Juan 14:28 - Emberá Chamí

²⁸ Mʉʉba machimaa jarasii mʉ wãaruu maud̶e waya machi baara b̶uad̶e neei. Machiba mʉ biawãra kʉ̃ria panasirã kĩrajʉʉd̶ai basii mʉ Chachamaa wãaruu kakua. Ichi mʉ audeara chi mechiu niid̶eeba mʉ waya b̶ui mʉ naed̶e b̶uad̶amaa.

Juan 14:28 Referans Kwoze

Juan 14:18

»Mʉʉba machi jẽramara kĩra b̶ʉiwẽe. Mʉ waya machimaa neei.

Juan 20:21

Maabae Jesusba waya ãchimaa jarasii: —Jirukaraayuwãe duanásturu. Mʉ Chachaba mʉ nau iujãad̶aa bʉid̶a kĩra mʉa bid̶a machi nau iujãad̶aa bʉikaaruu.

Juan 20:17

Jesusba jarasii: —Mʉ jidaurã́se mʉ wabid̶a Chachamaa wãwẽa b̶uud̶eeba. Jãabae mʉ ãbarãmaa wãped̶a jarase mʉ Chachamaa wãaruu. Mau machi Akõrebʉ. Mau mʉ Dachi Akõrebʉ maud̶e machi Dachi Akõrebʉ.

Juan 13:16

Mʉʉba biawãra jaraaruu: Chi chibari baita bari trajabarii ab̶a bid̶a ichi chibari audeara mechiu niiwãe. Chi ichi bʉid̶a chi bʉid̶a audeara mechiu niiwãe. Bari trajabariiba waubarii kĩra mʉʉba waubariid̶eeba, machia bid̶a ara mau kĩra waud̶ai panuu.

1 Pedro 1:8

Machiba Jesucristo unud̶akamina mau kʉ̃ria panuu. Ʉ̃raud̶aa unud̶awẽa panumina ichid̶e ijãa panuu. Ichi kakua ãrea kĩrajʉʉ panuu. Maka kĩrajʉʉ panuud̶eeba mau kĩrajʉʉ saka b̶uu, poyaa kuitaa jarad̶awẽa panuu.

1 Corintios 11:3

Maamina mʉʉba kʉ̃ria b̶uu machiba kuitaad̶ai Cristo, joma mukĩra chibaribʉ; mukĩra, wẽra chibaribʉ; maud̶e Dachi Akõre, Cristo chibaribʉ.

Juan 16:7

Mʉʉba biawãra jaraaruu: machi baita biꞌia b̶uu mʉ wãi. Mʉ wãwẽebʉrã machi Aid̶abarii neebai. Maamina mʉ wãaruubʉrã chi mau machimaa bʉii.

Juan 14:12

Mʉʉba biawãra jaraaruu: barikiuba mʉʉd̶e ijãa b̶uubʉrã, mʉʉba wau b̶uu ichiba waui. Biawãra mʉʉba wau b̶uu audeara ichiba waui, mʉ, mʉ Chachamaa b̶uad̶e wãid̶eeba.

Juan 10:38

Maamina ichiba wau b̶uu mʉʉba wau b̶uubʉrã, mʉʉba jara b̶uu kakua machiba ijãad̶awẽa panumina mʉʉba wau b̶uu kakua ijã́sturu. Maka machiba biawãra kuitaad̶ai mʉ Chacha mʉ ome nii maud̶e mʉ, mʉ Chacha ome nii.

Juan 5:18

Maud̶eeba judiorã mechiurãba ichi aude bead̶ai kʉ̃ria paneesid̶au. Ichiba bari panabadau ewarid̶e ẽbẽrarãba ne poyaa waud̶akau waud̶a kʉ̃riad̶aabasii. Mau awara mʉ Chacha ad̶a kakua aude kʉ̃riad̶aabasii, ara ichi Dachi Akõre asiid̶eeba.

Mateo 12:18

Naka jarasii: Nau mʉʉba jʉrʉ adaud̶a, chi mʉ baita bari trajabariibʉ. Mʉʉba ichi kʉ̃ria b̶uu. Ichi kakua mʉ biawãra kĩrajʉʉ b̶uu. Mʉ Jauri ichimaa deai. Ichiba puuru b̶eecha mʉʉba jipa waui ʉ̃rʉbena jarai.

Apocalipsis 1:11

Mauba jarasii: «Bichiba unuuruu kartad̶e b̶ʉped̶a ãbarã 7 puuru b̶eed̶e duanuurãmaa urubʉise: Efesod̶aa, Esmirnad̶aa, Pergamod̶aa, Tiatirad̶aa, Sardisd̶aa, Filadelfiad̶aa maud̶e Laodicead̶aa».

Juan 7:33

Maka panuud̶e Jesusba ẽbẽrarãmaa jarasii: —Mʉ machi ome ãrea b̶uawẽe. Jãad̶akare mʉ waya wãi chi mʉ bʉid̶a b̶uabariimaa.