Juan 21:16 - Emberá Chamí

¹⁶ Jesusba waya Pedromaa id̶isii: —Simón, Jonás warr, ¿mʉ kʉ̃ria b̶uka? Pedroba panausii: —Maerã mʉ Mechiu, bichiba kuitaa b̶uu mʉʉba bichi kʉ̃ria b̶uu. Jesusba jarasii: —Chi mʉʉd̶e ijãa nuree ãrea nu b̶uase oeja nubariiba ichi oeja chekerã nubarii kĩra.

Juan 21:16 Referans Kwoze

Hechos 20:28

»Dachi Akõreba ichi Warr oad̶eeba ẽbẽrarã ichi baita nedosii. Dachi Akõre Jauriba machi b̶usii ãbarã nu panad̶amera. Maud̶eeba ara machi du ab̶a ãrea kauwa panásturu maud̶e Dachi Akõred̶e ijãabadaurã joma nu panásturu.

1 Pedro 5:2

Dachi Akõreba ãbarã machi juad̶e b̶ud̶a ãrea nústuru. Maka waurã́sturu waabenarãba maka waubi panuud̶eeba. Maumaarã nu kʉ̃ria panuud̶eeba maka wáusturu. Chi nejarra kʉ̃ria panuud̶eeba nurã́sturu, maumaarã sõd̶eeba nu kʉ̃ria panuud̶eeba maka wáusturu.

1 Pedro 2:25

Machi naed̶e chi oeja barikiud̶e nibad̶a kĩra nibabachid̶au, maamina jãabae Cristomaa waya neesid̶au. Ichiba machi nu b̶uu, oeja nubariiba ichi oeja nubarii kĩra.

Hebreos 13:20

Dachi Mechiu Jesucristo chi Oeja Nubarii Mechiubʉ. Dachi Akõreba chi dachi jirukaraayuwãe b̶uai deabarii ichi biu b̶uad̶a chokae jiradubisii. Jesucristo oad̶eeba ẽbẽrarã Dachi Akõred̶erã ome bed̶ea deasii. Mau ewaricha b̶uai.

Juan 18:25

Maumisa Pedro wabid̶a b̶ari nub̶uasii tʉbʉ kãaruu. Maud̶e ẽbẽrarãba ichimaa id̶isid̶au: —¿Bichi sid̶a jãu ẽbẽra baara nibabariiwãeka? Pedroba merasii: —Mʉʉwãema.

Juan 18:17

Mau wẽraba Pedromaa id̶isii: —¿Bichi sid̶a Jesús baara nibabariiwãeka? Pedroba panausii: —Mʉʉwãe.

Lucas 19:10

Biawãra mʉ, chi Ẽbẽra Ba B̶uad̶aba chi adua duanuurã karibai baita jʉrʉd̶e neesii.

Mateo 26:72

Maamina Pedroba waya merasii: —Mʉʉba biawãra jaraaruu: jãu ẽbẽra unukau.

Mateo 25:32

Maabae drua jomad̶ebena ẽbẽrarã mʉ daad̶e need̶ai. Maarã mʉʉba aꞌawaraa b̶ui oeja nubariiba ichi oeja cabra ome ãbua panad̶a awara b̶ubarii kĩra.

Mateo 2:6

Belén puuru chi aude kaebeuwãema chi Judead̶ebena puuru audeara. Mau puurud̶ebena chi jaradea ua b̶uabarii ab̶a neei. Mau jaradea ua b̶uabariiba mʉ puuru Israel nu uru b̶uai.

Apocalipsis 7:17

Chi Oeja Kaebe Nii rey ãkaud̶e akʉ b̶uuba maarã nu b̶uai. Maarã uad̶oi chi chokae nibabiabarii iorod̶e bania bumadru b̶uumaa dod̶amera. Mau ewarid̶e Dachi Akõreba ãchi dau b̶aa joma jarekuai.

Juan 21:17

Jesusba waya id̶isii: —Simón, Jonás warr, ¿mʉ kʉ̃ria b̶uka? Mauba b̶es õbea id̶isii. Pedro kĩra nomaa b̶eesii, Jesusba b̶es õbea id̶isiid̶eeba. Maabae ichiba jarasii: —Mʉ Mechiu, bichiba joma kuitaa b̶uu. Bichiba kuitaa b̶uu mʉʉba bichi kʉ̃ria b̶uu. Jesusba jarasii: —Chi mʉʉd̶e ijãa nuree ãrea nu b̶uase oeja nubariiba ichi oeja chekerã nubarii kĩra.