Juan 19:4 - Emberá Chamí

⁴ Maabae Pilato waya awara judiorãmaa wãped̶a jarasii: —Ũrísturu. Mʉʉba nau ẽbẽra awara machimaa eneei, mʉʉmaarã nauba kachirua wauwẽa b̶uu kuitaad̶amera.

Juan 19:4 Referans Kwoze

Juan 19:6

Maamina Jesús unuuduud̶e paare mechiurã maud̶e Dachi Akõre de nubadaurãba jĩwa b̶ia jarasid̶au: —¡Jãu cruzd̶e jirab̶u beabise! ¡Cruzd̶e jirab̶u beabise! Maud̶e Pilatoba jarasii: —¡Machiaburu adoed̶aped̶a cruzd̶e jirab̶u beásturu! Mʉʉmaarã, jãuba kachirua wauwẽa b̶uu.

Juan 18:38

Maud̶e Pilatoba id̶isii: —¿Kãarema mau biawãra? Maka jarasiid̶e Pilato waya awara judiorãmaa wãped̶a jarasii: —Mʉʉba unuwẽe nau ẽbẽraba kãare kachirua wausii.

Lucas 23:4

Maabae Pilatoba paare mechiurãmaa maud̶e ẽbẽrarã aria duanuumaa jarasii: —Mʉʉba unuwẽe nau ẽbẽra nebʉra bara b̶uu.

Lucas 23:47

Mau unusiid̶e kokoroarã jaradea ua b̶uabarii aria b̶uuba Dachi Akõremaa naka biꞌia jarasii: —Biawãra nau mukĩra jipa nibasii.

1 Juan 3:5

Maamina machiba kuitaa panuu Jesucristo nau iujãad̶aa neesii dachi kachirua awara b̶ui baita. Ichi chi kachirua b̶aꞌãra bid̶a wãꞌãe nii.

1 Pedro 3:18

Cristo jipa b̶umina kachirua kakua b̶es ab̶a biꞌiwãe b̶uasii. Mauba dachi chi jipawãe nuree Dachi Akõre ome biꞌia b̶usii. Ichi beasid̶au, maamina Dachi Akõre Jaurid̶eeba chokae jiradusii.

1 Pedro 2:22

Cristoba kachirua wauka basii maud̶e setaa jaraka basii.

2 Corintios 5:21

Cristoba kachirua waukau basii. Maamina dachi baita Dachi Akõreba ichi kachirua waubarii kĩra unusii. Maka Cristod̶eeba chi Dachi Akõre jipa nii dachiba waabenarãmaa poyaa unubiabadau.

Lucas 23:41

Dachi ome naka biud̶ai panuu, kachirua wausid̶aud̶eeba. Maamina nau ẽbẽraba ¿kãare kachirua wausma?

Mateo 27:54

Romad̶ebena kokoroarã jaradea ua b̶uabariiba, ichi kokoroarã bid̶a Jesús nu panasid̶au ab̶auba aid̶arãad̶amera. Maamina ioromiaba makaaruu unusid̶aud̶e ãrea perad̶aped̶a jarasid̶au: —Biawãra nau mukĩra Dachi Akõre Warr basii.

Mateo 27:24

Maka panuud̶e Pilatoba kuitaasii ẽbẽrarãba ichi bed̶ea ijãad̶aabasii. Mau awara unusii ẽbẽrarã aude b̶iuka nub̶eeduu. Maabae baniaba ichi jua jomaurã daad̶e jeraaped̶a jarasii: —Nau ẽbẽra jipa b̶uu beaduu kakua mʉ nebʉra wauwẽa b̶uu. Mau biawãra machid̶e b̶uu.

Mateo 27:19

Pilato ẽbẽrarã jibarii ãkaud̶e akʉ b̶uud̶e chi wẽraba nau bed̶ea ichimaa jarabʉisii: «Jãu ẽbẽra jipa nii enata bʉise. Id̶i jãu ʉ̃rʉbena kamokaraasiid̶eeba mʉ ãrea wapea b̶uu».

Mateo 27:4

Maarãmaa jarasii: —Mʉʉba kachirua wausii mukĩra nebʉraswãe nii jidaubisiid̶eeba. Maud̶e ãchiba jarasid̶au: —¿Dai baita mau sakaima? Mau bichid̶e b̶uu.

Hebreos 7:26

Dachi Paare Mechiu Jesusba ne jomad̶e dachi poyaa aid̶ai. Kachirua waukau, ne jomad̶e jipa nii. Dachi Akõreba mau biꞌia unu b̶uu. Kachirua waubadaurã tãed̶ebena awara b̶uped̶a bajãad̶e chi mechiu b̶usii.

Juan 18:33

Maabae Pilato waya deed̶a ed̶a wãsii. Jesús ed̶a adoebiped̶a id̶isii: —¿Bichi biawãra judiorã reyka?