Juan 19:15 - Emberá Chamí

¹⁵ Maamina ãchiba jĩwa jarasid̶au: —¡Beabise! ¡Beabise! ¡Cruzd̶e jirab̶u beabise! Maud̶eeba Pilatoba jarasii: —¿Makarã mʉʉba machi rey cruzd̶e jirab̶u beabi kʉ̃ria panuka? Maabae chi paare mechiurãba panausid̶au: —¡Dai rey june wãꞌãe panuu, César Augusto awara!

Juan 19:15 Referans Kwoze

Lucas 23:18

Maamina ẽbẽrarã joma arab̶aud̶e naka b̶iukasid̶au: —¡Jãu beabise! ¡Barrabás enatase!

Hechos 22:22

Pabloba jara b̶uu judiorãba chũpea ũri duanasid̶au. Maamina Dachi Mechiuba ichi judiowãerãmaa bʉii asiid̶e, b̶ia bara b̶eesid̶au: «¡Jãu ẽbẽra nibaabai b̶uu! ¡Beásturu!»

Hechos 21:36

Ãchiba kokoroarã kaad̶e jĩwa jarabachid̶au: «¡Jãu beatásturu!»

Juan 19:6

Maamina Jesús unuuduud̶e paare mechiurã maud̶e Dachi Akõre de nubadaurãba jĩwa b̶ia jarasid̶au: —¡Jãu cruzd̶e jirab̶u beabise! ¡Cruzd̶e jirab̶u beabise! Maud̶e Pilatoba jarasii: —¡Machiaburu adoed̶aped̶a cruzd̶e jirab̶u beásturu! Mʉʉmaarã, jãuba kachirua wauwẽa b̶uu.

Juan 18:31

Maud̶eeba Pilatoba ãchimaa jarasii: —Machiaburu jãu adoed̶aped̶a ichiásturu ara machi leyd̶e jara b̶uu kĩra. Maud̶e judiorãba jarasid̶au: —Daiba poyaa ẽbẽra beabid̶aabai panuu. Machi Romad̶ebenarã́buru beabid̶ai panuu.

Mateo 22:17

Maka b̶uubʉrã daimaa jarase, Romad̶ebena baita chi nejarra paai b̶uu ¿dachi judiorãba paad̶ai b̶uka maebʉrã ¿biꞌiwãe b̶uka?

Hechos 13:28

Mauba ab̶a bid̶a kãare kachirua waud̶a unud̶aabasmina ãchiba Pilatomaa jarasid̶au beamera.