Juan 17:6 - Emberá Chamí

⁶ »Bichiba mʉʉmaa ẽbẽrarã chi nuree nau iujãad̶ebena deasii. Mʉʉba maarãmaa joma bichi ʉ̃rʉbena kuitaabiasii. Maarã bichid̶imina, bichiba mʉʉmaa deasii. Maarãba bichi bed̶ea ijãasid̶au.

Juan 17:6 Referans Kwoze

Juan 17:26

Mʉʉba maarãmaa bichi ʉ̃rʉbena kuitaabiasii. Mau awara maucha aude kuitaabiai bichiba mʉ kʉ̃ria b̶uu kĩra ãchi sid̶a chiya kʉ̃ria panad̶amera maud̶e mʉ ãchi sõd̶e uru panad̶amera».

1 Juan 5:20

Kuitaa panuu Dachi Akõre Warr neesii maud̶e kʉ̃risia kuitaa dachimaa deasii Dachi Akõre biawãra unud̶amera. Ichi Warr Jesucristo ome panuud̶eeba dachi biawãra Dachi Akõre ome panuu. Mau biawãra Dachi Akõrebʉ. Mauba ẽbẽrarãmaa ichi ome ewaricha chokae nuread̶ai deabarii.

Juan 6:37

Chi mʉ Chachaba mʉʉmaa dea b̶uu ẽbẽrarã mʉʉmaa need̶ai; maarã duabʉikaabai.

Juan 17:24

»Chacha, bichiba nau iujãa waui naed̶e mʉ kʉ̃ria b̶uu. Maud̶eeba bajãad̶e mʉ chi mechiu b̶usii. Mʉʉba kʉ̃ria b̶uu joma bichiba mʉʉmaa dead̶arã aria mʉ baara nuread̶ai bichiba mʉ chi mechiu b̶ud̶a unud̶amera.

Juan 17:2

Bichiba joma ẽbẽrarã mʉ juad̶e b̶usii, chi mʉʉmaa dead̶akad̶acha ewaricha chokae duanubiamera.

2 Corintios 4:6

Nau iujãa joma pãriu b̶uad̶a Dachi Akõreba ʉ̃d̶aabisii. Ara mau kĩra ichi ʉ̃d̶aa dachi sõd̶e ʉ̃d̶aabisii. Mauba jara b̶uu ichi kĩrawãrea Cristod̶eeba dachimaa kuitaabisii.

Juan 15:19

Machi nau iujãad̶ebenarã basirã maarãba machi kʉ̃riad̶ai basii ãchid̶ebenad̶eeba. Maamina mʉʉba machi nau iujãad̶ebena adoesii ãchi diware nuread̶amera. Maud̶eeba machi kĩramaabadau.

Apocalipsis 3:8

Naka jara b̶uu: »Machiba wau panuu mʉʉba kuitaa b̶uu. ¡Ũrísturu! Mʉʉba poraa ab̶a machi daad̶e ewasii. Mau ab̶au bid̶a poyaa jʉ̃abai. Machi meserãa ãreawãe nuremina, mʉ bed̶ea ãrea ijãabadau. Mʉ istu b̶ud̶awẽa panuu.

Hebreos 3:6

Maamina Dachi Akõre warr Cristo baerã, mau ẽbẽrarã mechiubʉ. Ãchi ome joma arakʉd̶e wau b̶uu. Dachiba Cristod̶e ijãa panuubʉrã maud̶e ichid̶eeba adaud̶ai kĩrajʉʉ esed̶au panuubʉrã, ẽbẽrarã Dachi Akõred̶erãbʉ.

Juan 15:7

»Machi mʉ baara nureebʉrã, mʉ bed̶ea ijãa paneeduubʉrã, id̶ísturu joma machiba kʉ̃riaduu. Mau mʉʉba deai.

Apocalipsis 2:13

»Machiba wau panuu mʉʉba kuitaa b̶uu. Maud̶e kuitaa b̶uu machi panabadaumare Satanás chi rey ãkaud̶e akʉ b̶uu. Maamina machi wabid̶a mʉ baara nibabadau. Chi Satanasd̶erãba chi ãba Antipas beasid̶aud̶e mʉ kakua biawãra berreasiid̶eeba, machi mʉʉd̶e ijãad̶ai ida b̶ud̶aabasii.

Hebreos 2:12

Dachi Akõre bed̶ead̶e naka b̶ʉ kub̶uu: «Mʉʉba bichi ʉ̃rʉbena mʉ ãbarãmaa berreai. Joma araa ãbua imiiduud̶e mʉʉba bichi ʉ̃rʉbena biꞌia berreai».

2 Timoteo 1:13

Mʉʉba jipa jaradea b̶uad̶a kĩra jaradea b̶uase. Jesucristod̶e ijãa niid̶eeba, waabenarã kʉ̃ria nibase.

Colosenses 3:16

Bed̶ea Cristo ʉ̃rʉbena machi sõd̶e uru panásturu. Joma Dachi Akõre kuitaad̶eeba chiya jaradeásturu maud̶e chiya aid̶ásturu biꞌia ijãad̶ai baita. Dachi Akõre bed̶ead̶e b̶ʉ kub̶uu karísturu, ãbarãba karibadau maud̶e Dachi Akõre Jauriba karibi b̶uu sid̶a Dachi Akõremaa karísturu. Sõd̶eeba ichíturu kid̶ibai jara panuud̶eeba karísturu.

Romanos 11:2

Dachi Akõreba naed̶e israeld̶ebenarã jʉrʉ adausii ichi puuru b̶uamera. Maud̶eeba ãchi ida b̶uwẽa b̶uu. Machiba Dachi Akõre bed̶ead̶e Elías ʉ̃rʉbena b̶ʉd̶a kuitaa panuu. Eliasba Dachi Akõremaa israeld̶ebenarã ʉ̃rʉbena naka biꞌiwãe jarasii.

Hechos 13:48

Judiowãerãba mau ũrisid̶aud̶e kĩrajʉʉsid̶au. Ara makʉd̶e chi Dachi Mechiu bed̶ea biꞌia b̶uu asid̶au. Chi Dachi Akõreba ewaricha ichi baara chokae nuread̶ai duanud̶aba ijãasid̶au.

Juan 18:9

Maka jarasii ichiba naed̶e jara b̶uasiid̶eeba: «Chacha, bichiba mʉʉmaa dead̶a ab̶a bid̶a perdeebasii». Ichiba jarad̶a kĩra biawãra makasii.

Juan 17:16

Maarã nau iujãad̶ebenarãwãe mʉ nau iujãad̶ebenawãe kĩra.

Juan 17:14

Bichiba jarad̶a mʉʉba maarãmaa jaradeasii. Maamina nau iujãad̶ebenarãba maarã kĩramaabadau mʉ kĩramaabadau kĩra, nau iujãad̶ebenarãwãed̶eeba.

Juan 15:3

Mʉ bed̶ea ijãabadaud̶eeba machi chi bakuru jua kauwa tarikuad̶a kĩra nuree.

Juan 12:28

Maumaarã jaraaruu: Chacha, mauba jomaurãmaa kuitaabiáse bichi chi Mechiu nii. Ara makʉd̶e ẽbẽrarã aria panuuba bed̶ea bajãad̶ebena ũrisid̶au. Mau bed̶eaba jarasii: «Mʉʉba naed̶e kuitaabiasii mʉ chi Mechiu nii maud̶e waya kuitaabiai».

Juan 6:39

Mʉ bʉid̶aba kʉ̃ria b̶uu ichiba mʉʉmaa dead̶arã ab̶a bid̶a wãꞌãerãad̶amera. Kʉ̃ria b̶uu nau baribai ewarid̶e mʉʉba joma ãchi chokae jiradubiai.

Juan 1:18

Ab̶au bid̶a Dachi Akõre unud̶akau. Maamina chi Warr ab̶aburu nii Dachi Akõred̶eeba maud̶e chi Akõre ome ãbua b̶uud̶eeba, dachimaa kuitaabiasii Dachi Akõre biawãra saka nii.

1 Pedro 1:1

Mʉ Pedrobʉ, Jesucristoba bʉid̶abʉ. Mʉʉba nau karta b̶ʉʉruu Dachi Akõreba jʉrʉ adaud̶arã Ponto druad̶e, Galacia druad̶e, Capadocia druad̶e, Asia druad̶e, Bitinia druad̶e maud̶e drua awarad̶ebenarã kĩra panabadau baita.

Juan 8:51

Mʉʉba biawãra jaraaruu, chi mʉ bed̶ea ijãa nii biukaraa nibai.

Juan 8:52

Maud̶e judiorãba Jesusmaa jarasid̶au: —Jãabáeburu daiba kuitaaduu bichiba jai kachirua bichi kakuad̶e uru b̶uu. Abraham biusii. Joma Dachi Akõre baita berreabadaurã sid̶a biusid̶au, maamina bichiba jara b̶uu: “Chi mʉ bed̶ea ijãa nii biukaraa nibai”.

Juan 17:7

Mauba kuitaa panuu joma mʉʉba uru b̶uu bichid̶ebena nee b̶uu.

Juan 17:12

Bichi poyaad̶eeba mʉʉba joma bichiba dead̶arã nau iujãad̶e nu ua b̶uabarii. Jãarãd̶ebenarã ab̶a bid̶a wãꞌãed̶aabasii. Ab̶aburu chi wãꞌãe bai bad̶áturu wãꞌãesii, bichi bed̶ea jara b̶uu kĩra biawãra makamera.

Apocalipsis 3:10

Machiba joma chi mʉ kakua biꞌiwãe duanuu dauchia jãadua panuu mʉʉba jarad̶a kĩra. Maud̶eeba chi joma nau iujãad̶ebena biꞌiwãe panad̶ai ewari neeruud̶e, mʉʉba machi nu ua b̶uai. Mau ewarid̶e joma chi nau iujãad̶e duanuu biꞌiwãe panabiai sakad̶ai kuitaayua.