Juan 5:10 - Emberá Chamí

¹⁰ Maud̶eeba judiorã mechiurãba chi ẽbẽra aribiad̶amaa jarasid̶au: —Id̶i bari panabadau ewarid̶eeba bichi jira adoebadau adoebai b̶uu.

Juan 5:10 Referans Kwoze

Juan 9:16

Chi nureerã fariseorãba jarasid̶au: «Mau mukĩra Dachi Akõred̶ebena need̶awãe b̶uu, bari panabadau ewari wapeakaud̶eeba». Maamina waabenarãba jarasid̶au: «¿Saka kachirua waubarii mukĩraba mau ẽbẽrarãba ne poyaa waud̶akau poyaa wausma?» Maka chiya ãyaa jarasid̶au.

Lucas 6:2

Waabenarã fariseorãba mau unusid̶aud̶e id̶isid̶au: —¿Machiba sakãe bari panabadau ewarid̶e chi dachiba waud̶akau b̶uu maka wau panuma?

Lucas 13:14

Maamina Jesusba bari panabadau ewarid̶e aribiasiid̶eeba judiorã araa ãbua imibadau ded̶ebena jaradea ua b̶uabarii kĩrusii. Maud̶e jomaurãmaa naka jarasii: —Bari panabadau ewari awara 6 ewari uru panuu trajad̶ai baita. Mau ewarid̶éburu nésturu machi aribiabid̶amera. Maamina bari panabadau ewarid̶e neerã́sturu.

Marcos 3:4

Maabae Jesusba ãchimaa id̶isii: —¿Bari panabadau ewarid̶e kãare waud̶ai panuma? ¿Chi bia maebʉrã chi kachirua? ¿Waabenarã karibai maebʉrã ida biubiaika? Maamina ãchi chũpea paneesid̶au.

Marcos 2:24

Maud̶eeba fariseorã ãchimaa needuuba Jesusmaa jarasid̶au: —Ichiáse, bichi baara nibabadaurãba ¿sakãe bari panabadau ewarid̶e chi dachiba waud̶akau b̶uu maka wau panuma?

Juan 5:16

Maad̶akare paare mechiurãba Jesús ʉ̃rʉbena kachirua jara paneesid̶au mau ẽbẽra bari panabadau ewarid̶e aribiabisiid̶eeba.

Juan 7:23

Moisesba b̶ʉd̶a waud̶ai baita machiba bari panabadau ewarid̶e wãwa chi kakua tõobadau. Mau machi ¿sakãe mʉ ome kĩru panuma bari panabadau ewarid̶e ẽbẽra aribiabid̶a kakua?

Lucas 23:56

Mamabena waya wãd̶aped̶a ãchiba chi biud̶a kakua purubadau kera wausid̶au. Norema b̶ari panasid̶au Moisesba b̶ʉd̶ad̶e jara b̶uu kĩra.

Mateo 12:10

Aria ẽbẽra jua bʉʉ nii b̶uasii. Maud̶e waabenarãba Jesús jidead̶ai kʉ̃ria panad̶ad̶eeba id̶isid̶au: —¿Ẽbẽra ab̶a ẽpermo b̶uubʉrã, bari panabadau ewarid̶e aribiabii b̶uka?

Juan 1:19

Nau chi Juanba ara ichi ʉ̃rʉbena jarad̶abʉ. Judiorã paare mechiurãba Jerusalend̶ebena paarerã maud̶e levid̶ebenarã, Juanmaa bʉisid̶au. Maarãba Juanmaa id̶isid̶au: —¿Bichi kaima? ¿Bichi Dachi Akõreba Dachi Karibabarii deai jarad̶aka?

Juan 5:11

Maud̶e ichiba panausii: —Maamina chi mʉ aribiabid̶aba jarasii: “Bichi jira adoebadau adoeped̶a wãse”.

Juan 5:15

Mau maad̶akare chi ẽbẽra judiorã mechiurãmaa wãped̶a jarakuasii chi ichi aribiabid̶a Jesús basii.