Juan 15:22 - Emberá Chamí

²² »Mʉʉba ãchimaa jarad̶e need̶awãe basirã ãchi kachirua wauped̶aad̶a kakua nebʉrad̶e nuread̶aabai basii. Maamina mʉ bed̶ea ũrisid̶aud̶eeba, ãchiba kachirua wau panuu kakua mau adua panasii ad̶ai.

Juan 15:22 Referans Kwoze

Juan 9:41

Jesusba panausii: —Machi biawãra dau pãriu nuread̶a basirã, kachirua waubadau kakua nebʉrad̶e panad̶aabai basii. Maamina machiba unu panuu a panuud̶eeba nebʉrad̶e panuu.

Santiago 4:17

Chi biꞌia waui kuitaa b̶uuba maka wauwẽebʉrã, kachirua wau b̶uu.

Hechos 17:30

Ẽbẽrarãba chi Dachi Akõre naed̶e adua panad̶a, ichiba mau ida b̶usii. Maamina id̶ibae jara b̶uu joma druachad̶ebenarãba kachirua ida b̶ud̶aped̶a ichid̶e ijãad̶amera.

Romanos 1:20

Nau iujãa wausiid̶eed̶ebena, maarãba chi ichiba waud̶a unu panuud̶eeba kuitaa panuu ichi ewaricha ne joma poyaa waubarii maud̶e ichi Dachi Akõre. Mau joma waud̶a unu panuud̶eeba ẽbẽrarã chi Dachi Akõre ʉ̃rʉbena unud̶akau mau biꞌia unubadau. Maud̶eeba kachirua waubadaurãba adua panuu poyaa jarad̶aabai panuu.

Juan 12:48

Maamina chi mʉ ida b̶uu b̶uuba, mʉ bed̶ea ũri kʉ̃riawẽeba, mau Dachi Akõréburu kastikai. Kaad̶ebena ewarid̶e Dachi Akõreba kuitaabii mau mʉʉba jarad̶a bed̶ea ijãabasiid̶eeba.

1 Pedro 2:16

Machi jʉ̃ uru panad̶a kĩra b̶uud̶ebena Cristoba machi enakoasiid̶eeba, mau kĩra nibásturu. Maamina maka b̶usiid̶eeba kʉ̃risiarã́sturu kachirua waud̶ai panuu. Maumaarã Dachi Akõre baita bari trajabadaurã panásturu.

Romanos 2:1

Maka b̶uud̶e ab̶auba kʉ̃risiabai b̶uu Dachi Akõre daad̶e nebʉraswãe nii. Chi aude jipa wau b̶uu a b̶uuba maka kʉ̃risiabai b̶uu. Ab̶auba kachirua wau b̶uu a jaraaruud̶e ara ichi ʉ̃rʉbena jara b̶uu, ichia bid̶a ara mau kĩra waubariid̶eeba.

Lucas 12:46

Ab̶aed̶e ichi chibari neei kʉ̃risiaswãe b̶uud̶e ara makʉd̶e neei. Mau chibari baita bari trajabarii ãrea kastikaped̶a chi ijãad̶akau nuree ome biꞌiwãe b̶ui.

Juan 19:11

Maud̶e Jesusba panausii: —Dachi Akõreba bichi chi Romad̶ebena karr b̶ud̶awãe basirã bichiba mʉ ab̶a bid̶a maka waubai basii. Mauburu chi mʉ bichi juad̶e dead̶aba bichi audeara kachirua aude wausii.

Juan 15:23

Ab̶auba mʉ kĩramaa b̶uubʉrã mʉ Chacha sid̶a kĩramaa b̶uu.

Juan 15:24

Mʉʉba ãchi daad̶e ẽbẽrarãba ne poyaa waud̶akau waud̶awãe basirã, ãchiba kachirua wauped̶aad̶a kakua nebʉrad̶e nuread̶aabai basii. Maamina mʉʉba waud̶a ãchiba unusid̶amina mʉ, mʉ Chacha sid̶a kĩramaa panuu.

Juan 16:9

Dachi Akõre Jauriba ãchimaa kuitaabiai mʉ bed̶ea ijãad̶akaud̶eeba kachirua waubadau.