Juan 3:5 - Emberá Chamí

⁵ Jesusba panausii: —Mʉʉba bichimaa biawãra jaraaruu: baniad̶eeba maud̶e Dachi Akõre Jaurid̶eeba b̶ited̶ebena neewẽebʉrã, Dachi Akõre juad̶e poyaa b̶uabai ichid̶irã baara.

Juan 3:5 Referans Kwoze

Hechos 2:38

Maud̶e Pedroba panausii: —Kachirua ida b̶ud̶aped̶a Dachi Akõremaa nésturu. Jesucristo trʉ̃d̶eeba boro eásturu. Maud̶e machiba kachirua wauped̶aad̶a Dachi Akõreba perdonaped̶a ichi Jauri machimaa deai.

Efesios 5:26

Ichiba maka wausii dachi Dachi Akõre baita biꞌia b̶ui baita. Ichi bed̶eaba dachi kachirua jeraasii baniaba jeraad̶a kĩra.

1 Pedro 3:21

Mau baniaba nau ʉ̃raud̶e boro eabadau ʉ̃rʉbena jara b̶uu. Boro eaduud̶e Jesucristo chokae jiradusiid̶eeba dachi kariba b̶uu. Boro earuuba dachi kakua jayoa jeraakau, maumaarã maka waubadau dachi kʉ̃risia jipa b̶uuba, biawãra Dachi Akõre ome nibad̶ai kʉ̃ria panuud̶eeba.

1 Corintios 6:11

Naed̶e machid̶ebena chi nuree maka nureasii. Maamina machiba kachirua wauped̶aad̶a Dachi Akõreba jeraasii, ichi baita biꞌia b̶usii, maud̶e nebʉraswãe nii asii Dachi Mechiu Jesucristod̶eeba maud̶e ichi Jaurid̶eeba.

Mateo 3:11

»Mʉʉba baniaba machi boro ea b̶uu waabenarãmaa unubiad̶amera chi kachirua waud̶ai ida b̶uped̶aad̶a. Maamina mʉare ab̶a neei chi mʉ aude mechiu nii. Maud̶eeba ichiba jʉ̃rʉd̶e jʉ̃barii poyaa enai b̶uuwãe. Ichiba Dachi Akõre Jauri deai. Maamina ijãad̶awẽebʉrã kastikakuai.

Juan 3:3

Jesusba ichimaa jarasii: —Mʉʉba bichimaa biawãra jaraaruu: wãwa adaubarii kĩra, waya chiwid̶i b̶eewẽebʉrã, Dachi Akõre juad̶e poyaa b̶uabai ichid̶irã baara.

Marcos 16:16

Mau bed̶ea ijãaduubʉrã maud̶e boro eaduubʉrã Dachi Akõreba mau karibai. Maamina chi mau bed̶ea ijãawẽe ichiba mau kastikai.

1 Corintios 2:12

Dachiba nau iujãad̶ebena kʉ̃risia adaud̶aabasii, maumaarã Dachi Akõre Jauri adausid̶au joma Dachi Akõreba ichi sõbiad̶eeba dead̶a kuitaad̶amera.

Juan 1:13

Ãchi Dachi Akõre warrarã bad̶aabasii ãchi naweba adaud̶ad̶eeba maebʉrã ẽbẽrarãba kʉ̃ria panad̶ad̶eeba. Maumaarã Dachi Akõréburu ichi warrarã babiasii.

1 Juan 5:1

Jesús Dachi Akõreba Dachi Karibabarii deai jarad̶a ab̶auba ijãaruubʉrã, mau ẽbẽra Dachi Akõre warrbʉ. Dachi Bajãad̶ebena Akõre kʉ̃ria b̶uuba ichi warrarã sid̶a kʉ̃ria b̶uu.

1 Juan 2:29

Machiba kuitaa panuu Jesucristo jipa nii. Maud̶e kuitaa panuu chi joma jipa wau nuree, Dachi Akõre warrarãbʉ.

Gálatas 6:15

Dachi Akõreba mukĩra chi kakua tõo b̶uai maebʉrã mukĩra chi kakua tõowẽa b̶uai biꞌia unuwẽa b̶uu. Ichiba ẽbẽra wid̶i waud̶a biꞌia unu b̶uu.

Romanos 14:17

Dachi Akõreba ichi juad̶e panuurãmaa jarakau kãare kod̶ai panuu maud̶e kãare dod̶ai panuu. Maumaarã kʉ̃ria b̶uu ãchiba ichi Jaurid̶eeba jipa wau panad̶ai, jirukaraayuwãe panad̶ai maud̶e kĩrajʉʉ panad̶ai.

Mateo 28:19

Maud̶eeba joma puuru b̶eecha wãd̶aped̶a jaradeásturu mʉ baara wãd̶amera. Maarã Dachi Akõre trʉ̃d̶eeba, chi Warr trʉ̃d̶eeba, Dachi Akõre Jauri trʉ̃d̶eeba boro eásturu.

Mateo 18:3

Naka jarasii: —Mʉʉba biawãra jaraaruu: machiba ãyaa kʉ̃risiaduubʉrã maud̶e nau warr kĩra paneeduubʉrã, Bajãad̶e B̶uuba ichid̶irã ichi juad̶e ua b̶uumare panad̶aabai.

1 Pedro 1:2

Dachi Bajãad̶ebena Akõreba machi adausii ichiba naed̶e makai kʉ̃risia b̶uad̶a kĩra. Dachi Akõre Jauriba machi ichi baita b̶usii Jesucristod̶e ijãad̶amera maud̶e ichi oad̶eeba Dachi Akõre daad̶e kachiruaswãe nuread̶amera. Mʉʉba kʉ̃ria b̶uu Dachi Akõreba ichi sõbiad̶eeba machi aid̶a b̶uamera maud̶e jirukaraayuwãe b̶uabiamera.

Hechos 3:19

Machiba chi kachirua ida b̶ud̶aped̶a Dachi Akõremaa nésturu. Maka wauduubʉrã machiba kachirua wauped̶aad̶a Dachi Mechiuba perdonaped̶a sõbiabiai,

Lucas 13:3

Mʉʉba jaraaruu: Makawãema. Maamina machiba kachirua waubadau ida b̶ud̶aped̶a Dachi Akõremaa need̶awẽebʉrã machi sid̶a biud̶ai.

Mateo 5:20

Mʉʉba biawãra jaraaruu: Moisesba b̶ʉd̶a jaradeabadaurãba wau panuu kãyabãra maud̶e fariseorãba wau panuu kãyabãra machiba jipa waud̶aabasiibʉrã, Bajãad̶e B̶uuba machi ichi juad̶e ua b̶uabai.

Romanos 8:2

Cristod̶eeba Dachi Akõre Jauriba dachimaa chi chokae b̶uai chiwid̶i deasiid̶eeba, dachi kachiruad̶ebena maud̶e biud̶ai bad̶ad̶ebena enakuasii.

Lucas 13:24

—Machi dauchia jãadua panásturu chi poraa pĩchua b̶uud̶e wãd̶ai baita. Biawãra ed̶a wãd̶ai baita ãrea duanuu maamina poyaa joma wãd̶aabai.

Lucas 13:5

Mʉʉba jaraaruu: makawãema. Maamina machiba kachirua waubadau ida b̶ud̶aped̶a Dachi Akõremaa need̶awẽebʉrã machi sid̶a biud̶ai».

Mateo 19:24

Waya mʉʉba jaraaruu: chaarea ãrea b̶uu barau nii Dachi Akõreba ichi juad̶e ua b̶uud̶e b̶uayu, camello ab̶a ãkusa daud̶e wãi bad̶amaarã.

Mateo 21:31

Mau machimaarã, chi omed̶ebena ¿sãuba chi akõreba kʉ̃ria b̶uad̶a wausma? Ãchiba panausid̶au: —Chi naa b̶uuba. Maud̶e Jesusba ãchimaa jarasii: —Maerã. Maamina biawãra mʉʉba jaraaruu: Romad̶ebena baita chi nejarra pebadaurã maud̶e wẽrarã aud̶uabadaurã machi audeara Dachi Akõreba ichid̶irã ichi juad̶e ua b̶uabariid̶e paneed̶ai.

Marcos 9:47

Maud̶e bichi dauba bichimaa kachirua waubiiruubʉrã, mau ẽetase. Bibuara b̶uu dau b̶errea nii ewaricha Dachi Akõre juad̶e b̶uai, dau omea inii tʉbʉchia aoko kub̶uu kiikaud̶e jiratai bad̶amaarã.

Marcos 10:14

Ãchiba makaped̶aad̶a Jesusba unusiid̶e, kĩruped̶a naka jarasii: —Warrarã mʉʉmaa ida neebísturu, Dachi Akõreba ichid̶irã ichi juad̶e ua b̶uud̶erã naarã kĩra nureed̶eeba.

Juan 3:4

Maud̶eeba Nicodemoba ichimaa id̶isii: —¿Saka dachi chõra b̶uu waya wãwa adaui kĩra b̶eeima? Maka b̶uubʉrã ¿dachi nawe b̶ited̶e wãi b̶uka waya wãwa adauruu kĩra?

1 Corintios 15:50

Ãbarã, mʉʉba nau jaraaruu: chi kakua nau iujãad̶ebena Dachi Akõre juad̶e poyaa b̶uabai ichid̶irã baara. Chi kakua b̶eraabarii chi b̶eraakau kakuamaa poyaa b̶uabai.