Juan 4:34 - Emberá Chamí

³⁴ Maud̶eeba Jesusba jarakuasii: —Mʉ bʉid̶aba waubi b̶uu joma wau b̶uu, mau mʉ chiko kĩra b̶uu.

Juan 4:34 Referans Kwoze

Juan 6:38

Mʉ bajãad̶ebena need̶awãe michi kʉ̃ria waui baita. Maumaarã neesii mʉ bʉid̶aba kʉ̃ria b̶uu waui baita.

Juan 5:30

»Mʉ du ab̶auba ne ab̶a bid̶a poyaa waubai b̶uu. Mʉʉba ẽbẽra nebʉra ichiabarii mʉ Chachaba jara b̶uu kĩra. Mʉʉba jipa ichiabarii. Mʉʉba kʉ̃ria b̶uu kĩra waukau maumaarã mʉ Chacha, chi mʉ bʉid̶aba kʉ̃ria b̶uu kĩra waubarii.

Juan 17:4

Bichiba mʉʉmaa nau iujãad̶e waubid̶a mʉʉba joma wausii. Maka kuitaabisii bichi chi mechiu nii.

Juan 19:30

Jesusba mau uva b̶aa orekea do chaaped̶a jarasii: —Mʉʉba waui b̶uad̶a joma wausii. Maabae ichi boro ed̶aa jaab̶arisiid̶e biusii.

Mateo 26:39

Jesús waa waparaa wãped̶a õdarrd̶e kob̶eeped̶a daub̶ʉʉrʉ jeed̶a tʉped̶a, Dachi Akõremaa ʉtaa id̶isii: «Chacha, bichiba kʉ̃ria b̶uubʉrã, nau biꞌiwãe b̶uai b̶uud̶ebena mʉ karibase. Maamina mʉʉba kʉ̃ria b̶uu waurã́se, maumaarã bichiba kʉ̃ria b̶uu kĩra wause».

Juan 5:36

»Maamina Juanba jarad̶a audeara nau mʉ ʉ̃rʉbena biꞌia berrea b̶uu: Mʉ Chachaba waubi b̶uu mʉʉba joma wau b̶uud̶eeba kuitaabi b̶uu mʉ Chachaba mʉ biawãra bʉisii.

Juan 4:32

Maamina Jesusba jarasii: —Kowẽma, mʉʉba koi baita uru b̶uu machiba adua panuu.

Lucas 19:10

Biawãra mʉ, chi Ẽbẽra Ba B̶uad̶aba chi adua duanuurã karibai baita jʉrʉd̶e neesii.

Hebreos 12:2

Jesusd̶e kʉ̃risiáduru. Mauba karibasii dachiba naed̶e ijãad̶amera maud̶e aid̶abarii ewaricha ijãa panad̶amera. Kʉ̃risiásturu saka ichi cruzd̶e ãrea biꞌiwãe b̶uasii. Mau kakua kĩra nejasia b̶uai bad̶ad̶e kĩra nejasiabasii. Ichiba kuitaasii nau maad̶akare ãrea kĩrajʉʉ b̶uai. Biawãra Dachi Akõre rey ãkau jua biare akʉ b̶uu.

Lucas 15:10

Mʉʉba jaraaruu ara mau kĩra chi kachirua waubarii ab̶a Dachi Akõremaa neeruud̶e Dachi Akõre maud̶e ichi angelerã ãrea kĩrajʉʉbadau».

Hechos 20:35

Joma mʉʉba wausiid̶eeba machimaa kuitaabiasii ãrea traja panuud̶eeba chi nejarr barauwãe ked̶ee aid̶ad̶ai panuu. Kĩrabad̶ai panuu Dachi Mechiu Jesusba naka jarasii: “Bibuara b̶uu ab̶aumaa deai, chi mau adaui bad̶amaarã”».

Juan 6:33

Mau Dachi Akõreba deabarii pan bajãad̶ebena need̶aba chi nau iujãad̶ebenarã chokae b̶uabiabarii.

Mateo 3:15

Maud̶e Jesusba panausii: —Anakʉd̶e bichiba wau b̶uu kĩra wause. Bibuara b̶uu waud̶ai joma Dachi Akõreba waubi b̶uu kĩra. Maabae Juanba ijãasii.

Lucas 2:49

Jesusba panausii: —Machiba ¿sakãe mʉ jʉrʉ panuma? ¿Mʉ Chacha ded̶e b̶uai b̶uu adua panuka?

Juan 8:29

Chi mʉ bʉid̶a mʉ baara b̶uu. Chachaba mʉ istu b̶ukau, mʉʉba wau b̶uabariid̶eeba ichiba kʉ̃ria b̶uu kĩra.

Juan 19:28

Maka jarasiid̶e Jesusba kuitaasii joma ichiba waui b̶uad̶a wausii. Maud̶e jarasii: —Mʉ obisia b̶uu. Mau jarasii Dachi Akõre bed̶ead̶e jara b̶uu kĩra.

Mateo 9:19

Jesús jiraduped̶a mau ẽbẽra ome wãsii. Maud̶e chi baara nibabadaurã wãsid̶au.