Juan 16:13 - Emberá Chamí

¹³ Maamina Dachi Akõre Jauriba biawãra bed̶ea kuitaabiabariid̶eeba ichi neeruud̶e machimaa jaradeai chi biawãra bed̶ea Dachi Akõred̶eeba nee b̶uu joma kuitaad̶amera. Ara ichi kʉ̃risiad̶eeba berreabai, maumaarã joma mʉʉd̶ebena ũriiruu jarai. Ichiba machimaa kuitaabiai chi neei ewarid̶e kãare sakai.

Juan 16:13 Referans Kwoze

Juan 14:26

Maamina mʉ Chacha mʉ trʉ̃d̶eeba ichi Jauri bʉi machi Aid̶abarii b̶uamera. Dachi Akõre Jauriba ne joma machimaa jaradeai. Ichiba mʉʉba jarad̶a machimaa joma kĩrababiai.

Juan 14:17

Ichi Dachi Akõre Jauribʉ. Ichiba Dachi Akõre biawãra kuitaabiabarii. Nau iujãad̶ebenarãba ichi poyaa adaud̶aabai, unud̶akaud̶eeba maud̶e adua panuud̶eeba. Maud̶e machiaburu ichi kuitaa panuu, machi baara b̶uud̶eeba maud̶e machi sõd̶e b̶uud̶eeba.

Juan 15:26

»Dachi Akõre Jauri, chi machi Aid̶abarii neei. Mauba biawãra bed̶ea jarabarii. Mʉʉba mau mʉ Chacha b̶uabariimarebena bʉisiid̶e mauba mʉ ʉ̃rʉbena machimaa berreai.

1 Juan 2:27

Maamina machiba Dachi Akõre Jauri Cristoba dead̶a uru panuu. Maud̶eeba jʉrʉd̶aabai panuu waabenarãmaa machi jaradeabiayua. Dachi Akõre Jauriba machimaa ne joma jaradea b̶uu. Ichiba jaradea b̶uu setawãe, maumaarã biawãrabʉ. Maud̶eeba Cristo ome ãbua panásturu Dachi Akõre Jauriba machimaa jaradead̶a kĩra.

1 Juan 2:20

Maumaarã machiba Dachi Akõre Jauri Cristoba dead̶a uru panuu. Ichid̶eeba joma chi biawãra bed̶ea kuitaa panuu.

Juan 12:49

Mʉ ara michid̶eeba berreakau. Mʉ Chacha, chi mʉ bʉid̶aba mʉʉmaa jarasii kãare jarai b̶uu maud̶e saka mau bed̶ea jarai b̶uu sid̶a.

1 Juan 4:6

Maamina Dachi Akõred̶ebʉ. Chi Dachi Akõre unu b̶uuba dachiba jaradea panuu ijãabarii. Chi Dachi Akõre unukauba dachiba jaradea panuu ijãakau. Maud̶eeba dachiba kuitaa panuu kaiba Dachi Akõre Jaurid̶eeba biawãra bed̶ea jaradea b̶uu maud̶e kaiba setad̶ebena jaurid̶eeba setaa jaradea b̶uu.

Juan 14:6

Maud̶e Jesusba jarasii: —Mau o mʉʉbʉ. Mʉʉd̶eeba Dachi Akõre biawãra unu panuu maud̶e chokae b̶uai uru panuu. Mʉwãebʉrã ab̶a bid̶a mʉ Chachamaa poyaa neebai.

Apocalipsis 1:19

Bichiba unu b̶uu karta ab̶ad̶e b̶ʉse. Id̶ibae makamaa b̶uu ʉ̃rʉbena maud̶e chi kaad̶ebena ewarid̶e makai ʉ̃rʉbena b̶ʉse.

Juan 8:38

Mʉʉba jara b̶uu joma mʉ Chachaba mʉʉmaa jaradead̶a. Maud̶e machiba machi akõreba ũribiaped̶aad̶a ijãa panuu.

2 Tesalonicenses 2:3

Ab̶au bid̶a ab̶aumaa ida setaa kũruarã́sturu. Dachi Mechiuba kastikai ewari neei naed̶e ãrea ẽbẽrarãba Dachi Akõre ida b̶ud̶ai. Maud̶e chi ẽbẽra kachirua nii unubiai. Mau ẽbẽra Dachi Akõreba tʉbʉ aokod̶e jiratai.

Apocalipsis 1:1

Mʉ Jesucristo baita bari trajabarii Juanbʉ. Nau kartad̶e b̶ʉ b̶uu Jesucristoba bajãad̶ebena mʉʉmaa unubid̶a. Mau Dachi Akõreba Jesucristomaa unubisii ichid̶e ijãa nureerãmaa unubiamera kãꞌãabariwãed̶e kãare sãai b̶uu. Jesucristoba ángel mʉʉmaa bʉisii mau unubimera.

2 Tesalonicenses 2:12

Mau ẽbẽrarã chi bed̶ea biawãra ijãawẽa nureerãba kachirua kʉ̃ria waubadaud̶eeba Dachi Akõreba kastikai.

Hechos 27:24

Mauba mʉʉmaa jarasii: “Wapearã́se, Pablo. Bichi Romad̶ebena chi aude mechiu daad̶e berreai b̶uu. Bichi kakua, Dachi Akõreba joma nau jãbad̶e wãaduu ida kinibiabai”.

Hechos 20:23

Ab̶aburu kuitaa b̶uu Dachi Akõre Jauriba mʉʉmaa kuitaabi b̶uu puurucha mʉ ãrea biꞌiwãe b̶uai maud̶e jʉ̃a b̶uai.

Juan 3:32

Ichiaburu berrea b̶uu bajãad̶e unud̶a ʉ̃rʉbena maud̶e ũrid̶a ʉ̃rʉbena. Maamina ichiba berrea b̶uu ab̶au bid̶a ijãad̶akau.

Hechos 11:28

Ab̶a Agabo abadau ʉkʉ nub̶eeped̶a Dachi Akõre Jaurid̶eeba jarasii joma nau druad̶e jarrba waud̶ai neei. Mau jarrba biawãra neesii Claudio Romad̶ebena chi aude mechiu basiid̶e.

Juan 16:12

»Mʉʉba wabid̶a ne ãrea machimaa jara kʉ̃ria b̶uu. Mau machiba anakʉd̶e joma poyaa kauwa ũrid̶aabai.

Hebreos 1:1

Nabẽraed̶e Dachi Akõreba dachi nabẽrarãmaa b̶es ãrea bed̶ea ne jomad̶e berreabachii. Ichi baita berreabadaurãd̶eeba maka berreabachii.

1 Juan 5:6

Mau ara ichi Jesucristo, chi nau iujãad̶aa neeped̶a baniad̶e boro eabid̶a maud̶e ichi oa cruzd̶e ched̶abʉ. Nau iujãad̶aa neeped̶a baniad̶éburu boro eabasii, maumaarã ichi oa sid̶a cruzd̶e chesii. Dachi Akõre Jauriba kuitaabia b̶uu mau biawãra, ichiba chi biawãra bed̶ea kuitaabiabariid̶eeba.