Juan 19:41 - Emberá Chamí

⁴¹ Jesús cruzd̶e jirab̶uped̶aad̶a kaita ne uu nub̶uasii. Mau ne uu nub̶uud̶e biud̶a jau b̶ubachid̶aud̶e chob̶ea b̶uasii mo chob̶ea korod̶a wid̶i. Aria biud̶a wabid̶a jau b̶ud̶akau basii.

Juan 19:41 Referans Kwoze

Lucas 23:53

Maabae Jesús ed̶aa jiraped̶a ẽeboroba bʉraped̶a mo chob̶ea korod̶ad̶e ed̶a nub̶usii. Mau chob̶ea korod̶ad̶e chi biud̶a ab̶a bid̶a wabid̶a jau b̶ud̶akau basii.

Mateo 27:60

Maabae mo chob̶ea wid̶i korod̶ad̶e ed̶a jau b̶usii. Mau chob̶ea Josed̶e basii. Maabae mo mechiuba chi ed̶a wãbariimare bʉraa kub̶uped̶a wãsii.

Juan 20:15

Jesusba ichimaa id̶isii: —Wẽra, ¿sakãe jẽa b̶uma? ¿Kai jʉrʉ b̶uma? Mariaba mau ẽbẽra chi ne uud̶a nubarii basii kʉ̃risiasii. Maud̶eeba jarasii: —Bichiba Jesús kakua ãyaa adoesiibʉrã, mʉʉmaa jarase chi kakua samaa adoesma, mʉʉba jʉrʉd̶e wãi baita.

Juan 19:42

Mau chob̶ea ara kaita b̶uud̶eeba maud̶e judiorã bari panabadau ewari ʉ̃rʉ ba b̶uasiid̶eeba Jesús aria jau b̶usid̶au.