Juan 18:3 - Emberá Chamí

³ Maud̶eeba Judasba kokoroarã ãrea romad̶ebenarã maud̶e Dachi Akõre de mechiud̶ebena nubadaurã mau ne uu nub̶uud̶aa uad̶osii. Maarã chi paare mechiurã maud̶e fariseorãba Judas ome bʉisid̶au. Maarãba ʉ̃d̶aa koabarii, lámpara maud̶e miasu uru panasid̶au.

Juan 18:3 Referans Kwoze

Juan 18:12

Maabae Romad̶ebena kokoroarãba, ara ãchi mechiu maud̶e chi Dachi Akõre de nubadaurãba Jesús jidaud̶aped̶a jua jʉ̃sid̶au.

Hechos 1:16

«Ãbarã, nabẽraed̶e Dachi Akõre Jauriba Judasba waui ʉ̃rʉbena Davidmaa b̶ʉbisii. Dachi Akõre bed̶ead̶e b̶ʉ kub̶uu kĩra biawãra makai b̶uasiid̶eeba Judasba ẽbẽrarã uad̶osii Jesús jidaud̶amera.

Juan 13:2

Ẽsabud̶aa baaruud̶e komaa panasid̶au. Mau naed̶e jʉbawãe niiba Simón warr Judas Iscariote sõd̶e kʉ̃risiabisii Jesús jidaubii baita.

Mateo 25:1

»Bajãad̶e B̶uuba ichid̶irã ichi juad̶e ua b̶uu nau kĩra b̶uai: ãwerarã 10 panasid̶au. Ãchicha ʉ̃d̶aa koabarii adoed̶aped̶a chi miakãiruu mukĩra irsibid̶e wãsid̶au.

Juan 7:32

Fariseorãba kuitaasid̶au ẽbẽrarãba Jesús ʉ̃rʉbena didiwaraa berrea panuu. Maud̶eeba ãchiba maud̶e chi paare mechiurãba chi Dachi Akõre de nubadaurã bʉisid̶au Jesús jidaud̶e wãd̶amera.

Juan 18:18

Maud̶e paare mechiu baita bari trajabadaurãba maud̶e Dachi Akõre de nubadaurãba tʉbʉ pua nub̶usid̶au kũrasãa nub̶uud̶eeba. Puad̶aped̶a b̶ari topaneed̶aped̶a tʉbʉ kã duaneesid̶au. Maud̶e Pedro ãchi ome tʉbʉ kã b̶uasii.

Juan 18:22

Jesusba maka jaraaruud̶e chi nubarii ichi kaita b̶uuba jua jãaba Jesús kĩedarrmaa sĩped̶a jarasii: —¿Maka panau b̶uka chi paarerã mechiumaa?

Juan 19:6

Maamina Jesús unuuduud̶e paare mechiurã maud̶e Dachi Akõre de nubadaurãba jĩwa b̶ia jarasid̶au: —¡Jãu cruzd̶e jirab̶u beabise! ¡Cruzd̶e jirab̶u beabise! Maud̶e Pilatoba jarasii: —¡Machiaburu adoed̶aped̶a cruzd̶e jirab̶u beásturu! Mʉʉmaarã, jãuba kachirua wauwẽa b̶uu.

Hechos 10:1

Cesarea puurud̶e ẽbẽra Cornelio abadau b̶uasii. Ichi Italia druad̶ebena kokoroarã chi jaradea ua b̶uabarii basii.