Maamina Jesusba kuitaasii ẽbẽrarãba ichi rey babid̶ai kʉ̃ria panuu. Maud̶eeba waya ichi du ab̶a ead̶e ʉtaa wãsii.

Juan 6:15 Referans Kwoze

Juan 18:36

Jesusba panausii: —Mʉ ẽbẽrarã mʉ juad̶e ua b̶umina mʉ puuru nau iujãad̶ebenawãe. Nau iujãad̶ebena basirã mʉ ẽbẽrarã chĩod̶ai basii judiorãba mʉ jidaurãad̶amera. Maamina mʉ puuru nau iujãad̶ebenawãe.

Lucas 19:38

Ãchiba jara duanasid̶au: «¡Ãrea biꞌia nii chi jomaurã Rey Dachi Akõre trʉ̃d̶e neeruu! ¡Jãabae Dachi Akõre ome jirukaraayuwãe duanad̶ai! ¡Bajãad̶e B̶uu chi Mechiu nii!»

Marcos 11:9

Maka wauduud̶e ichi naa nid̶auba maud̶e kaad̶e nid̶auba jĩwa jara kopaneesid̶au: ¡Ãrea biꞌia nii! ¡Ãrea biꞌia nii chi Dachi Mechiu trʉ̃d̶eeba neeruu!

Hebreos 4:13

Dachi Akõreba chi ichiba waud̶a joma unubarii. Ab̶a bid̶a wãꞌãe ichiba unukau. Ichiba ne joma dod̶aa unubarii, dachiba mera uru panuu sid̶a arakʉd̶e unubarii. Ichiba ichiaruud̶e joma dachiba wauped̶aad̶a ichimaa jarad̶ai.

Juan 5:41

»Mʉʉba jʉrʉwẽa b̶uu machiba mʉ biꞌia unud̶amera.

Juan 6:3

Maabae Jesús ichi baara nibabadaurã ome ead̶aa wãd̶aped̶a jeed̶a akʉ paneesid̶au.

Mateo 5:1

Ẽbẽrarã ãrea unusiid̶e Jesús ead̶e ʉtaa wãped̶a akʉ b̶eesii. Maud̶e ichi baara nibabadaurã ichimaa neesid̶au.

Juan 6:22

Chi nuree wa kĩare paneesid̶au. Mau norema maarãba kuitaasid̶au chi Jesús baara nibabadaurã ãchi du ab̶a jãbad̶e wãsid̶au. Unusid̶au jãba ab̶a aria nub̶uasii maud̶e Jesús ãchi baara wãabasii.