Juan 6:11 - Emberá Chamí

¹¹ Jesusba pan juad̶e adauped̶a Dachi Akõremaa ichíturu kid̶ibai asii. Maabae ichi baara nibabadaurãmaa jarasii ẽbẽrarãmaa dead̶akad̶amera. B̶eda sid̶a ara mau kĩra wausii jomaurãba ãchi kʉ̃ria kod̶amera.

Juan 6:11 Referans Kwoze

Juan 6:23

Maud̶e jãbarã maucha Tiberias puurud̶ebena topana chesid̶au Dachi Mechiuba Dachi Akõremaa bichíturu kid̶ibai aped̶a ẽbẽrarãmaa pan kobiad̶amaa.

1 Tesalonicenses 5:18

Jomad̶e Dachi Akõremaa ichíturu kid̶ibai a panásturu. Mau Dachi Akõreba kʉ̃ria b̶uu, machi Jesucristod̶e ijãabadaud̶eeba.

Romanos 14:6

Chi bari panabadau nubariiba Dachi Mechiu baita maka wau b̶uu. Chi ne joma kobariiba maka kobarii Dachi Mechiu wapeadee b̶uud̶eeba. Maud̶eeba kooruud̶e ichiba Dachi Akõremaa ichíturu kid̶ibai abarii. Maud̶e chi ne joma kokauba maka kokau Dachi Mechiu wapeadee b̶uud̶eeba. Maud̶eeba kooruud̶e ichia bid̶a Dachi Akõremaa ichíturu kid̶ibai abarii.

Mateo 15:36

Mau maad̶akare mau 7 pan maud̶e chi b̶eda ichi juad̶e adauped̶a Dachi Akõremaa ichíturu kid̶ibai asii. Makaped̶a chi b̶eda maud̶e pan b̶ʉakuaped̶a ichi baara nibabadaurãmaa deasii dead̶akad̶amera. Maabae dead̶akasid̶au.

Lucas 24:30

Kooduud̶e Jesusba pan adauped̶a Dachi Akõremaa ichíturu kid̶ibai jarasii. Chi pan b̶ʉakuaped̶a ãchimaa deasii.

1 Corintios 10:31

Maamina mʉʉba jaraaruu: machi komaa panuud̶e maud̶e waumaa panuud̶e joma wáusturu ẽbẽrarãba Dachi Akõre ʉ̃rʉbena biꞌia jarad̶amera.

Hechos 27:35

Maka jaraped̶a Pabloba pan juad̶e adauped̶a jomaurã daad̶e Dachi Akõremaa ichíturu kid̶ibai asii. Maabae chi pan b̶ʉaped̶a kosii.

Juan 6:9

—Warr nama b̶uuba cebada waud̶a pan jua ab̶a uru b̶uu maud̶e b̶eda ome uru b̶uu. Maamina ẽbẽrarã ãrea duanuu ome mau ¿sakaima?

Juan 21:9

Iikaa neesid̶aud̶e tʉbʉ kõroochoa nub̶uu unusid̶au. B̶eda baamaa panuu maud̶e pan ʉbʉmaa panuu unusid̶au.

Juan 21:10

Jesusba jarasii: —Machiba b̶eda jidauped̶aad̶ad̶ebena ab̶a enésturu.

Juan 21:13

Maka panuud̶e Jesusba pan adauped̶a ãchimaa dead̶akasii. B̶eda sid̶a dead̶akasii.