Juan 14:13 - Emberá Chamí

¹³ Maka machiba mʉʉd̶e ijãa panuud̶eeba mʉ trʉ̃d̶eeba id̶iiduu mʉʉba joma waui. Maka mʉʉd̶eeba jomaurãba mʉ Chacha jomaurã audeara mechiu nii unud̶ai.

Juan 14:13 Referans Kwoze

Juan 15:7

»Machi mʉ baara nureebʉrã, mʉ bed̶ea ijãa paneeduubʉrã, id̶ísturu joma machiba kʉ̃riaduu. Mau mʉʉba deai.

Marcos 11:24

Maud̶eeba mʉʉba machimaa jaraaruu: joma machiba Dachi Akõremaa ʉtaa id̶iiduu biawãra adaud̶ai ijãaduubʉrã, mau adaud̶ai.

Mateo 21:22

Joma machiba Dachi Akõremaa ʉtaa id̶iiduu biawãra adaud̶ai ijãaduubʉrã, mau adaud̶ai.

Mateo 7:7

»Machiba wãꞌãe panuu Dachi Akõremaa ʉtaa id̶i panásturu; maabae ichiba machimaa deai. Jʉrʉ panásturu; ichiba unubiai. De poraad̶e iústuru; maud̶e chi poraa ewabarii kĩra, maka ichiba deai.

1 Juan 5:14

Dachi Akõreba kʉ̃ria b̶uu kĩra dachiba ʉtaa id̶iiduubʉrã, kuitaa panuu ichiba ũribarii. Maud̶eeba ne wapeawẽa ichimaa ʉtaa id̶id̶ai panuu.

Juan 16:23

Mau ewarid̶e machi ab̶au bid̶a mʉʉmaa waa id̶id̶aabai. Mʉʉba biawãra jaraaruu: machiba mʉ Chachamaa mʉ trʉ̃d̶eeba id̶iiduu ichiba deai.

1 Juan 3:22

Maud̶e dachiba ʉtaa id̶iiduu ichiba deai, Dachi Akõreba waubi b̶uu bed̶ea maud̶e chi ichiba kʉ̃ria b̶uu wau panuud̶eeba.

Juan 15:16

Machiba mʉ jʉrʉ adaud̶aabasii. Mʉaburu machi jʉrʉ adausii. Bakuru jõ b̶eraakau chaubarii kĩra, mʉʉba machi b̶usii wãd̶aped̶a biꞌia waud̶amera. Mʉʉba machi jʉrʉ adausiid̶eeba machiba mʉ Chachamaa mʉ trʉ̃d̶eeba id̶iiduu ichiba deai.

Juan 14:14

Biawãra machiba mʉʉd̶e ijãa panuud̶eeba joma mʉ trʉ̃d̶eeba id̶iiduu mʉʉba waui.

Santiago 5:16

Mau baita machiba kachirua wauped̶aad̶a chiya jarásturu. Maud̶e ãbua Dachi Akõremaa ʉtaa id̶ísturu biꞌia duanad̶ai baita. Ẽbẽra jipa b̶uuba Dachi Akõremaa ʉtaa id̶iiruubʉrã Dachi Akõre poyaabariid̶eeba ne aribia waubarii.

Filipenses 4:13

Cristod̶eeba joma poyaa waui, ichiba mʉʉmaa meserãa b̶uabiiruud̶eeba.

Santiago 1:5

Machid̶ebena ab̶aba kʉ̃risia kuitaawẽa niibʉrã, Dachi Akõremaa ʉtaa id̶ii b̶uu. Maabae Dachi Akõreba deai. Ichimaa ʉtaa id̶iiduubʉrã iadaawẽa sõbiad̶eeba jomaurãmaa deabarii.

Efesios 3:12

Dachiba ara mau Jesucristod̶e ijãa panuud̶eeba maud̶e ichi ome ãbua panuud̶eeba Dachi Akõremaa wapeawẽa ʉtaa id̶id̶ai panuu.

Juan 16:26

Mau ewarid̶e machiba mʉ trʉ̃d̶eeba Dachi Akõremaa id̶id̶ai. Mʉ machi baita Dachi Akõremaa ne id̶iibai,

Juan 10:30

Mʉ, mʉ Chacha ome arab̶au nid̶au.

Efesios 2:18

Cristod̶eeba dachi omeeba arab̶au Bajãad̶ebena Akõremaa poyaa ara kaita need̶ai, ichi arab̶au Jaurid̶eeba.

Colosenses 3:17

Machi berreaduud̶e maud̶e ne wauduud̶e joma wáusturu Dachi Mechiu Jesusba kʉ̃ria b̶uu kĩra. Ichid̶eeba Dachi Bajãad̶ebena Akõremaa ichíturu kid̶ibai ásturu.

Juan 7:37

Mau bari panabadau ewari wau panuu chi kaad̶ebena ewari mechiu b̶uasii. Jesús kaad̶ebena ewarid̶e b̶ari nub̶eeped̶a mimi jĩwa jarasii: —Barikia ẽbẽra obisia b̶uubʉrã mʉʉmaa neese, maabae bania chokae nibabiabarii dose.

Hebreos 7:25

Maud̶eeba chi ichid̶eeba Dachi Akõremaa needuu joma poyaa karibai ewaricha chokae nuread̶amera. Biukaud̶eeba ewaricha dachi baita Dachi Akõremaa chi chuburia id̶ibarii.

Juan 14:6

Maud̶e Jesusba jarasii: —Mau o mʉʉbʉ. Mʉʉd̶eeba Dachi Akõre biawãra unu panuu maud̶e chokae b̶uai uru panuu. Mʉwãebʉrã ab̶a bid̶a mʉ Chachamaa poyaa neebai.

Juan 12:44

Maabae Jesusba jĩwa jarasii: «Chi mʉʉd̶e ijãa b̶uuba mʉ bʉid̶a sid̶a ijãa b̶uu.

Lucas 11:9

»Mʉʉba jaraaruu: Ara mau kĩra Dachi Akõremaa ʉtaa id̶i panásturu; maabae ichiba machimaa deai. Jʉrʉ panásturu; ichiba unubiai. De poraad̶e iústuru; maud̶e chi poraa ewabarii kĩra, maka ichiba deai.

1 Pedro 2:5

Machi ichid̶ebena chokae nureed̶eeba, de waui baitabena mo kĩra nureebʉ. Machid̶ebena Dachi Akõreba ichi de wauruu. Maud̶e ichi baita machi paarerã babiaruu. Machiba Jesucristod̶ebena Dachi Akõre baita ne wau panuud̶e ichimaa ãnimara baa deaduu kĩra wau panuu. Maka wau panuu ichiba biꞌia unu b̶uu.

Juan 5:19

Maabae Jesusba ãchimaa jarasii: «Mʉʉba biawãra jaraaruu: mʉ, Dachi Akõre Warrba ara mʉ du ab̶auba poyaa waubai. Maamina mʉʉba unu b̶uu mʉ Chachaba wau b̶uu. Joma mʉ Chachaba wau b̶uu mʉa bid̶a wau b̶uu.

Hebreos 13:15

Maud̶eeba Jesucristod̶eeba dachiba, chi Dachi Akõred̶e ijãa panuu a panuuba, ewaricha ichimaa biꞌia berread̶ai panuu, ãnimara baa deaduu kĩra.

Hebreos 4:15

Jesús dachi Paare Mechiuba kuitaa b̶uu dachi meserãaswãe nuree. Jʉbawãe niiba mau kachiruad̶e b̶aebii chaa b̶uasii dachi kachiruad̶e b̶aebii chaa b̶uabarii kĩra. Makasmina Jesusba kachirua waubasii.

Efesios 3:14

Maud̶eeba mʉ dachi Bajãad̶ebena Akõre daad̶e õdarrd̶e kob̶eebarii.

Juan 4:14

Maamina chi mʉʉba dea b̶uu bania dooruubʉrã waa obisiabai. Chi mʉʉba dea b̶uu bania ichid̶e ewaricha che b̶uu maud̶e mau ẽbẽra Dachi Akõre ome ewaricha chokae b̶uai.

Juan 4:10

Jesusba panausii: —Dachi Akõreba dea b̶uu bichiba kuitaaibʉrã maud̶e cha bania id̶i b̶uu kai kuitaaibʉrã, bichiba mʉʉmaa bania id̶ii basii. Maabae mʉʉba bania chokae b̶uabibarii deai basii.

Juan 16:7

Mʉʉba biawãra jaraaruu: machi baita biꞌia b̶uu mʉ wãi. Mʉ wãwẽebʉrã machi Aid̶abarii neebai. Maamina mʉ wãaruubʉrã chi mau machimaa bʉii.

Juan 13:31

Judas wãd̶akare Jesusba jarasii: —Jãabáeburu Dachi Akõreba unubiai mʉ, chi Ẽbẽra Ba B̶uad̶a chi mechiu nii. Mau awara mʉʉd̶eeba Dachi Akõreba unubii ichi chi mechiu nii.

1 Corintios 14:13

Maud̶eeba chi dachiba ũrid̶akau bed̶ead̶e berrea b̶uuba Dachi Akõremaa ʉtaa id̶i b̶uu ara ichiba jarad̶a poyaa kuitaa jaraaruu baita.