Juan 17:19 - Emberá Chamí

¹⁹ Maarã kakua mʉ bichimaa dearuu. Machi baita makaaruu, maarãba ara ãchi chi biawãra bichimaa dead̶amera.

Juan 17:19 Referans Kwoze

Hebreos 2:11

Jesusba ẽbẽrarã biꞌia b̶ubarii Dachi Akõre baita. Ichiba, mau ẽbẽrarã bid̶a arab̶au Akõre uru panuu. Maud̶eeba Jesús kĩra nejasiakau ãchi ichi ãbarã ai baita.

Tito 2:14

Dachi baita Jesucristoba ara ichi ida beabisii ne joma kachiruad̶ebena karibai baita. Dachi ara ichi baita biꞌia b̶usii ichi puurud̶e panad̶amera maud̶e ne joma biꞌia wau kʉ̃ria panad̶amera.

Juan 17:17

Bichi bed̶eaba bichi biawãra saka nii kuitaabia b̶uu. Maud̶eeba maarã bichi baita duanuse.

1 Corintios 1:2

Mʉʉba nau karta b̶ʉʉruu chi ẽbẽrarã Dachi Akõred̶erã Corintod̶ebena baita. Jesucristod̶eeba Dachi Akõreba machi awara b̶usii ichi baita biꞌia nuread̶amera. Ara mau kĩra ichiba druacha joma Dachi Mechiu Jesucristomaa ʉtaa id̶ibadaurã awara b̶usii. Ichimaarã Mechiubʉ maud̶e Dachi Mechiubʉ.

2 Timoteo 2:10

Mau baita mʉʉba joma jãadua b̶uu Dachi Akõreba jʉrʉ adaud̶a ẽbẽrarã karibai baita. Maka Dachi Akõreba ãchi sid̶a Jesucristod̶eeba aid̶ai ewaricha ichi biad̶ebena uru panad̶amera.

1 Tesalonicenses 4:7

Dachi Akõreba dachi jʉrʉ adaubasii kachiruad̶e panad̶amera, maumaarã jʉrʉ adausii ichi baita jipa panad̶amera.

2 Corintios 8:9

Machiba ãrea kuitaa panuu Dachi Mechiu Jesucristoba ichi sõbiad̶eeba waud̶a. Ichi bajãad̶e ne joma uru b̶umina, machi baita chi nejarr barauwãe b̶uu kĩra b̶uasii machiba ne joma Dachi Akõreba dea b̶uud̶ebena uru nuread̶amera.

2 Corintios 4:15

Dai mau joma ãrea biꞌiwãe panuu machi biꞌia nuread̶amera. Maud̶e Dachi Akõreba ichi sõbiad̶eeba ẽbẽrarã ãrea karibaaruu. Maka ãreaba ichimaa bichíturu kid̶ibai ad̶ai maud̶e ichi ʉ̃rʉbena biꞌia jarad̶ai.

Hebreos 9:26

Maka b̶uad̶a basirã nau iujãa wausiid̶eed̶ebena waitaa Cristo b̶es ãrea biui basii. Maamina nau kaad̶ebena ewarid̶e neeped̶a ichi ida beabisii. B̶es ab̶a maka waud̶aba dachiba kachirua wauped̶aad̶a joma awara b̶usii.

Hebreos 10:29

Maud̶eeba ¿saka kʉ̃risia panuma? ¿Dachi Akõreba chi ichi Warr ida b̶ubadaurã aude kastikaika? Dachi Akõreba ichi Warr oad̶eeba bed̶ea chiwid̶i deasii dachi ichi baita biꞌia b̶ui baita. Makarã ¿chi Dachi Akõreba ichi Warr oa ched̶a biꞌiwãe b̶uu abadaurã aude kastikaika? Mau awara Dachi Akõre Jauriba ichi sõbiad̶eeba dachi aid̶a b̶uu. Maka b̶uubʉrã ¿chi Dachi Akõre Jauri ʉ̃rʉbena kachirua jarabadaurã kastikawẽka?

Hebreos 9:13

Paareba paka mukĩra oa, chivo oa maud̶e paka warr baa dead̶a chi jãra ẽbẽrarã ʉ̃rʉ kuabʉibarii. Mauba ẽbẽrarã Dachi Akõre daad̶e kachirua nuread̶a nau kakua ʉ̃rʉbena biꞌia jarebarii.

Hebreos 9:18

Ara mau kĩra Dachi Akõreba israeld̶ebenarã ome chi nabena bed̶ea deasiid̶e ãnimara oa chesii. Mauba kuitaabiasii maarãba mau bed̶ea dead̶a ũribaba panad̶ai panasid̶au.

Juan 10:36

¿sakãe mʉʉba ichi ʉ̃rʉbena kachirua jarasii a panuma, mʉʉba bari ichi Warr a b̶uasiid̶eeba? Dachi Akõreba mʉ ara ichi báitaburu awara b̶usii maud̶e nau iujãad̶aa bʉisii.

Juan 15:3

Mʉ bed̶ea ijãabadaud̶eeba machi chi bakuru jua kauwa tarikuad̶a kĩra nuree.

Juan 15:13

Ẽbẽra ichi kõpaero karibai baita biuruubʉrã, ab̶au bid̶a mau audeara poyaa kʉ̃ria b̶uabai.

Juan 17:20

»Mʉʉba ãchi báitaburu id̶iwẽa b̶uu. Maumaarã maarã chi mʉ bed̶ea jaraaduud̶e ijãaduu baita id̶i b̶uu.

2 Corintios 7:14

Tito machimaa wãi naed̶e mʉʉba machi ʉ̃rʉbena ichimaa biꞌia jarasii. Mʉʉba jarad̶a kĩra Titoba unud̶e wãsiid̶eeba mʉ machi kakua kĩra nejasiawẽa b̶uu. Joma daiba machimaa jaradeaped̶aad̶a biawãra basii. Ara mau kĩra joma daiba Titomaa machi ʉ̃rʉbena biꞌia jaraped̶aad̶a biawãra basii.

Colosenses 1:6

machimare ũrisid̶aud̶e Dachi Akõreba ichi sõbiad̶eeba machi biawãra karibai b̶uu joma kuitaasid̶au. Ara mau kĩra mau ewarid̶eed̶ebena joma druacha ẽbẽrarãba mau bed̶ea ãrea ijãamaa duanuu nejõo bakuru chaubarii kĩra.

1 Juan 3:3

Chi Cristo kĩra b̶uai baita esed̶au b̶uu kachiruaswãe b̶uai baita nu b̶uabarii, Cristo kachiruaswãe nii kĩra.

1 Juan 3:18

Mʉ warrarã, dachi ãbarã kʉ̃riad̶ai panuu. Bed̶ead̶éburu maka waud̶aabai panuu, maumaarã dachiba wau panuud̶eeba biawãra kʉ̃riad̶ai panuu.