Juan 15:18 - Emberá Chamí

¹⁸ »Nau iujãad̶ebenarãba machi kĩramaa panuubʉrã, kuitásturu maarãba naa mʉ kĩramaasid̶au.

Juan 15:18 Referans Kwoze

1 Juan 3:13

Ãbarã, nau iujãad̶ebenarãba machi kĩramaaduubʉrã, ãrea kĩra nomaarã́sturu.

Juan 7:7

Nau iujãad̶ebenarãba machi ¿sakãe kĩramaad̶aima? Maamina mʉ kĩramaabadau, ãchiba kachirua waubadau mʉʉba arakʉd̶e jarabariid̶eeba.

Juan 3:20

Joma chi kachirua waubadaurãba ʉ̃d̶aa kʉ̃riad̶akau. Ʉ̃d̶aad̶aa need̶akau ãchiba kachirua wau panuu kuitaarãad̶amera.

Marcos 13:13

Mʉʉd̶e ijãa panuu kakua jomaurãba machi kĩramaad̶ai. Maamina chi kaad̶earebena ewarid̶aa dauchia jãadua mʉʉd̶e ijãa panuubʉrã, Dachi Akõreba mau karibai ichi baara chokae nuread̶amera.

Lucas 6:22

»Biꞌia panuu ẽbẽraba mʉ, chi Ẽbẽra Ba B̶uad̶a kakua machi kĩramaaduud̶e, ida b̶uuduud̶e, kachirua jaraaduud̶e maud̶e machi sõ kachirua panuu aaduud̶e.

Mateo 10:22

Mʉʉd̶e ijãa panuu kakua jomaurãba machi kĩramaad̶ai. Maamina chi kaad̶earebena ewarid̶aa dauchia jãadua mʉʉd̶e ijãa panuubʉrã, Dachi Akõreba mau karibai ichi baara chokae nuread̶amera.

1 Juan 3:1

Ichiásturu saka Dachi Akõreba dachi ãrea kʉ̃ria b̶uu. Ichiba ãrea kʉ̃ria b̶uud̶eeba dachi ichi warrarã abarii. Biawãra dachi ichi warrarãbʉ. Nau iujãad̶ebenarãba mau adua panuu, ichi unud̶akaud̶eeba.

Mateo 5:11

Machi mʉ kakua ẽbẽrarãba kachirua jaraaduubʉrã, kachirua wauduubʉrã maud̶e machi ʉ̃rʉbena setaa barikiu kachirua jaraaruud̶e, biꞌia panuu.

Santiago 4:4

Junebena wẽra ome kãiduu kĩra machiba Dachi Akõre ida b̶uu panuu nau iujãad̶ebenarãba waubadau kĩra waud̶ai baita. ¿Machiba wabid̶a adua panuka chi nau iujãad̶ebena kʉ̃ria b̶uu Dachi Akõre ome chi kĩramaa? Biawãra barikiuba nau iujãad̶ebena kʉ̃ria b̶uubʉrã, Dachi Akõre ome chi kĩramaa b̶eei.

Hebreos 12:2

Jesusd̶e kʉ̃risiáduru. Mauba karibasii dachiba naed̶e ijãad̶amera maud̶e aid̶abarii ewaricha ijãa panad̶amera. Kʉ̃risiásturu saka ichi cruzd̶e ãrea biꞌiwãe b̶uasii. Mau kakua kĩra nejasia b̶uai bad̶ad̶e kĩra nejasiabasii. Ichiba kuitaasii nau maad̶akare ãrea kĩrajʉʉ b̶uai. Biawãra Dachi Akõre rey ãkau jua biare akʉ b̶uu.

1 Juan 3:3

Chi Cristo kĩra b̶uai baita esed̶au b̶uu kachiruaswãe b̶uai baita nu b̶uabarii, Cristo kachiruaswãe nii kĩra.

Mateo 24:9

»Mau ewarid̶e ẽbẽrarãba machi jidau dead̶ai, kachirua waud̶aped̶a bead̶amera. Mʉʉd̶e ijãa panuu kakua jomaurãba machi kĩramaad̶ai.

Juan 16:1

»Mʉʉba joma mau machimaa jara b̶uu mʉʉd̶e ijãa panuu ida b̶urãad̶amera.

Juan 16:33

Joma mau mʉʉba machimaa jarasii mʉʉd̶eeba jirukaraayuwãe nuread̶amera. Nau iujãad̶e ãrea biꞌiwãe nuread̶ai, maamina wapearã́sturu: nau iujãad̶ebena kachiruarã mʉʉba poyaasii.

Hechos 14:22

Puurucha ãbarã aid̶abachid̶au Jesusd̶e biꞌia ijãad̶amera. Ãchiba Jesusd̶e ijãa panuu ida b̶urãad̶amera naka jarabachid̶au: «Ãrea biꞌiwãe panad̶ai panuu, Dachi Akõre juad̶e panad̶ai baita, ichid̶irã baara».