Juan 16:27 - Emberá Chamí

²⁷ mʉ Chachaba machi kʉ̃ria b̶uud̶eeba. Ichiba machi kʉ̃ria b̶uu, mʉ kʉ̃ria panuud̶eeba maud̶e mʉ Dachi Akõred̶ebena need̶a ijãa panuud̶eeba.

Juan 16:27 Referans Kwoze

Juan 14:21

Chi mʉ waubi b̶uu bed̶ea ũriped̶a wau b̶uuba mʉ kʉ̃ria b̶uu. Ab̶auba mʉ kʉ̃ria b̶uubʉrã, mʉ Chachaba mau kʉ̃ria b̶uai. Maud̶e mʉa bid̶a mau kʉ̃ria b̶uai maud̶e mʉ ichimaa unubii.

Juan 14:23

Jesusba panausii: —Chi mʉ kʉ̃ria b̶uuba mʉ bed̶ea wau b̶uai. Maud̶e mʉ Chachaba mau kʉ̃ria b̶uai. Maabae dai ichimaa need̶ai ichi baara panad̶ai baita.

Juan 17:23

Mʉ ãchi ome b̶uud̶eeba maud̶e bichi mʉ ome b̶uud̶eeba dachi joma ãbua chi kakua ab̶a nii kĩra panad̶ai. Maka nau iujãad̶e nureeba kuitaad̶ai bichiba mʉ bʉisii maud̶e kuitaad̶ai bichiba ãchi kʉ̃ria b̶uu mʉ kʉ̃ria b̶uu kĩra.

1 Pedro 1:8

Machiba Jesucristo unud̶akamina mau kʉ̃ria panuu. Ʉ̃raud̶aa unud̶awẽa panumina ichid̶e ijãa panuu. Ichi kakua ãrea kĩrajʉʉ panuu. Maka kĩrajʉʉ panuud̶eeba mau kĩrajʉʉ saka b̶uu, poyaa kuitaa jarad̶awẽa panuu.

1 Corintios 16:22

Barikiuba Dachi Mechiu Jesucristo kʉ̃riawẽebʉrã, Dachi Akõreba mau ẽbẽra nebʉra barau ai. ¡Uche, Dachi Mechiu!

Juan 8:42

Jesusba jarasii: —Dachi Akõre machi Akõre basirã, machiba mʉ biawãra kʉ̃riad̶ai basii, Dachi Akõred̶eeba neeped̶a nama b̶uud̶eeba. Mʉ ara michi kʉ̃ria neebasii. Ichiaburu bʉisii.

1 Juan 4:19

Dachiba Dachi Akõre kʉ̃ria panuu ichiba dachi naa kʉ̃riasiid̶eeba.

2 Corintios 5:14

Cristoba dai kʉ̃ria b̶uud̶eeba ichiba kʉ̃ria b̶uu wau panuu. Mau kʉ̃risiad̶aped̶a biawãra kuitaa panuu Ẽbẽra Ab̶a biusii jomaurã kakua. Maud̶eeba Dachi Akõre daad̶e joma biusid̶au.

Juan 16:30

Ʉ̃raburu daiba kuitaaduu bichiba ne joma kuitaa nii. Daiba id̶id̶ai naed̶e bichiba saka panaui kuitaa b̶uu. Maud̶eeba kuitaa panuu bichi Dachi Akõred̶ebena neesii.

Mateo 10:37

Ab̶auba chi akõre maebʉrã chi nawe mʉ audeara ãrea kʉ̃ria b̶uubʉrã, mau mʉ baara poyaa nibaabai. Ab̶aba chi warr maebʉrã chi kau mʉ audeara ãrea kʉ̃ria b̶uubʉrã, mau mʉ baara poyaa nibaabai.

Apocalipsis 3:19

Chi ẽbẽrarã mʉʉba kʉ̃riakua b̶uu kastikakuabarii maud̶e bed̶ea bia ũribiabarii mʉ bed̶ea ijãad̶amera. Maud̶eeba waya mʉʉmaa nésturu biawãra mʉ baara sõd̶eeba nibad̶amera.

Apocalipsis 3:9

¡Ũrísturu! Machi jʉ̃rʉ kaita mʉʉba Satanasd̶e ẽbẽrarã õdarrd̶e kopaneebiai. Maarãba Dachi Akõred̶erã abadamina, makawãema. Maarã chi seta nuree. Mʉʉba maarãmaa kuitaabiai mʉʉba machi kʉ̃ria ua b̶uu.

Efesios 6:24

Mʉʉba kʉ̃ria b̶uu Dachi Akõreba ichi sõbiad̶eeba joma Dachi Mechiu Jesucristo biawãra ãrea kʉ̃ria nuree aid̶a b̶uai. Biꞌia b̶uu maka b̶uai.

Hebreos 12:6

Chi Dachi Mechiuba kʉ̃ria b̶uu ẽbẽrarã iadaabarii. Maud̶e chi ichi warrarã kĩra ua b̶uurãba kachirua wauduud̶e ichiba maarã kĩrabia iadaabarii».

1 Timoteo 1:15

Nau bed̶ea biawãrad̶eeba jomaurãba mau ijãad̶ai panuu: Jesucristo nau druad̶aa neesii kachirua waubadaurã karibai baita. Maarãd̶ebena mʉ chi aude kachirua b̶uasii.

Gálatas 4:4

Maamina Dachi Akõreba jarad̶a ewari neesiid̶e ichi Warr nau iujãad̶aa bʉisii. Mau Warr wẽraba adausii maud̶e Moisesba b̶ʉd̶a waui b̶uasii.

1 Corintios 15:47

Chi nabena ẽbẽra Adán abadau ioro waud̶ad̶eeba, nau iujãad̶ebena basii. Chi mawãarebena ẽbẽra Jesucristo abadau bajãad̶ebenabʉ.

Romanos 8:3

Moisesba b̶ʉd̶aba dachi kachiruad̶ebena poyaa enabiaibasii. Chi nau kakuaba wau kʉ̃ria b̶uud̶eeba nibabadaurãba mau Moisesba b̶ʉd̶a waud̶ai bad̶amaarã kachirua waubadau. Maamina Dachi Akõreba ichi Warr bʉisii dachi chi kachiruarã kĩra b̶uamera. Maud̶e dachiba kachirua wauped̶aad̶a kakua biusii. Maka chi dachi kakua kachirua wauped̶aad̶a Dachi Akõreba kastikasii.

Juan 7:29

Mʉʉba ichi unubarii ichid̶ebena need̶ad̶eeba. Ara ichiba mʉ bʉisii.

Juan 3:13

»Ab̶a bid̶a bajãad̶aa wãkau mau kuitaai baita. Ab̶aburu mʉ́turu, chi Ẽbẽra Ba B̶uad̶aba mau kuitaa b̶uu, bajãad̶ebena need̶ad̶eeba.

Juan 2:11

Mau ẽbẽrarãba ne poyaa waud̶akau naed̶e waud̶a Jesusba Caná puurud̶e Galilea druad̶e wausii. Maud̶ebena ichi chi Mechiu unubisii. Maka ichi baara nibabadaurãba ichi biawãra ijãasid̶au.