Juan 3:7 - Emberá Chamí

⁷ Mʉʉba waya wãwa adaui kĩra panad̶ai panuu ad̶a kakua ãrea kʉ̃risiarã́se.

Juan 3:7 Referans Kwoze

Juan 3:3

Jesusba ichimaa jarasii: —Mʉʉba bichimaa biawãra jaraaruu: wãwa adaubarii kĩra, waya chiwid̶i b̶eewẽebʉrã, Dachi Akõre juad̶e poyaa b̶uabai ichid̶irã baara.

Apocalipsis 21:27

Maamina joma Dachi Akõreba biꞌia unukau mau puurud̶e ed̶a adoed̶aabai. Ne kachirua waubadaurã, chi Dachi Akõreba kʉ̃riakau waubadaurã maud̶e chi seta id̶aa nuree ed̶a wãd̶aabai. Ab̶a chi ewaricha chokae duanabarii kartad̶e trʉ̃ kub̶éturu poyaa ed̶a wãd̶ai. Mau karta Oeja Kaebe Niiba uru b̶uu.

1 Pedro 1:22

Chi biawãra bed̶ea ijãa panuud̶eeba machi kachiruaswãe paneesid̶au. Maud̶eeba ãbarã biawãra kʉ̃ria panuu. Sõd̶eeba biawãra ãrea chiya kʉ̃ria panásturu.

Hebreos 12:14

Jomaurã ome jirukaraayuwãe nureásturu. Maud̶e Dachi Mechiu baita biꞌia panásturu. Dachi Mechiu baita biꞌia nureewãed̶eeba ichi poyaa unud̶aabai.

Colosenses 1:12

Maka kĩrajʉʉ Dachi Bajãad̶ebena Akõremaa biꞌia nii ad̶ai. Machi joma ichi ẽbẽrarã ome ʉ̃d̶aad̶e biꞌia b̶usii ichiba uru b̶uud̶ebena adaud̶amera.

Juan 3:12

Mʉʉba nau iujãad̶e unubadau ʉ̃rʉbena jara b̶uu machiba ijãad̶awẽebʉrã, bajãad̶ebena jaraaruubʉrã ¿saka ijãad̶aima?

Juan 5:28

Mʉʉba jara b̶uu kakua kʉ̃riskawarã́sturu. Biawãra ewari ab̶ad̶e jomaurã biud̶arãba mʉ, chi Ẽbẽra Ba B̶uad̶a bed̶ea ũriiduud̶e,

Juan 3:6

Dachi naweba chi warr adaud̶a nau kakuad̶ebena need̶abʉ, maamina waya chiwid̶i need̶a Dachi Akõre Jaurid̶eeba need̶abʉ.

Juan 3:8

Pũaturã barikiareeba pũatubarii. Chi jĩwa ũribarimina kuitaakau samareeba neeruu maud̶e samaa wãaruu. Ara mau kĩra Dachi Akõre Jauri unud̶akamina kuitaa panuu ẽbẽra sõd̶e saka maka wau b̶uu.