Juan 5:22 - Emberá Chamí

²² Mʉ Chachaba ab̶aumaa bid̶a ichiabai. Maumaarã mʉ b̶usii jomaurã ichiamera.

Juan 5:22 Referans Kwoze

Juan 5:27

Mau awara mʉ b̶usii jomaurã ichiamera, mʉ chi Ẽbẽra Ba B̶uad̶a niid̶eeba.

Hechos 17:31

Ewari ab̶a b̶usii joma nau iujãad̶ebenarã jipa nebʉra kastikai baita, chi ichiba ẽbẽra jʉrʉ adaud̶a kakua. Mau ẽbẽra jomaurãmaa kuitaabiasii ichi biu b̶uad̶a chokae jiradubisiid̶eeba.

2 Corintios 5:10

Biawãra Cristoba joma dachiba wauped̶aad̶a ichiai. Ichiba dachicha deai dachiba nau kakuad̶e wau b̶uad̶a kĩra. Biꞌia wau b̶uasiibʉrã, ara mau kĩra deai. Kachirua wau b̶uasiibʉrã, ara mau kĩra deai.

Mateo 28:18

Maud̶e Jesús ãchi kaita neeped̶a jarasii: —Dachi Akõreba mʉʉmaa chi poyaabarii deasii bajãad̶e, maud̶e nau iorod̶e joma poyaa uru b̶uamera.

Hechos 10:42

Jesusba dai bʉisii joma ẽbẽrarãmaa naka jarad̶amera: Dachi Akõreba ichi b̶usii chi chokae nuree maud̶e biuped̶aad̶a ãchi juez b̶uamera.

Juan 9:39

Maud̶e Jesusba jarasii: —Mʉ nau iujãad̶aa neesii ẽbẽrarã nebʉra dauchaai baita. Maka chi dau pãriu nuree kĩra nureeba unud̶ai maud̶e chi unu panuu a panuu dau pãriu nuree kĩra paneed̶ai.

2 Timoteo 4:1

Jesucristo neei ichid̶irã ichi juad̶e ua b̶uai baita. Maud̶e ẽbẽrarã chokae nuree maud̶e biuped̶aad̶a nebʉra ichiai. Maud̶eeba Jesucristo daad̶e maud̶e Dachi Akõre daad̶e mʉʉba nau bed̶ea jaraaruu bichiba waumera:

Romanos 2:16

Jomaurãba chi ãchi sõd̶e mera uru panuu Dachi Akõreba nebʉra ichiai ewarid̶e Jesucristod̶eeba mau ichiai. Mʉʉba chi bed̶ea bia jaradea b̶uu kĩra ara maka b̶uai.

Juan 17:2

Bichiba joma ẽbẽrarã mʉ juad̶e b̶usii, chi mʉʉmaa dead̶akad̶acha ewaricha chokae duanubiamera.

1 Pedro 4:5

Maamina Dachi Akõreba ãchi nebʉra ichiaruud̶e ãchiba wauped̶aad̶a ichimaa joma jarad̶ai. Ichiba chi chokae nuree maud̶e biud̶arã nebʉra ichiai baita b̶uu.

Mateo 16:27

Biawãra mʉ, chi Ẽbẽra Ba B̶uad̶a angelerã ome neei mʉ Chacha poyaad̶eeba chi ẽbẽrarã nebʉra ichiai baita. Maud̶e bia waubadaurã mʉʉba bia b̶ui maud̶e kachirua waubadaurã kastikai.

Juan 3:35

Dachi Akõreba ichi Warr kʉ̃ria uru b̶uu; maud̶eeba ne joma deasii ichi juad̶e uru b̶uamera.

Mateo 11:27

»Mʉ Chachaba mʉʉmaa ara ichi ʉ̃rʉbena joma kuitaabisii. Ab̶au bid̶a adua panuu mʉ, chi Warr saka nii; ab̶a mʉ Chacháburu kuitaa b̶uu. Ara mau kĩra ab̶au bid̶a adua panuu mʉ Chacha saka nii; ab̶aburu mʉ, chi Wárrburu kuitaa b̶uu. Mʉʉba ab̶aumaa mʉ Chacha kuitaabiiruubʉrã, mau ẽbẽraba kuitaai.