Juan 16:22 - Emberá Chamí

²² Ara mau kĩra machi jãabae kĩra nomaa panuu, maamina mʉ waya machi ichiad̶e neei. Maabae machi kĩrajʉʉd̶ai. Ab̶au bid̶a mau kĩrajʉʉ poyaa wãꞌãebiibai.

Juan 16:22 Referans Kwoze

1 Pedro 1:8

Machiba Jesucristo unud̶akamina mau kʉ̃ria panuu. Ʉ̃raud̶aa unud̶awẽa panumina ichid̶e ijãa panuu. Ichi kakua ãrea kĩrajʉʉ panuu. Maka kĩrajʉʉ panuud̶eeba mau kĩrajʉʉ saka b̶uu, poyaa kuitaa jarad̶awẽa panuu.

Hechos 13:52

Maamina chi Jesusd̶e ijãabadaurã Antioquiad̶e panuu ãrea kĩrajʉʉ panasid̶au maud̶e Dachi Akõre Jaurid̶eeba panasid̶au.

Juan 16:6

Maumaarã machi kĩra nomaa panuu mʉ wãaruu asiid̶eeba.

2 Tesalonicenses 2:16

Dachi Akõreba dachi kʉ̃riasii. Ichi sõbiad̶eeba sõbia nureabiasii ewaricha maka panad̶amera. Maud̶e kuitaabiasii biawãra ichid̶eeba ne bia adaud̶ai. Daiba kʉ̃ria panuu Dachi Mechiu Jesucristoba maud̶e Dachi Bajãad̶ebena Akõreba machi sõbiabid̶ayu maud̶e dauchia jãadua panad̶ayu. Maka machiba berrea panuu maud̶e wau panuu joma biꞌia b̶uai.

Hechos 16:25

Ẽsabud̶e ẽsa baaruud̶e Pabloba maud̶e Silasba Dachi Akõremaa ʉtaa id̶i panasid̶au maud̶e ichimaa kari panasid̶au. Mau waabena jʉ̃a duanuurãba ũri panasid̶au.

Hechos 2:46

Ewaricha Dachi Akõre de mechiud̶aa araa ãbua imibachid̶au maud̶e ãbarã decha kĩrajʉʉd̶eeba ãbua kobachid̶au.

Hebreos 10:34

Chi Cristo kakua jʉ̃aped̶aad̶a machiba aid̶asid̶au. Maud̶e machiba ne uru b̶ead̶a kĩrajʉʉ ida juakaa adaubiasid̶au, kuitaa panuud̶eeba mau audeara ne bia wãꞌãekau bajãad̶e uru panuu.

Hebreos 6:18

Dachi Akõreba setaa jarakaud̶eeba ichiba deai jarad̶a biawãra deai maud̶e ichi trʉ̃d̶eeba jarad̶a ãyaa waubai. Mau bed̶ea ome maka jara b̶uud̶eeba Dachi Akõre dachiba jʉrʉbadau dai karibamera maud̶e kʉ̃riamera. Ichiba jarad̶a biawãra waui kuitaa panuud̶eeba dachiba poyaa perad̶awẽa ijãa panad̶ai. Maud̶e chi Jesusd̶eeba adaud̶ai esed̶au panuu ida b̶ud̶aabai.

Hechos 5:41

Ara makʉd̶e Jesusba bʉid̶arã judiorã mechiurãd̶ebena kĩrajʉʉ wãsid̶au. Kuitaa panasid̶au Dachi Akõreba ãchi biꞌia unusii ãchi Jesús trʉ̃d̶eeba biꞌiwãe panabiasid̶aud̶eeba.

Juan 21:7

Aria b̶uasii Jesús baara nibabarii chi “Jesusba ãrea kʉ̃ria b̶uu” abadau. Mauba Pedromaa jarasii: —¡Jãu Dachi Mechiubʉ! Simón Pedroba mauba “Dachi Mechiubʉ” aaruu ũrisiid̶e, ichi paru ʉ̃rʉbena jʉ̃sii, paru jʉ̃wẽa b̶uasiid̶eeba do b̶atai baita. Paru jʉ̃ped̶a doed̶a jĩidrusii.

Juan 14:27

»Mʉʉba machi sõd̶e jirukaraayuwãe duanubiai. Maamina mʉʉba makaabai, chi nau iujãad̶ebenarãba makabadau kĩra. Maud̶eeba ãrea jirukaraarã́sturu. Wapearã́sturu.

Juan 14:1

»Jirukaraa nurearã́sturu. Chi Dachi Akõreba wauruud̶e maud̶e chi mʉʉba wauruud̶e ijã́sturu.

Juan 4:14

Maamina chi mʉʉba dea b̶uu bania dooruubʉrã waa obisiabai. Chi mʉʉba dea b̶uu bania ichid̶e ewaricha che b̶uu maud̶e mau ẽbẽra Dachi Akõre ome ewaricha chokae b̶uai.

Lucas 24:41

Maamina kĩrajʉʉba ãchiba wabid̶a poyaa ijãad̶aabasii. Ãchi pera duanuu kĩra duaneesii. Maud̶eeba Jesusba ãchimaa id̶isii: —¿Machiba chiko kod̶ai baita uru panuka?

Lucas 16:25

Maamina Abrahamba panausii: “Mʉʉba poyaa bʉibai. Warr, kĩrabase bichi chokae b̶uasiid̶e biꞌia b̶uabachii, maumaarã Lázaro miichuburi b̶uasii. Id̶i Lázaro b̶ari kʉrrjĩru b̶uu, maud̶e bichi ãrea biꞌiwãe b̶uu.

Lucas 10:42

Maamina ¿Dachi Akõre bed̶ea ũrii bia b̶uuwãeka? Mau Mariaba wau b̶uu. Ab̶au bid̶a mau wau b̶uu waurã́ba ad̶aabai.

Mateo 28:8

Ara makʉd̶e wẽrarã Jesús jau b̶uped̶aad̶a chob̶ead̶ebena pira wãsid̶au. Wapea panumina ãrea kĩrajʉʉ pira wãsid̶au. Jesús baara nibabadaurãmaa jarad̶e wãaduud̶e Jesús neeped̶a —¡Ãjãa! asii. Maabae wẽrarã ichimaa need̶aped̶a jʉ̃rʉmaa bʉrʉd̶aped̶a ichimaa biꞌia berreasid̶au.

Juan 16:20

Mʉʉba biawãra jaraaruu: nau iujãad̶ebenarã kĩrajʉʉduumisa, machi kĩra nomaaba jẽad̶ai. Machi kĩra nomaaba panad̶ai, maamina mau kĩra nomaa wãꞌãed̶akare kĩrajʉʉd̶ai.

Lucas 19:26

Chi jaradea ua b̶uabariiba jarasii: “Mʉʉba jaraaruu: Ab̶auba biawãra kuitaaruubʉrã, Dachi Akõreba aude kuitaabii. Maamina chi adua niiba ne kuitaa b̶uu kʉ̃risiaruubʉrã ichiba kʉ̃risia b̶uu Dachi Akõreba mau juakaa adaui”.

Juan 16:16

»Kãꞌãabariwãed̶e machiba mʉ makaa unud̶aabai, maamina nau maad̶akare waya kãꞌãabariwãed̶e mʉ unud̶ai.

Juan 14:19

Kãꞌãabariwãed̶e ẽbẽrarã nau iujãad̶ebenarãba mʉ waa unud̶aabai maamina machiba mʉ unud̶ai. Mʉʉba chokae b̶uai uru b̶uud̶eeba, machia bid̶a chokae b̶uai uru nuread̶ai.

2 Corintios 6:10

Dai kĩra nomaabadamina ewaricha kĩrajʉʉ panuu. Dai chi nejarra barauwãe panuu. Maamina daiba ẽbẽrarã ãreamaa Dachi Akõre ʉ̃rʉbena kuitaabiabadau ãchi barau nuree kĩra nuread̶amera. Dai chi nejarr barauwãe nuremina Dachi Akõred̶eeba joma uru panuu.