33 Ichi baara nibabadaurãba ãchicha jarasid̶au: —¿Ab̶auba jãumaa chi kobii enee sãaka?
Maamina ãchiba Jesusba maka berread̶a kuitaad̶aabasii. Dachi Akõreba wabid̶a ãchimaa kuitaabiwẽa b̶uasii. Maud̶e Ichimaa id̶id̶ai wapea panasid̶au.
Ewarid̶akare ichi baara nuree araa ãbua iukuaped̶a maarãd̶ebena 12 jʉrʉ adaukuasii. Mau 12 jʉrʉ adaud̶arã ichiba trʉ̃ jarasii “ichiba bʉid̶arã”.
Juanba jarad̶a ũrid̶aped̶a Jesús baara wãped̶aad̶a ome panasid̶au. Ab̶a Simón Pedro ãba Andrés basii.
Jesús maud̶e chi baara nibabadaurã iusid̶au mau miakãiduumaa need̶amera.
Maamina Jesusba jarasii: —Kowẽma, mʉʉba koi baita uru b̶uu machiba adua panuu.