Juan 19:28 - Emberá Chamí

²⁸ Maka jarasiid̶e Jesusba kuitaasii joma ichiba waui b̶uad̶a wausii. Maud̶e jarasii: —Mʉ obisia b̶uu. Mau jarasii Dachi Akõre bed̶ead̶e jara b̶uu kĩra.

Juan 19:28 Referans Kwoze

Juan 19:30

Jesusba mau uva b̶aa orekea do chaaped̶a jarasii: —Mʉʉba waui b̶uad̶a joma wausii. Maabae ichi boro ed̶aa jaab̶arisiid̶e biusii.

Lucas 22:37

Mʉʉba jaraaruu: Dachi Akõre baita berreabariiba mʉ ʉ̃rʉbena b̶ʉd̶a biawãra makai b̶uu. Naka b̶ʉsii: “Ara mau ẽbẽra kachirua kĩra kʉ̃risia panasid̶au”. Mʉ ʉ̃rʉbena b̶ʉped̶aad̶a biawãra joma makai.

Juan 19:24

Maud̶e kokoroarãba ãchi du ab̶a jarasid̶au: —Nau kõetad̶aabai panuu. Bari bibuara b̶uu jemened̶ai, kaiba chi paru adooi kuitaad̶ai baita. Mau makasii Dachi Akõre bed̶ead̶e nabẽraed̶e b̶ʉd̶a kĩra: «Mʉ anab̶ari jʉ̃barii ãchicha adausid̶au; mʉʉba ekare jʉ̃ b̶uad̶a adaud̶ai baita jemenesid̶au». Biawãra kokoroarãba maka wausid̶au.

Lucas 18:31

Jesusba chi ichi baara nibabadaurã 12 ãyaa adoeped̶a jarasii: «Dachi Akõre baita berreabadaurãba mʉ, chi Ẽbẽra Ba B̶uad̶a ʉ̃rʉbena kartad̶e b̶ʉsid̶au. Dachi Jerusalend̶e needuud̶e ãchiba b̶ʉped̶aad̶a joma makai.

Juan 18:4

Maud̶e Jesusba joma makai b̶uu kuitaa b̶uud̶eeba ãchimaa wãped̶a id̶isii: —Machiba ¿kai jʉrʉ panuma?

Juan 13:1

Pascua ewari bai naed̶e Jesusba kuitaa b̶uasii ichi ewari neeruu. Kuitaasii nau iujãa b̶ʉiped̶a ichi Akõremaa wãi. Jesusba joma ichid̶irã nau iujãad̶e nuree ãrea kʉ̃ria b̶uasiid̶eeba ichiba mau kʉ̃ria unubiasii ab̶a ichi biuruu ewarid̶aa.

Hechos 13:29

Dachi Akõre kartad̶e ichi bead̶ai ʉ̃rʉbena b̶ʉped̶aad̶a joma mau maad̶akare ichi cruzd̶ebena ed̶aa adaud̶aped̶a jau b̶usid̶au.

Lucas 9:31

Ãchi sid̶a Dachi Akõre kĩrawãread̶eeba ted̶echoa panasid̶au. Ãchiba berrea panasid̶au Jesús Jerusalend̶e bead̶ai ʉ̃rʉbena.

Lucas 12:50

Maamina mau naed̶e mʉ ãrea biꞌiwãe b̶uu. Maud̶eeba ãrea kĩra nomaa b̶uabarii ab̶a mau ewari neeruud̶aa.

Juan 4:34

Maud̶eeba Jesusba jarakuasii: —Mʉ bʉid̶aba waubi b̶uu joma wau b̶uu, mau mʉ chiko kĩra b̶uu.

Juan 17:4

Bichiba mʉʉmaa nau iujãad̶e waubid̶a mʉʉba joma wausii. Maka kuitaabisii bichi chi mechiu nii.

Juan 19:36

Joma mau biawãra makasii Dachi Akõre bed̶ead̶e b̶ʉ kub̶uu kĩra. Naka b̶ʉ kub̶uu: «Ichi b̶ʉʉrʉ ab̶a bid̶a b̶ʉitad̶aabai».