Juan 15:10 - Emberá Chamí

¹⁰ Mʉʉba waubi b̶uu bed̶ea ijãaduubʉrã, chi mʉʉba kʉ̃ria ua b̶uuba nuread̶ai. Ara mau kĩra mʉ Chachaba waubi b̶uu bed̶ea ijãabariid̶eeba chi ichiba kʉ̃ria ua b̶uuba nuread̶ai.

Juan 15:10 Referans Kwoze

Juan 14:15

»Machiba mʉ biawãra kʉ̃ria panuubʉrã, mʉ waubi b̶uu bed̶ea ijãa panad̶ai.

1 Juan 5:3

Dachi Akõre biawãra kʉ̃ria panuubʉrã, ichiba waubi b̶uu bed̶ea joma waud̶ai. Ichiba waubi b̶uu bed̶ea chaareawẽa b̶uu.

1 Juan 2:5

Maamina chi Dachi Akõre bed̶ea wau b̶uuba Dachi Akõre biawãra kʉ̃ria b̶uu. Chi Dachi Akõre ome b̶uu a b̶uu Jesucristo nibad̶a kĩra nibai b̶uu. Dachi maka nibaaduubʉrã, kuitaa panuu biawãra ichi ome panuu.

2 Pedro 2:21

Maud̶eeba Dachi Akõre bed̶ea kuitaaped̶aad̶a ida b̶ud̶ai bad̶amaarã, bibuara b̶uu Dachi Akõreba jipa wau b̶uu kuitaad̶aabai.

Juan 8:29

Chi mʉ bʉid̶a mʉ baara b̶uu. Chachaba mʉ istu b̶ukau, mʉʉba wau b̶uabariid̶eeba ichiba kʉ̃ria b̶uu kĩra.

Juan 4:34

Maud̶eeba Jesusba jarakuasii: —Mʉ bʉid̶aba waubi b̶uu joma wau b̶uu, mau mʉ chiko kĩra b̶uu.

1 Tesalonicenses 4:1

Mau awara ãbarã, daiba machimaa jaradeasid̶au saka Dachi Akõre daad̶e nibad̶ai panuu ichiba biꞌia unumera. Dachi Mechiu Jesús trʉ̃d̶e daiba machimaa chi chuburia id̶i panuu, ara mau kĩra nibad̶amera. Biawãra machiba maka waumaa panuu, maamina biꞌia wáusturu.

Juan 17:4

Bichiba mʉʉmaa nau iujãad̶e waubid̶a mʉʉba joma wausii. Maka kuitaabisii bichi chi mechiu nii.

Juan 14:31

Maka mʉ Chachaba waubi b̶uu mʉʉba waui. Maka nau iujãad̶ebenarãba kuitaad̶ai mʉʉba mʉ Chacha ãrea kʉ̃ria b̶uu. »Jiradústuru. Wãuríduru.

Juan 12:49

Mʉ ara michid̶eeba berreakau. Mʉ Chacha, chi mʉ bʉid̶aba mʉʉmaa jarasii kãare jarai b̶uu maud̶e saka mau bed̶ea jarai b̶uu sid̶a.

Apocalipsis 22:14

»Ãrea biꞌia duanuu chi paru tõd̶aped̶a jʉ̃ duanuu. Maarã puurud̶e ed̶a wãd̶ai panuu chi jõo ewaricha chokae b̶uai deabarii kod̶ai baita.

Juan 14:21

Chi mʉ waubi b̶uu bed̶ea ũriped̶a wau b̶uuba mʉ kʉ̃ria b̶uu. Ab̶auba mʉ kʉ̃ria b̶uubʉrã, mʉ Chachaba mau kʉ̃ria b̶uai. Maud̶e mʉa bid̶a mau kʉ̃ria b̶uai maud̶e mʉ ichimaa unubii.

1 Corintios 7:19

Mukĩra chi kakua tõo b̶uai aude bibuara b̶uwãema maud̶e mukĩra chi kakua tõowẽa b̶uai sid̶a aude bibuara b̶uwãema. Dachi Akõreba waubi b̶uu bed̶ea wau b̶uai aude bibuara b̶uu.

Hebreos 7:26

Dachi Paare Mechiu Jesusba ne jomad̶e dachi poyaa aid̶ai. Kachirua waukau, ne jomad̶e jipa nii. Dachi Akõreba mau biꞌia unu b̶uu. Kachirua waubadaurã tãed̶ebena awara b̶uped̶a bajãad̶e chi mechiu b̶usii.

Juan 8:55

Maamina ichi unud̶akau. Maud̶e mʉʉba ichi unubarii. Ichi unukau ad̶a basirã mʉ machi kĩra seta id̶aa nibai basii. Maamina mʉʉba ichi kuitaa b̶uud̶eeba ichi bed̶ea wau b̶uu.

Juan 10:18

Mʉʉba mʉ ida beabiwẽebʉrã ab̶au bid̶a mʉ poyaa bead̶aabai, maamina mʉ biui mʉʉba maka kʉ̃ria b̶uud̶eeba. Mʉ biuped̶a poyaa chokae jiradui. Mʉ Chachaba mʉʉmaa maka waubisii».

Juan 14:23

Jesusba panausii: —Chi mʉ kʉ̃ria b̶uuba mʉ bed̶ea wau b̶uai. Maud̶e mʉ Chachaba mau kʉ̃ria b̶uai. Maabae dai ichimaa need̶ai ichi baara panad̶ai baita.

1 Juan 2:3

Dachi Akõreba waubi b̶uu bed̶ea dachiba mau wau panuubʉrã, unubiad̶ai panuu ichi biawãra unu panuu.