Juan 17:5 - Emberá Chamí

⁵ Maud̶eeba Chacha, mʉ bichi daad̶e chi mechiu b̶use bichi ome nau iujãad̶e waui naed̶e maka nibad̶a kĩra.

Juan 17:5 Referans Kwoze

1 Pedro 1:20

Nau iujãa waui naed̶e Dachi Akõreba Cristo jʉrʉ adauped̶a nau kaad̶ebena ewarid̶e bʉisii machi biꞌia nuread̶amera.

Juan 10:30

Mʉ, mʉ Chacha ome arab̶au nid̶au.

Filipenses 2:6

Ichi Dachi Akõremina, ara Dachi Akõre kĩra arab̶aud̶e b̶uai kʉ̃risiabasii.

Hebreos 1:10

Maud̶e naka jarasii: «Dachi Mechiu, arab̶aed̶eed̶e bichiba nau iujãa maud̶e bajãa wausii.

Hebreos 1:3

Ichi Warrba Dachi Akõre kĩrawãrea ted̶echoa unubiabarii. Ara ichid̶eeba Dachi Akõre saka nii kuitaabiabarii. Ichi bed̶ea poyaabarii b̶uuba joma waud̶a ichi juad̶e arakʉd̶e uru b̶uu. Ichiba dachi kachirua jeraaped̶a Dachi Akõre Mechiu jua biare bajãad̶e akʉ b̶eesii.

Juan 17:24

»Chacha, bichiba nau iujãa waui naed̶e mʉ kʉ̃ria b̶uu. Maud̶eeba bajãad̶e mʉ chi mechiu b̶usii. Mʉʉba kʉ̃ria b̶uu joma bichiba mʉʉmaa dead̶arã aria mʉ baara nuread̶ai bichiba mʉ chi mechiu b̶ud̶a unud̶amera.

Juan 8:58

Jesusba panausii: —Mʉʉba biawãra jaraaruu: Abraham chi naweba adaui naed̶e Mʉʉbʉ.

Juan 1:18

Ab̶au bid̶a Dachi Akõre unud̶akau. Maamina chi Warr ab̶aburu nii Dachi Akõred̶eeba maud̶e chi Akõre ome ãbua b̶uud̶eeba, dachimaa kuitaabiasii Dachi Akõre biawãra saka nii.

Juan 14:9

Maud̶e Jesusba jarasii: —Felipe, mʉ ãrea baaruu machi baara b̶uu. Bichiba mʉ ¿wabid̶a unuwẽa b̶uka? Chi mʉ unubariiba mʉ Chacha sid̶a unubarii. Bichiba ¿saka jara b̶uu “Dachi Akõre daimaa unubiáse”?

Mateo 25:34

Maabae mʉ, chi Reyba jua biare panuurãmaa naka jaraaruu: “Machi, mʉ Chachaba biꞌia duanud̶a, nésturu. Ichi puurud̶e biꞌia panásturu. Nau iujãa wausiid̶eed̶ebena mau puuru machi baita waud̶a b̶uu.

Juan 3:13

»Ab̶a bid̶a bajãad̶aa wãkau mau kuitaai baita. Ab̶aburu mʉ́turu, chi Ẽbẽra Ba B̶uad̶aba mau kuitaa b̶uu, bajãad̶ebena need̶ad̶eeba.

Apocalipsis 3:21

Mʉʉba chi kachirua waui poyaasiid̶eeba Dachi Akõre baara ichi rey ãkaud̶e akʉ b̶eesii. Ara mau kĩra chi kachirua waui poyaaped̶aad̶a mʉ baara mʉ rey ãkaud̶e akʉ b̶eebiai.

Apocalipsis 13:8

Maud̶e joma nau iujãad̶ebenarãba chi ãnimaramaa biꞌia berreasid̶au. Iujãa joma waukuai naed̶e maarã trʉ̃ chi Oeja Kaebe Nii kartad̶e wãꞌãe basii. Mau kartad̶e chi ẽbẽrarã joma biud̶aabai panuu trʉ̃ b̶ʉ kub̶uu.

1 Juan 1:2

Mau chokae nibabiabarii Dachi Akõreba nau iujãad̶e unubiasii. Daiba mau unusid̶aud̶eeba mau ʉ̃rʉbena biawãra berrea panuu. Daiba machimaa jara panuu mau chi ewaricha chokae nibabiabarii. Arab̶aed̶eed̶e ichi Akõre ome bajãad̶e b̶uabachii. Mau bajãad̶e b̶uad̶a Dachi Akõreba daimaa nau iujãad̶e unubiasii.

Juan 17:1

Jesusba maka jarasiid̶e bajãad̶aa ichiaped̶a jarasii: «Chacha, mʉ ewari neesii. Bichi Warr chi mechiu nii unubise bichi Warrba bichi biawãra chi mechiu nii unubimera.

1 Pedro 1:21

Cristod̶eeba machiba Dachi Akõred̶e ijãa panuu. Dachi Akõreba ichi biu b̶uad̶a chokae jiradubiped̶a chi mechiu b̶usii. Maud̶eeba machiba Dachi Akõred̶e biawãra ijãa panuu maud̶e esed̶au panuu Dachi Akõreba jarad̶a joma waumera.