Juan 4:47 - Emberá Chamí

⁴⁷ Maud̶e ichiba ũrisii Jesús Judead̶ebena Galilea druad̶aa neesii. Ara makʉd̶e Caná puurud̶aa wãsii Jesús b̶uumaa. Neeped̶a chi chuburia id̶isii ichi warr biumaa b̶uu aribiabid̶e wãmera.

Juan 4:47 Referans Kwoze

Juan 4:3

Fariseorãba mau ũriped̶aad̶a Jesusba kuitaasiid̶e Judea druad̶e b̶uad̶a Galilea druad̶aa waya wãsii.

Hechos 9:38

Jope puuru Lida kaita b̶uasii. Chi Jesús baara nibabadaurãba ũrisid̶au Pedro Lidad̶e b̶uu. Maud̶eeba ẽbẽra ome ichimaa bʉisid̶au naka chi chuburia id̶id̶amera: «Daimaa isa neese».

Juan 11:32

María Jesús b̶uumaa neesiid̶e maud̶e ichi unusiid̶e jʉ̃rʉ kaita õdarrd̶e kob̶eesii. Maud̶e jarasii: —Mʉ Mechiu, bichi nama b̶uad̶a basirã, mʉ neewau biubai basii.

Juan 11:21

Martaba Jesús unusiid̶e jarasii: —Mʉ Mechiu, bichi nama b̶uad̶a basirã mʉ ãba biubai basii.

Juan 4:54

Jesús Judead̶ebena Galilead̶aa waya neeruucha ẽbẽrarãba ne poyaa waud̶akau wau b̶uabachii. Mau ẽbẽrarãba ne poyaa waud̶akau waud̶a b̶es ome basii.

Lucas 8:41

Maud̶e ẽbẽra Jairo abadau ichimaa neesii. Mau Jairo judiorã araa ãbua imibadau ded̶e chi karr basii. Mauba kau ab̶aburu uru b̶uasii; año 12 nibasii. Mau wẽrakau biumaa b̶uasii. Jairo Jesús jʉ̃rʉmaa õdarrd̶eeba kob̶eeped̶a chi chuburia id̶isii ichi deemaa wãmera. Ara makʉd̶e Jesús wãsii maamina wãaruud̶e ẽbẽrarãba ichi pĩchuka uru panasid̶au.

Marcos 10:47

Bartimeoba ũrisii Jesús Nazaretd̶ebena wãaruu. Maud̶eeba b̶ia jarasii: —¡Jesús, Davidd̶ebena need̶a, mʉ kĩra chuburiáse!

Mateo 2:1

Belén puurud̶e Judea druad̶e chi naweba Jesús adausiid̶e Herodes chi Mechiu abadau chi rey basii. Mau ewarid̶e Jerusalén puurud̶e neesid̶au chi nuree ẽbẽrarã ʉmada neebariare. Maarã ẽbẽrarãba kuitaabachid̶au chi pusterrea kawa ichiaduud̶e.