Juan 20:13 - Emberá Chamí

¹³ Maarãmaa id̶isid̶au: —Wẽra, ¿sakãe jẽa b̶uma? Maabae ichiba panausii: —Mʉ Mechiu Jesús adoesid̶au. Mʉʉba adua b̶uu samaa adoesid̶au.

Juan 20:13 Referans Kwoze

Juan 20:15

Jesusba ichimaa id̶isii: —Wẽra, ¿sakãe jẽa b̶uma? ¿Kai jʉrʉ b̶uma? Mariaba mau ẽbẽra chi ne uud̶a nubarii basii kʉ̃risiasii. Maud̶eeba jarasii: —Bichiba Jesús kakua ãyaa adoesiibʉrã, mʉʉmaa jarase chi kakua samaa adoesma, mʉʉba jʉrʉd̶e wãi baita.

Juan 2:4

Maud̶e Jesusba jarasii: —Dana, ¿Sakãe bichiba mʉʉmaa naka jara b̶uma? Mʉ ewari neewẽa b̶uu.

Hechos 21:13

Maamina Pabloba jarasii: —¿Sakãe jẽa panuma? ¿Sakãe mʉ jãka kĩra nomaabi panuma? Ab̶aburu mʉ jʉ̃d̶ai baita b̶uwãema, maumaarã mʉ Mechiu Jesús kakua Jerusalend̶e biui baita b̶uu.

Juan 20:2

Maud̶eeba pira wãsii Simón Pedromaa. Jesús baara nibabarii chi «Jesusba ãrea kʉ̃ria b̶uu» abadau aria b̶uasii. Neeped̶a jarasii: —Dachi Mechiu chi jau b̶uped̶aad̶amarebena ãyaa adoesid̶au. Daiba adua panuu samaa adoesid̶au.

Juan 19:26

Jesusba ichi nawe unusiid̶e maud̶e ichi baara nibabarii «ichiba ãrea kʉ̃ria b̶uu» abadau. Mau ara jãma b̶uasii. Maud̶e Jesusba ichi nawemaa jarasii: —Dana, nau bichi warrbʉ.

Lucas 24:17

Maabae Jesusba ãchimaa id̶isii: —¿Machiba kãare ʉ̃rʉbena berrea panuma? Mau ũrisid̶aud̶e kĩra nomaa b̶ari topaneesid̶au.